1 Kɔl 1:9 - BAEBOLO ANZƐƐ BULUKU NWUANZANWUANZA

⁹ Bɛkola bɛfa bɛ rɛle bɛwula Nyamenle ne mɔɔ vɛlɛle bɛ kɛ bɛ nee ɔ Ra Gyisɛse Kelaese, yɛ Awulae ɛradila agɔnwolɛ la anu.

1 Kɔl 1:9 ပူးပေါင်းရင်းမြစ်များ

Edwɛndolɛ Buluku ne 100:5

Ɔluakɛ Ɛdɛnkɛma le kpalɛ; ye ɛhulolɛ kpundii ne wɔ ɛkɛ ne dahuu, yɛɛ ye nɔhalɛlilɛ dwu awolɛndoazo muala anwo zo. Gyɛ 33.11

Ayezaya Buluku ne 11:5

Ɔbava pɛlepɛlelilɛ yeayɛ akyeso yeahye ɔ nze zo, na yeava nɔhalɛlilɛ yeayɛ tabule mɔɔ hye ye avinli.

Ayezaya Buluku ne 25:1

O Ɛdɛnkɛma, ɛle me Nyamenle; mebali wɔ eni kpole, mebaye wɔ duma ayɛlɛ, ɔluakɛ wɔyɛ nwanwane ninyɛne, tete yɛɛ ɛhyehyɛle bɛ a, yɛɛ nɔhalɛ nu wɔyɛ.

Ayezaya Buluku ne 49:7

Ɛdɛnkɛma, Yizilayɛ Kpɔnevolɛ ne, Yizilayɛ Nwuanzanwuanza Ko ne ɛlɛka ahile sonla ne mɔɔ le arelemgbunli sonvolɛ, mɔɔ maanle maanle ne mɔ ɛkpo ye, na bɛkyi ye kpole kpalɛ la kɛ, “Arelemgbunli banwu wɔ na bɛadwazo; arelemgbunli amra mrenya badu agua ɛ nyunlu, ɔboalekɛ Ɛdɛnkɛma, Yizilayɛ Nwuanzanwuanza Ko ne, mɔɔ ɛkpa nu ɛye wɔ la di nɔhalɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:19

Nyamenle ɛnle kɛ sonla na yeabɔ adalɛ, Ɔnle kɛ dasanli mɔɔ yɛ na yeavu ɔ nwo. Ye ɛwɔkɛ biala, ɔdi zo; Ɔka, na ɔyɛ zɔ.

Edwɛkpa ne kɛmɔ Mateyu hɛlɛle la 24:35

Anwuma nee aze bapɛ nu aze, na me nloa edwɛkɛ ɛnrɛpɛ nu ɛlɛ.

Dw 17:21

Mesɛlɛ kɛ bɛ muala bɛkɛyɛ ko. Egya! Maa bɛdɛnla yɛ nu, kɛmɔ ɛde me nu na medame mede wɔ nu la. Maa bɛyɛ ko, amaa ewiade amra alie ali kɛ amgba ɛdawɔ a ɛzoanle me a.

Wulo 11:17

Kɛkala ɛdeɛ Dwuuma le kɛ baka belɛ mɔɔ bɛpepɛ ye ngane ne mɔ bie bɛgua na bɛva bɛmɛ mɔɔ bɛle kɛ baka nyinli la ngane bɛrasisa zolɛ, kɛ bɛnyia nyilalɛ ne mɔɔ vi baka ne anu ba la bie.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

Wulo 8:30

Yemɔti bɛdabɛ mɔɔ Nyamenle ɛkpa nu ɛye bɛ la yɛɛ ɔfɛlɛ bɛ na ɔdielie bɛ ɔmaa bɛsɔ ɔ nye, na ɔ nee bɛ tɛnla anyunlunyia nu a.

