1 Kɔl 10:13 - BAEBOLO ANZƐƐ BULUKU NWUANZANWUANZA

¹³ Sɔnea biala mɔɔ ɛdo bɛ la le kɛ mɔɔ to awie biala la. Nyamenle le nɔhalɛ, bɛkola bɛfa bɛ rɛle bɛwula ye nu kɛ ɔnrɛmaa sɔnea mɔɔ bɛnrɛhola ɔ nloa gyinla la ɛnrɛdo bɛ ɛlɛ. Bɛ sɔnea mekɛ nu bɔbɔ, ɔbamaa bɛ anwosesebɛ yeamaa bɛagyinla ɔ nloa, na yeahile bɛ adenle yeamaa bɛavi nu.

1 Kɔl 10:13 ပူးပေါင်းရင်းမြစ်များ

Edwɛndolɛ Buluku ne 124:7

Yɛvi ɛsalɛ kɛ anloma mɔɔ ɛvi ɛhane nu; ɛhane ne ɛbubu, yɛvi ɛsalɛ!

Edwɛndolɛ Buluku ne 125:3

Amumuyɛma ɛnrɛli belemgbunli wɔ tenlenema azɛlɛ zo dahuu; anrɛɛ tenlenema kɛdwazo kɛli ɛtane.

Edwɛndolɛ Buluku ne 36:5

O Ɛdɛnkɛma, wɔ ɛhulolɛ kpundii ne dwu anwomanyunlu, wɔ nɔhalɛlilɛ ne dwu amungu ne mɔ anu.

Edwɛndolɛ Buluku ne 89:33

Noko menrɛye me ɛhulolɛ kpundii ne ɔ nwo zo, yɛɛ mebali nɔhalɛ meamaa ye dahuu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:17

na mebɔ ɛwɔkɛ kɛ mebaye bɛ meavi bɛ amaneɛnwunlɛ nu wɔ Yigyibiti na me nee bɛ ahɔ Keenama, Hɛtema, Amɔlema, Pɛlɛzema, Haevaema, nee Gyibɛsema azɛlɛ zo. Ɛkɛ ne azɛlɛ ne le kpalɛ na ɔkye aleɛ.’

Ayezaya Buluku ne 11:5

Ɔbava pɛlepɛlelilɛ yeayɛ akyeso yeahye ɔ nze zo, na yeava nɔhalɛlilɛ yeayɛ tabule mɔɔ hye ye avinli.

Ayezaya Buluku ne 25:1

O Ɛdɛnkɛma, ɛle me Nyamenle; mebali wɔ eni kpole, mebaye wɔ duma ayɛlɛ, ɔluakɛ wɔyɛ nwanwane ninyɛne, tete yɛɛ ɛhyehyɛle bɛ a, yɛɛ nɔhalɛ nu wɔyɛ.

Ayezaya Buluku ne 49:7

Ɛdɛnkɛma, Yizilayɛ Kpɔnevolɛ ne, Yizilayɛ Nwuanzanwuanza Ko ne ɛlɛka ahile sonla ne mɔɔ le arelemgbunli sonvolɛ, mɔɔ maanle maanle ne mɔ ɛkpo ye, na bɛkyi ye kpole kpalɛ la kɛ, “Arelemgbunli banwu wɔ na bɛadwazo; arelemgbunli amra mrenya badu agua ɛ nyunlu, ɔboalekɛ Ɛdɛnkɛma, Yizilayɛ Nwuanzanwuanza Ko ne, mɔɔ ɛkpa nu ɛye wɔ la di nɔhalɛ.”

Gyɛlɛmaya Buluku ne 12:5

Ɛdɛnkɛma zele me kɛ, “Gyɛlɛmaya, saa ɛ nee menli ɛzu ɛnriandilɛ na wɔangola bɛ a, kɛ ɛsi ɛkola ɛ nee mgbɔnwɔ su ɛnriandilɛ ɛ? Na saa ɛlua azɛlɛ wienyi zo wɔdu wɔdɔ a, ɛnee saa ɛlua Dwɔdan kpɔkɛmile nu a, kɛ ɛkɛyɛ ɛ?

