1 Kɔl 10:11 - BAEBOLO ANZƐƐ BULUKU NWUANZANWUANZA

¹¹ Ninyɛne ɛhye mɔ sisile bɛ nwo zo, amaa yeayɛ kɔkɔbɔlɛ yeamaa awie mɔ, yɛɛ bɛhɛlɛle kɛ bɛfa bɛahilehile yɛ, ɔluakɛ ewiade ne awieleɛ mekɛ a yɛwɔ nu la.

1 Kɔl 10:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:35

Yemɔti kenle ko ne nɔe ne bɛmanle bɛ ze nlonle nwanye bole, na ralɛ raalɛ ekyi ne doale ye nee ye hɔlale. Noko bɛ ze annwu ye, ɔluakɛ ɔbole somaa.

Edwɛndolɛ Buluku ne 102:18

Bɛhɛlɛ ɛhye bɛmaa awolɛndoazo mɔɔ bara la, amaa menli mɔɔ bɛtɛwole bɛ la aye Ɛdɛnkɛma ayɛlɛ kɛ:

Yizikeɛle Buluku ne 5:15

“Saa me ɛya ne fo me na me sa sɔ wɔ nu kɛ metea wɔ a, maanle maanle mɔɔ ɛbɔ ɛyia wɔ la bazi wɔ amgbu, na yeayɛ kɔkɔbɔlɛ yeamaa bɛ. Medame Ɛdɛnkɛma a mese a!

Edwɛkpa ne kɛmɔ Mateyu hɛlɛle la 13:39

Kpɔvolɛ ne mɔɔ luale bɛ la a le Abɔnsam. Ɛbuhenle ne a le ewiade awieleɛ, yɛɛ menli mɔɔ bu bɛyɔba ne la a le Nyamenle soanvolɛma.

Edwɛkpa ne kɛmɔ Mateyu hɛlɛle la 13:40

Kɛmɔ bɛdudule ndile ne na bɛyelale bɛ senle nu la, zɔhane ala yɛɛ ewiade awieleɛ bayɛ a.

Wulo 13:11

Ɛhye mɔ amuala anzi, ɔwɔ kɛ bɛnwu kɛ mekɛ ɛdwu mɔɔ ɔwɔ kɛ bɛfi nafelɛ nu bɛdwazo a. Ɔluakɛ ngoanelielɛ mekɛ ne ɛbikye ɛdɛla kɛmɔ yɛzuzule ye wɔ mekɛ mɔɔ yɛlumuale yɛnyianle diedi ne la.

Wulo 13:12

Aledwolɛ ne asɛɛ ɛze, alehyenlɛ ɛbikye; zɔhane ati bɛmaa yɛgyakyi awozinli nu nyɛleɛ ne mɔ, na yɛva wienyi nu konle tɛladeɛ mɔɔ bamaa yɛahola ko la yɛwula.

Wulo 15:4

Debie biala mɔɔ bɛhɛlɛ ye wɔ Nyamenle Edwɛkɛ ne anu la wɔ ɛkɛ ne kilehile yɛ, amaa yɛagyinla kpundii, yɛazi yɛ ahonle yɛalua mɔɔ Nyamenle Edwɛkɛ ne fa maa yɛ la azo yɛanyia anyelazo.

Wulo 4:23

Edwɛkɛ agbɔkɛ “bɛliele ye kɛ ɔle tenlenenli” ne, bɛangɛlɛ bɛammaa ɔ ngome kye.

1 Kɔl 10:6

Ninyɛne ɛhye mɔ le kɔkɔbɔlɛ maa yɛ, na bɛbɔ yɛ kɔkɔ amaa yɛ ti akunlu amba ninyɛndane ɛyɛlɛ zo, kɛmɔ bɛ bie mɔ yɛle la,

1 Kɔl 7:29

Mediema, mɔɔ mekpondɛ meaha la a le ɛhye: mekɛ ne ɛwie, na ɔvi ɛnɛ mɔɔ kɔ la, kunlima ɛdɛnla kɛ bɛngya mraalɛ;

1 Kɔl 9:10

Anzɛɛ tɛ yɛmɛ yɛ ti a ɔhanle ɛhye a? Nɔhalɛ, bɛhɛlɛ ɛhye wɔ sonla ti. Bɛmaa mɔɔ so ɛya nee mɔɔ fa nu aleɛ la ɛyɛ bɛ gyima ne anyelazo nu kɛ bɛbanyia bɛ afoa nu aleɛ ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:24

Debie zɛhae ka yɛ edwɛkɛ mɔɔ ndelebɛbo wɔ nu a: mraalɛ nwiɔ ne gyi ɛkɛ maa ngyekyeleɛ nwiɔ. Raalɛ ne mɔɔ wole ɔ mra ɛdeɛ ne wɔ akɛlɛ ɛzonlenlɛ nu la a le Heega; ɔgyi ɛkɛ ɔmaa ngyekyeleɛ ne mɔɔ bɛyɛle ye wɔ Boka Saenae azo la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:5

Bɛmaa awie biala ɛnwu kɛ bɛlɛ abotane molozo. Awulae ɛbikye.

Kɛlata mɔɔ bɛhɛlɛle bɛhɔmanle Hibuluma la 10:25

Bɛmmamaa yɛgyakyi kɛ yɛkɛhɔ yɛ nyianu ne, kɛmɔ bie mɔ yɛ la. Bɛdabɛ bɛkola bɛnwu kɛ Awulae Kenle ne ɛbikye, yemɔti bɛmaa yɛsosɔ yɛ nwo ngoko ngoko.

Kɛlata mɔɔ bɛhɛlɛle bɛhɔmanle Hibuluma la 10:37

Nyamenle Edwɛkɛ ne se, “Ɔnrɛhyɛ biala na sonla ne mɔɔ ba la ara, ɔnrɛzi aze fee.

1 Dw 2:18

Me mra ngakula, awieleɛ mekɛ ne ɛbikye! Bɛde ye dɛba kɛ Kelaese Kpɔvolɛ ne mɔɔ bayɛ ɔ nwo kɛ yemɔ a ɔle Kelaese ne la bara, na kɛkala bɔbɔ, Kelaese kpɔvolɛma dɔɔnwo ɛye bɛ nyunlu, yemɔti yɛnwu kɛ awieleɛ mekɛ ne ala ɛne.