Wulo 9:24

Ɔluakɛ yɛmɛ yɛɛ yevɛlɛ yɛ yevi Dwuuma nee bɛdabɛ mɔɔ bɛnle Dwuuma la avinli a.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 10:13

Sɔnea biala mɔɔ ɛdo bɛ la le kɛ mɔɔ to awie biala la. Nyamenle le nɔhalɛ, bɛkola bɛfa bɛ rɛle bɛwula ye nu kɛ ɔnrɛmaa sɔnea mɔɔ bɛnrɛhola ɔ nloa gyinla la ɛnrɛdo bɛ ɛlɛ. Bɛ sɔnea mekɛ nu bɔbɔ, ɔbamaa bɛ anwosesebɛ yeamaa bɛagyinla ɔ nloa, na yeahile bɛ adenle yeamaa bɛavi nu.

1 Kɔl 10:16

Nyilalɛ dwora ne mɔɔ yɛyɛ Nyamenle mo wɔ nwolɛ la, Kelaese mogya ne a yɛkyɛ yɛno ye nu a, yɛɛ kpanwo ne mɔɔ yɛdie yɛdi la, Kelaese nwonane ne a yɛdi a.

2 Kɔl 1:18

Kɛmɔ Nyamenle le nɔhalɛ, na yɛkola yɛfa yɛ rɛle yɛwula ye nu la, me ɛwɔkɛ ne mɔɔ membɔle bɛ la ɛnle ɛwɔkɛ mɔɔ meka “ɛhɛe” a ɛnee mekile “kyɛkyɛ” a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:15

Na amuanrɛɛ wɔ ɛhye mɔ amuala anu, ɛnee Nyamenle ɛye me ɛzie ɛkɛ dɛba ɛmaa ɔ nwo, bɔbɔ kolaa na bɛawo me, yɛɛ akee yelua ye ɛlolɛ zo yevɛlɛ me kɛ mendoa ɔ bo zo na menyɛ ye gyima a. Yemɔti mɔɔ mekɛ ne dwule na ɔbɔle kpɔkɛ

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:6

Edwɛkɛ mɔɔ ɛnee vea ɛkɛ ne la a le kɛ, ɔlua Edwɛkpa ne azo, bɛdabɛ mɔɔ bɛnle Dwuuma nee Dwuuma bɔ nu nyia Nyamenle nyilalɛ ne mɔ; bɛyɛ menli ko na bɛnyia Nyamenle ɛwɔkɛ ne mɔɔ Kelaese Gyisɛse ati ɔbɔle la.

Mɛla 32:4

“Bodane ne, ye gyima di munli, ɔluakɛ ɔdi pɛlepɛle. Ɔle Nyamenle mɔɔ di nɔhalɛ, ɔnle amumuyɛ, ɔdi pɛlepɛle, ye edwɛkɛ le fɔɔnwo.

Mɛla 7:9

Bɛnwu ye kɛ Ɛdɛnkɛma bɛ Nyamenle ne le Nyamenle, nɔhalɛ Nyamenle ne mɔɔ sie ye ngyekyeleɛ, na ɔkulo bɛdabɛ mɔɔ bɛkulo ye na bɛdi ye mɛla zo la, kɔdwu awolɛndoazo apenle nwo zo,

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

1 Tɛs 2:12

Yɛzile yɛ ahonle, yɛkyekyele bɛ rɛle, na yɛhɔle zolɛ yɛmanle bɛ anwosesebɛ kɛ bɛbɔ ɛbɛla mɔɔ fɛta Nyamenle ne mɔɔ fɛlɛ bɛ kɛ bɛrɛla ye anyunlunyia Belemgbunlililɛ ne anu la.

2 Tɛs 2:14

Nyamenle luale Edwɛkpa ne mɔɔ yɛhanle yɛhilele bɛ la azo a vɛlɛle bɛ a, amaa bɛanyia Awulae Gyisɛse Kelaese anyunlunyia ne bie.

2 Tɛs 3:3

Bɛkola bɛfa bɛ rɛle bɛwula Awulae anu. Ɔbamaa bɛ nwo ayɛ se na yealie bɛ gyɛlɛɛnye yeavi Ɛtanenli ne asa anu.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

2 Tem 2:13

Saa yɛnli nɔhalɛ a, yemɔ, ɔdi nɔhalɛ dahuu. Ɔluakɛ ɔngola ɔmbɛlɛbɛla ɔ nwo.”

