1 Kɔl 1:8 - BAEBOLO ANZƐƐ BULUKU NWUANZANWUANZA

⁸ Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

1 Kɔl 1:8 ပူးပေါင်းရင်းမြစ်များ

Edwɛndolɛ Buluku ne 37:17

Ɔluakɛ bɛbabubu amumuyɛma asa; na Ɛdɛnkɛma bazɔ tenlenema nu.

Edwɛndolɛ Buluku ne 37:28

Ɔluakɛ Ɛdɛnkɛma kulo pɛlepɛlelilɛ; ɔnrɛkpo ye menli ne mɔɔ di nɔhalɛ la. Ɔbabɔ tenlenema anwo bane dahuu, na yeaminli amumuyɛma abo zo.

Edwɛkpa ne kɛmɔ Luku hɛlɛle la 17:24

Kɛ ɛsɛlɛmanye si kpakye wienyi ta anwomanyunlu vi ɔ ti kɔkpula ɔ bo la, zɔhane ala yɛɛ medame Sonla Ra, mebara wɔ mekɛ ne anu a.

Edwɛkpa ne kɛmɔ Luku hɛlɛle la 17:30

Zɔhane ala yɛɛ kenle mɔɔ medame Sonla Ra, mebara la ɔbayɛ a.

Wulo 14:4

Na ɛdawɔ a le nwane mɔɔ ɛbua awie akɛlɛ ndɛne a? Saa ɔyɛ ye boɛ o, ɔnyɛ ye boɛ o, ɔ menle ala a kola ka a, yɛɛ ɔbayɛ boɛ yeamaa ye noko, ɔboalekɛ Awulae kola maa ɔyɛ boɛ ɔmaa ye.

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

Wulo 8:19

Abɔdeɛ muala ɛlɛkendɛ anwolɔlɛ kpole nu kɛ Nyamenle kɛye ɔ mra kɛhile.

1 Kɔl 3:13

Na kɛ awie biala gyima si de la bala ali wienyi wɔ Kenle ne mɔɔ Kelaese bara la. Kenle zɔhane senle ne bamaa awie biala gyima ala ali; senle ne bazɔ awie biala gyima mɔɔ yeyɛ la anlea na yeaye ye kɛ ɔde la yeahile.

1 Kɔl 5:5

bɛye sonla ɛhye bɛwula Seetan asa anu amaa ye nwonane ne azɛkye na ye ɛkɛla anyia ngoane wɔ Awulae Kenle ne.

2 Kɔl 1:13

Yɛlɛ edwɛkɛ mɔɔ bɛkola ye kenga na bɛte ɔ bo la a yɛlɛkɛlɛ bɛ a. Me nye la kɛ mɔɔ kɛkala bɛte ɔ bo afoa afoa la, akee bɛbade ɔ bo kpalɛ, amaa yɛ Awulae Gyisɛse ɛralɛ bieko Kenle ne, bɛahola bɛava yɛ bɛadu bɛ nwo kɛmɔ yɛkola yɛfa bɛ yɛtu yɛ nwo la.

2 Kɔl 1:21

Nyamenle ɔdaye a ɔsi yɛ nee bɛdabɛ pi wɔ Kelaese ati a; Nyamenle ɔdaye mumua ne a yeye yɛ yezie ɛkɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:27

amaa yeava asɔne ne kɛnlɛma gyɛlɛɛnye yeamaa ɔ nwo, mɔɔ nwolɛ ɛtɛkpɔdele, evinli biala ɛnle nwolɛ, yɛɛ nvonleɛ biala ɛnle nwolɛ na nwolɛ te nwuanzaanwu a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:10

amaa bɛnwu mɔɔ le kpalɛ la a bɛanwu ye, na bɛ nwo ade saanwu na bɛanli fɔlɛ wɔ Kenle ne mɔɔ Kelaese kɛra la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:6

Zɔhane ati medie medi kɛ Nyamenle mɔɔ bɔle gyima kpalɛ ɛhye abo wɔ bɛ nu la kɛzɔ zolɛ kɛmaa ɔkɛli munli wɔ Kenle ne mɔɔ Kelaese Gyisɛse kɛra la.

Kɔlɔ 1:22

Na kɛkala, ɔlua Kelaese ewule ne azo bɛyɛ Nyamenle agɔnwo mɔ, amaa yeava bɛ yeara ɔ nyunlu kɛ bɛ nwo te nwuanzaanwu mɔɔ fɔlɛlilɛ biala ɛnle bɛ nu a.

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

1 Tɛs 3:13

Zɛhae adenle zo yɛɛ ɔbamaa bɛ nwo ayɛ se, na bɛali munli, bɛ nwo ade wɔ yɛ Nyamenle Selɛ ne anyunlu, wɔ mekɛ mɔɔ yɛ Awulae Gyisɛse nee bɛdabɛ mɔɔ bɛle ye ɛdeɛ la kɛra la a. ɛra la a.

1 Tɛs 5:2

Ɔluakɛ bɛdabɛ bɛze kɛ Awulae Kenle ne bara kɛ awule ba bawua nɔɔzo la.

2 Tɛs 2:2

bɛmmamaa bɛ adwenle yɛ bɛ kpomgbondee anzɛɛ bɛmmadi nyane wɔ nwolɛ na bɛdwenle kɛ asɛɛ Awulae Kenle zɔhane ɛraze dɛbadɛba. Ɔkɛyɛ kɛ bekezɛ ɔvindele Sunsum nu edwɛkɛ bie anu anzɛɛ Nyamenle Edwɛkɛ ne nolobɔlɛ nu, anzɛɛ yɛhɛlɛ ye wɔ yɛ ngɛlata mɔɔ yɛva yɛrɛlɛ bɛ la bie anu.

2 Tɛs 3:3

Bɛkola bɛfa bɛ rɛle bɛwula Awulae anu. Ɔbamaa bɛ nwo ayɛ se na yealie bɛ gyɛlɛɛnye yeavi Ɛtanenli ne asa anu.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

2 Tem 1:18

Awulae ɛnwu ye anwunvɔne wɔ Awulae Kenle ne anu! Ɛdawɔ ɛze dɔɔnwo mɔɔ ɔyɛle ɔmanle me wɔ Ɛfɛsɛse a.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

2 Pit 3:10

Awulae Kenle ne bara kɛ awule la. Kenle ne, anwuma bava ɛnelɛ kpole bie aminliminli anwomanyunlu na anwumaneamra ayela aholo; na azɛlɛ ye nee debie biala mɔɔ wɔ zolɛ la bayela adɔ nzonle.

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.