1 Kɔl 10:25 - BAEBOLO ANZƐƐ BULUKU NWUANZANWUANZA

²⁵ Bɛli nane biala mɔɔ bɛtɔne ye wɔ gua nu la, bɛmmadwenle nwolɛ bɛbizebiza nwolɛ edwɛkɛ,

1 Kɔl 10:25 ပူးပေါင်းရင်းမြစ်များ

Ɛzoanvolɛma Gyima ne 10:15

Ɛnelɛ ne eza zele ye kɛ, “Debie mɔɔ Nyamenle ɛde nwolɛ la, mmaka kɛ nwolɛ ɛnde.”

Wulo 13:5

Ɛhye ati ɔwɔ kɛ bɛtie na bɛyɛ mɔɔ menli mɔɔ tumi anzɛɛ maanlebulɛ ne wɔ bɛ sa nu la kɛze bɛ la, tɛ kɛ Nyamenle kɛdea bɛ la ati ɔ, na bɛ adwenle nu te wienyi la ati ɔ.

Wulo 14:14

Sumunli kɛ me nee Awulae Gyisɛse lile ngamɔnu la menwu ye kɔsɔɔ kɛ aleɛ biala ɛnle ɛkɛ mɔɔ anwo ɛnde a. Na saa awie dwenle kɛ bie anwo ɛnde a, ɛnee nwolɛ ɛnde ɛmmaa ɔdaye ɔ ngome,

1 Kɔl 8:7

Noko tɛ menli ne amuala a lɛ nɔhalɛ deɛnwunlɛ ɛhye a. Amonlezɔlɛ ɛli menli bie mɔ adwenle ɛmaa ɛnɛ nee ɛnɛ ala saa bɛdi aleɛ zɛhae mɔ bie a ɛnee bɛdwenle nwolɛ kɛ asɛɛ amgba ɔle aleɛ mɔɔ bɛva bɛzɔ “nɔhalɛ” amonle a. Ɔba ye zɛhae a ɛnee kɛmɔ bɛ adwenle ɛtɛtinle la ati, bɛfa ye kɛ aleɛ ne gua bɛ nwo evinli.

1 Tem 4:4

Debie biala mɔɔ Nyamenle ɛbɔ la le kpalɛ. Ɔnle kɛ yɛkpo biala. Ɔwɔ kɛ yɛfa moyɛlɛ yɛdie ɔ muala,

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:15

Debie biala anwo te maa menli mɔɔ anwo te la, na ɛtanevolɛma nee menli mɔɔ ɛnlɛ diedi la, debie biala anwo ɛnde, ɔboalekɛ bɛ adwenle nee bɛ ti anu kɛkɛba ne ɛkpɔlɔ.