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:2

Yɛ nyamenlezonlenlɛ ne gyi anyelazo zo kɛ kenle bie yɛbanyia ngoane mɔɔ ɛnlɛ awieleɛ la. Nyamenle, mɔɔ ɔmbɔ adalɛ ɛlɛ la, vale ngoane ɛhye bɔle yɛ ɛwɔkɛ kolaa na yeabɔ ewiade.

Kɛlata mɔɔ bɛhɛlɛle bɛhɔmanle Hibuluma la 10:23

Bɛmaa yɛzɔ anyelazo ne mɔɔ yɛlɛ ye la anu kpalɛ, ɔboalekɛ Nyamenle ne mɔɔ bɔle yɛ ɛwɔkɛ ne la le nɔhalɛ.

Kɛlata mɔɔ bɛhɛlɛle bɛhɔmanle Hibuluma la 11:11

Ɔlua diedi zo yɛɛ Sɛla, mɔɔ ɛnee yeyɛ ɛrelera na yebo awolɛ zo bɔbɔ la, nrenzɛle wole a, ɔluakɛ ɔliele ɔlile kɛ Nyamenle mɔɔ bɔle ɛwɔkɛ ne la le nɔhalɛ na ɔkola ɔyɛ.

Kɛlata mɔɔ bɛhɛlɛle bɛhɔmanle Hibuluma la 2:17

Ɛhye kile kɛ ɔwɔ kɛ ɔyɛ kɛ ɔ mediema ne mɔ la wɔ adenle biala anu, amaa yeayɛ bɛ Sɛlɛvolɛ Kpanyinli mɔɔ di nɔhalɛ na ɔse anwunvɔne wɔ ye Nyamenle gyimayɛlɛ nu, na yeali bɛ ti mgbɔdalɛ, amaa bɛava menli ɛtane bɛahyɛ bɛ.

Kɛlata mɔɔ bɛhɛlɛle bɛhɔmanle Hibuluma la 3:1

Me mediema Keleseɛnema, mɔɔ bɛdabɛ noko Nyamenle ɛvɛlɛ bɛ a! Bɛdwenle Gyisɛse, mɔɔ Nyamenle ɛzoa ye kɛ ɔrayɛ Sɛlɛvolɛ Kpanyinli wɔ diedi ye mɔɔ yɛlɛ nu la anwo.

Kɛlata mɔɔ bɛhɛlɛle bɛhɔmanle Hibuluma la 3:14

Ɔluakɛ alumua diedi ne mɔɔ yɛnyianle la, saa yɛsɔ nu ɛsesebɛ yɛkɔ awieleɛ a yɛɛ yɛ nee Kelaese kɛli agya a.

Kɛlata mɔɔ bɛhɛlɛle bɛhɔmanle Hibuluma la 6:18

Ɛhye ati, ninyɛne nwiɔ ɛhye mɔ a wɔ ɛkɛ mɔɔ ɛngakyi na ɔkile kɛ Nyamenle ɛnrɛbɔ adalɛ ɛlɛ a, amaa yɛdayɛ mɔɔ yɛnriandi yɛahɔvea ye nu la yɛanyia akɛnrasesebɛ yɛazɔ anyelazo ɛhye mɔɔ bɛva bɛzie yɛ nyunlu la anu kpalɛ.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

1 Dw 1:3

Mɔɔ yɛnwu ye nee mɔɔ yɛde la yɛɛ yɛka yɛahile bɛdabɛ noko a, amaa bɛ nee yɛ adila agɔnwolɛ. Yɛ nee Selɛ ne nee ɔ Ra Gyisɛse Kelaese a ɛdila agɔnwolɛ ɛhye a.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

1 Dw 4:13

Saa yɛyɛ ye zɔhane a yɛkɛnwu kɛ yɛde Nyamenle anu na ɔdaye noko ɔde yɛ nu, ɔboalekɛ yeva ɔdaye mumua ne ye Sunsum ne yemaa yɛ.

Yekile 19:11

Akee menwunle kɛ anwuma ɛbuke, na nrenya bie de ɛkpɔnwɔ fufule zo gyi ɛkɛ. Nrenya ne mɔɔ de ɛkpɔnwɔ fufule ne azo la bɛfɛlɛ ye Diedinli nee Nɔhavo; ɔfa pɛlepɛle a ɔbua ndɛne, ɔko konle a.