Gyɛlɛmaya Buluku ne 29:11

ɔluakɛ medame a meze adwenle mɔɔ meva ye bɛ nwo a. Ɔnle adwenle ɛtane, ɔle adwenle kpalɛ mɔɔ bamaa bɛakpazi, bɛ tɛnlabelɛ nu ayɛ boɛ na bɛanyia anyelazo.

Gyɛlɛmaya Awolɛyelɛ 3:23

alehyenlɛ biala bɛle fofolɛ, wɔ nɔhalɛlilɛ ne le kpole.

Daneɛle Buluku ne 3:17

Saa ɔba ye zɔhane a, Nyamenle ne mɔɔ yɛsonle ye la kola die yɛ fi sendɔlɔra ne anu, yɛɛ ɔbalie yɛ yeavi ɛ sa nu.

Hozia Buluku ne 2:20

Mebava wɔ meayɛ me ye nɔhalɛ nu, na ɛbanwu kɛ mele Ɛdɛnkɛma.

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Luku hɛlɛle la 11:4

Na fa yɛ ɛtane ne mɔ kyɛ yɛ, ɔluakɛ awie mɔɔ fo yɛ la, yɛfa yɛkyɛ ye. Na mmamaa yɛkɔ sɔnea nu.’ ”

Edwɛkpa ne kɛmɔ Luku hɛlɛle la 16:26

Saa ɛtu ɛhye bɔbɔ ɛsie ahane a, eza kuma kpole bie la wɔ nee yɛ avinli, amaa awie angola anvi ɛke amba ɛ nwo lɔ, na awie noko vi nehane ara ɛke.’

Edwɛkpa ne kɛmɔ Luku hɛlɛle la 22:46

Na ɔzele bɛ kɛ, “Duzu ati a bɛlɛdafe ɛ? Bɛdwazo na bɛzɛlɛ na bɛangɔ ngyegyelɛ nu.”

Ɛzoanvolɛma Gyima ne 27:44

Menli noko mɔɔ hale la bie mɔ sesale ndaboa mɔɔ wɔ ɛlɛne ne anu, mɔɔ ɛlɛtudu ahɔ la bie, bie mɔ noko sosɔle ɛlɛne ne abɛta abɛta ne mɔɔ ɛdudu la anu bɛvole bɛbutubutule zolɛ. Ɛnee kɛ yɛyɛle mɔɔ yɛ muala yɛholale aze dwu la ɛne.

1 Kɔl 1:9

Bɛkola bɛfa bɛ rɛle bɛwula Nyamenle ne mɔɔ vɛlɛle bɛ kɛ bɛ nee ɔ Ra Gyisɛse Kelaese, yɛ Awulae ɛradila agɔnwolɛ la anu.

2 Kɔl 1:10

Ewule ɛzulolɛ zɛhae anu yɛɛ ɔyele yɛ ɔvile a, yɛɛ ɔkɛye yɛ nu somaa; yɛɛ eza yɛ rɛle wɔ ye nu kɛ ɔkɛye yɛ nu bieko,

Mɛla 7:9

Bɛnwu ye kɛ Ɛdɛnkɛma bɛ Nyamenle ne le Nyamenle, nɔhalɛ Nyamenle ne mɔɔ sie ye ngyekyeleɛ, na ɔkulo bɛdabɛ mɔɔ bɛkulo ye na bɛdi ye mɛla zo la, kɔdwu awolɛndoazo apenle nwo zo,

1 Tɛs 5:24

Bɛkola bɛfa bɛ rɛle bɛwula Nyamenle ne mɔɔ fɛlɛ bɛ la anu, ɔluakɛ ɔkola ɔyɛ.

2 Tɛs 3:3

Bɛkola bɛfa bɛ rɛle bɛwula Awulae anu. Ɔbamaa bɛ nwo ayɛ se na yealie bɛ gyɛlɛɛnye yeavi Ɛtanenli ne asa anu.

