1 Kɔl 10:1 - BAEBOLO ANZƐƐ BULUKU NWUANZANWUANZA

¹ Mediema, mekpondɛ kɛ bɛkakye mɔɔ zile yɛ nlenya mɔ mɔɔ doale Mosisi la anwo zo la. Bɛ muala yɛɛ amungu ne wowale bɛ a, yɛɛ bɛ muala a bɛluale Nyevile Kɔkɔlɛ ne anu bɛpɛle a.

1 Kɔl 10:1 ပူးပေါင်းရင်းမြစ်များ

Nihɛmaya Buluku ne 9:19

Noko wɔamkpo bɛ wɔ fienemgbole ne anu, ɔluakɛ wɔ anwunvɔnezelɛ ne le kpole, Wɔanye amungu bolomolo ne anzɛɛ senle bolonwonwo ne mɔɔ hilele bɛ adenle ewiazo nee nɔɔzo la.

Edwɛndolɛ Buluku ne 105:39

Ɛdɛnkɛma manle amungu hedale bɛ nwo zo, nɔɔzo ɔzɔle senle ɔmanle bɛ wienyi.

Edwɛndolɛ Buluku ne 66:6

Ɔmanle nyevile ne yɛle azɛlɛ resee; menli diale bɛ gyakɛ anu pɛle azule ne. Ɛkɛ ne yɛɛ yɛ nye liele ye nu a.

Edwɛndolɛ Buluku ne 78:53

Ɔbɔle bɛ nwo bane, yemɔti bɛanzulo; na nyevile ne bule vale bɛ kpɔvolɛma ne anwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:29

Nyevile ne dwazole bolonwonwo yɛle bane wɔ Yizilayɛma fema zo nee bɛ bɛne zo, na bɛluale azɛlɛ resee zo bɛpɛle nyevile ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:34

Akee amungu hedale Ndanlɛ Sua ne azo, na Ɛdɛnkɛma anyunlunyia ne yile sua ne tɛkɛɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:14

bɛbaha bɛahile menli mɔɔ wɔ azɛlɛ ye azo la. O Ɛdɛnkɛma, bɛde kɛ ɛwɔ wɔ menli ne avinli, yɛɛ wɔ amungu ne keda bɛ nwo zo. Ɛbikye bɛ kpalɛ kpalɛ. Ewiazo ɛle amungu mpila ɛdumua bɛ nyunlu na nɔɔzo wɔayɛ senle mpila wɔalumua bɛ nyunlu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 33:8

Bɛvile Pae Hahaelo na bɛpɛle Nyevile Kɔkɔlɛ ne, bɛdiale kenle nsa adenle bɛhɔle Hyɔɔ fienemgbole ne anu, na bɛyɛle azokoɛleɛ wɔ Mɛɛla.

Dw 4:20

Me nlenya mɔ Samɛleama zonlenle Nyamenle wɔ boka ye azo, na bɛmɛ Dwuuma bɛse Gyɛlusalɛm ala a le ɛleka mɔɔ ɔwɔ kɛ bɛsonle Nyamenle a.”

Wulo 1:13

Me mediema, mekpondɛ kɛ bɛnwu kɛ mekɛ dɔɔnwo anu mehyehyɛ kɛ anrɛɛ menwɔrakpɔla bɛ, amaa meahola meahakyi bɛ bie mɔ dɔɔnwo, kɛmɔ meyɛ ye wɔ maanle maanle dɔɔnwo zo la, noko ɔyɛ a ɛnee debie fofolɛ ɛzi me aze.

Wulo 11:21

Ɔluakɛ saa Nyamenle anvavi Dwuuma ne mɔɔ le kɛ baka ne ɔdaye ye ngane ne mɔ la a, ɛnee ɔnrɛvavi bɛdabɛ noko.

Wulo 4:11

Nzinlii a Ebileham manle bɛyɛle ye mrenyanu nzonlɛ, ɔvale ɔyɛle sɛkɛlɛneɛ anzɛɛ nzonlɛ mɔɔ kile kɛ Nyamenle ɛlua ye diedi zo ɛmaa yezɔ ɔ nye a. Yemɔti Sunsum nu a, ɛnee Ebileham le bɛdabɛ mɔɔ bɛdie Nyamenle bɛdi na yelie bɛ kɛ bɛsɔ ɔ nye, noko bɛtɛyɛle bɛ mrenyanu nzonlɛ la bɛ ze.

1 Kɔl 12:1

Me mediema, mekpondɛ kɛ bɛnwu nɔhalɛ ne mɔɔ fane Sunsum Nwuanzanwuanza ne ahyɛlɛdeɛ ne mɔ mɔɔ bɛhɛlɛle me nwolɛ la anwo.

1 Kɔl 14:38

Na saa ɔnlie ɔndo nu a, bɛdabɛ noko bɛmmadie ye bɛto nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:29

Saa bɛle Kelaese ɛdeɛ a, ɛnee bɛle Ebileham nlɔnra mɔɔ asa baha Nyamenle ahyɛlɛdeɛ ne mɔɔ ɔvale ɔbɔle ɛwɔkɛ ne la a.

Mɛla 1:33

Yemɔ yɛɛ ɔlile bɛ ti wɔ adenle nu kɛ ɔkpondɛ ɛleka yeamaa bɛayɛ bɛ azokoɛleɛ a, ɔyɛle sendɔlɔra ɔlile bɛ nyunlu nɔɔzo ɔhilele bɛ adenle mɔɔ bɛva zolɛ la yɛɛ alehyenlɛ nu ɔyɛle amungu ɔhedale bɛ nwo zo.

Kɛlata mɔɔ bɛhɛlɛle bɛhɔmanle Hibuluma la 11:29

Diedi zo yɛɛ Yizilayɛma luale mɔɔ bɛpɛle Ndɔ Nyevile ne kɛ asɛɛ bɛlua azɛlɛ resee zo la a; mɔɔ Yigyibitima yɛle kɛ bɛdabɛ noko bɛpɛ la, azule ne vale bɛ.

Dwɔhyua Buluku ne 4:23

Bɛha bɛhile bɛ kɛ Ɛdɛnkɛma bɛ Nyamenle ne manle azule ne sesanle dole azɛlɛ resee ne hɔkpulale kɛ bɛ muala bɛpɛle nu la, kɛmɔ ɔyɛle Ndɔ Nyevile ne ɔmanle yɛpɛle la.