2 Tem 4:18

Na Awulae balie me gyɛlɛɛnye avi munzule muala anu na ɔ nee me ahɔ ye anwuma Belemgbunlililɛ ne abo. Anyunlunyia ɛha ye dahuu! Amen.

Kɛlata mɔɔ bɛhɛlɛle bɛhɔmanle Hibuluma la 10:23

Bɛmaa yɛzɔ anyelazo ne mɔɔ yɛlɛ ye la anu kpalɛ, ɔboalekɛ Nyamenle ne mɔɔ bɔle yɛ ɛwɔkɛ ne la le nɔhalɛ.

Kɛlata mɔɔ bɛhɛlɛle bɛhɔmanle Hibuluma la 11:11

Ɔlua diedi zo yɛɛ Sɛla, mɔɔ ɛnee yeyɛ ɛrelera na yebo awolɛ zo bɔbɔ la, nrenzɛle wole a, ɔluakɛ ɔliele ɔlile kɛ Nyamenle mɔɔ bɔle ɛwɔkɛ ne la le nɔhalɛ na ɔkola ɔyɛ.

Kɛlata mɔɔ bɛhɛlɛle bɛhɔmanle Hibuluma la 12:4

Bɛ nee ɛtane bɛ konle ye anu, bɛtɛdwule ye kpɔmgbɔse ne mɔɔ ɛhunlɛ bɔbɔ finde nu a.

Kɛlata mɔɔ bɛhɛlɛle bɛhɔmanle Hibuluma la 6:18

Ɛhye ati, ninyɛne nwiɔ ɛhye mɔ a wɔ ɛkɛ mɔɔ ɛngakyi na ɔkile kɛ Nyamenle ɛnrɛbɔ adalɛ ɛlɛ a, amaa yɛdayɛ mɔɔ yɛnriandi yɛahɔvea ye nu la yɛanyia akɛnrasesebɛ yɛazɔ anyelazo ɛhye mɔɔ bɛva bɛzie yɛ nyunlu la anu kpalɛ.

1 Pit 4:19

Zɔhane ati ɔwɔ kɛ bɛdabɛ mɔɔ Nyamenle ɛhulolɛ ti bɛnwu amaneɛ la bɔ ɛbɛla kpalɛ na bɛfa bɛ nwo bɛto bɛ Bɔvolɛ ne anwo zo, ɔluakɛ ɔdi ye ɛwɔkɛ zo dahuu.

2 Pit 2:9

ɛnee Awulae ze kɛ ɔsi ɔdie menli kpalɛ ɔfi bɛ sɔnea nu na ɔsie amumuyɛma wɔ ndeanlɛ bo kɔkpula Ndɛnebualɛ Kenle ne a.

1 Dw 1:9

Nyamenle di ye ɛwɔkɛ zo, ɔdi pɛlepɛle. Saa yɛka yɛ ɛtane ne mɔ yɛkile ye a, ɔkɛva ɔkɛhyɛ yɛ na ɔkɛde yɛ nwo ɔkɛvi nyɛleɛ mɔɔ ɛndenrɛ la amuala anwo.

Yekile 19:11

Akee menwunle kɛ anwuma ɛbuke, na nrenya bie de ɛkpɔnwɔ fufule zo gyi ɛkɛ. Nrenya ne mɔɔ de ɛkpɔnwɔ fufule ne azo la bɛfɛlɛ ye Diedinli nee Nɔhavo; ɔfa pɛlepɛle a ɔbua ndɛne, ɔko konle a.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.

Yekile 3:10

Kɛmɔ wɔli me edwɛkɛ zo, wɔnyia abotane la, ngyegyelɛ kpole ne mɔɔ ɛlɛba ewiade arazɔ menli kɔsɔɔti mɔɔ wɔ azɛlɛ ye azo anlea la, mebaye wɔ meavi nu.

1 Sam 29:10

Yemɔti, nwonlomɔ anrɛɛ dwazo ndɛ, saa maanle nu tete ala a, fa menli mɔɔ nee wɔ lua la sia kɔ.”