1 Kɔl 1:5 - BAEBOLO ANZƐƐ BULUKU NWUANZANWUANZA

⁵ Ɔluakɛ Kelaese ati bɛnyia bɛ nwo wɔ ninyɛne kɔsɔɔti anu, bɔbɔ wɔ edwɛkɛ ɛhanlɛ nee adwenle nu amuala.

1 Kɔl 1:5 ပူးပေါင်းရင်းမြစ်များ

Ɛzoanvolɛma Gyima ne 2:4

Sunsum Nwuanzanwuanza ne rayile bɛ tɛkɛɛ na bɛbɔle ɔ bo kɛ bɛka aneɛ ngakyile, kɛmɔ Sunsum ne vale manle bɛ kɛ bɛha la.

Wulo 11:12

Dwuuma ɛtane mɔɔ ɛyɛ la ɛva nyilalɛ dɔɔnwo ɛra ewiade, na bɛ sunsum nu ehyia ɛlilɛ ɛva nyilalɛ ɛrɛlɛ bɛdabɛ mɔɔ bɛnle Dwuuma la. Yemɔti saa Dwuuma amuala baraboka nwo a anrɛɛ nyilalɛ ne bayɛ kpole kpalɛ!

Wulo 15:14

Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko.

Wulo 15:4

Debie biala mɔɔ bɛhɛlɛ ye wɔ Nyamenle Edwɛkɛ ne anu la wɔ ɛkɛ ne kilehile yɛ, amaa yɛagyinla kpundii, yɛazi yɛ ahonle yɛalua mɔɔ Nyamenle Edwɛkɛ ne fa maa yɛ la azo yɛanyia anyelazo.

1 Kɔl 12:10

Nyamenle Sunsum ne maa bie tumi maa ɔyɛ nwanwane ninyɛne yɛɛ ɔmaa bie ahyɛlɛdeɛ mɔɔ ɔfa ɔbɔ Nyamenle edwɛkɛ ne nolo a; ɔmaa bie ɛnyelɛ mɔɔ ɔkola ɔfa ɔnwu ahyɛlɛdeɛ ne mɔ mɔɔ vi Nyamenle Sunsum ne ɛkɛ ne nee mɔɔ ɛnvi ye ɛkɛ ne la. Nyamenle Sunsum ne maa bie tendɛ aneɛ ngakyile, yɛɛ ɔmaa bie noko tumi mɔɔ ɔkola ɔkile mɔɔ bɛka la abo.

1 Kɔl 12:8

Nyamenle Sunsum ne maa bie ka nrɛlɛbɛ edwɛkɛ, yɛɛ ɔmaa bie adwenle nu buke.

1 Kɔl 13:2

Saa melɛ ahyɛlɛdeɛ mɔɔ mefa metendɛ Nyamenle anloa azo, na saa mebe nwoma nu kpole, mete fealeranu edwɛkɛ muala abo, na melɛ diedi mɔɔ maa mekola metudu awoka, na menlɛ ɛhulolɛ a, menzɔho sonla.

1 Kɔl 13:8

Ɛhulolɛ ɛmbɔ aze ɛlɛ. Nyamenle anloa azo ɛdendɛlɛ ɛdeɛ, ɔbakpa nwo. Ahyɛlɛdeɛ mɔɔ bɛfa bɛtendɛ aneɛ ngakyile ne mɔ la bazi aze, yɛɛ nwoma ɛnwunlɛ mgbole bapɛ nu aze.

1 Kɔl 14:26

Me mediema, mɔɔ mekpondɛ meaha la a le kɛ, saa bɛyia nu kɛ bɛsɛlɛ a, mɔɔ lɛ edwɛne la ɛdo, mɔɔ lɛ ngilehilelɛ la ɛhilehile, mɔɔ Nyamenle ɛye debie ɛhile ye la ɛla ye ali, mɔɔ lɛ Nyamenle nrɛlaleɛ wɔ aneɛ ngakyile nu la ɛha, na mɔɔ lɛ ahyɛlɛdeɛ fa kile aneɛ ngakyile bo la ɛhile edwɛkɛ ne mɔɔ bɛha la abo. Bɛyɛ ɛhye mɔ amuala bɛva bɛboa asɔne ne anyunluhɔlɛ.

1 Kɔl 8:11

Saa ɔba ye zɛhae a ɛnee wɔ “deɛnwunlɛ” ne bamaa sonla ɛhye mɔɔ le ɛ diema mɔɔ yemɔti Kelaese wule la aminli.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

2 Kɔl 6:10

Saa bɛbɔ yɛ rɛle a, yɛ nye die yɛ nwo dahuu; ɔzɔho kɛ yɛle ehyianvolɛma, noko yɛyɛ menli dɔɔnwo sukoavolɛma; ɔzɔho kɛ yɛnlɛ bie, noko nɔhalɛ, yɛlɛ debie biala.

2 Kɔl 8:7

Kɛmɔ debie biala anu bɛdi munli, wɔ diedi nu, ɛdendɛlɛ nu, adwenlenubukelɛ nu, bɛ nye mɔɔ ɛkpota bɛ ti anwo kɛ bɛboa, nee ɛhulolɛ mɔɔ bɛlɛ ye wɔ yɛ nwo la, zɔhane ala yɛɛ yɛ nye la kɛ bɛkɛhile bɛ atiakunlukɛnlɛma noko wɔ ɛlolɛ ɛzonlenlɛ ɛhye anu bɛkɛmaa ɔkɛbo zolɛ a.

2 Kɔl 9:11

Wɔ debie biala anu, Nyamenle bamaa bɛanyia bie, amaa bɛ ti akunlu ayɛ kɛnlɛma na menli dɔɔnwo ayɛ Nyamenle mo kɛ ɔlua yɛ nwo zo bɛnyia ahyɛlɛdeɛ bɛvi bɛ ɛkɛ ne a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:17

na mesɛlɛ yɛ Awulae Gyisɛse Kelaese Nyamenle ne mɔɔ le anyunlunyia Selɛ ne kɛ ɔmaa bɛ Sunsum nu nrɛlɛbɛ nee ndelebɛbo mɔɔ kɛmaa bɛkɛnwu ɔdaye Nyamenle kpalɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:7

Ɔyɛle ɛhye amuala ɔhilele ye ɛlolɛ totohyia ne mɔɔ bɛngola bɛnzuzu la nee atiakunlukɛnlɛma mɔɔ ɔlua Kelaese Gyisɛse ati dahuu ɔlɛ ye wɔ yɛ nwo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:19

na bɛzɛlɛ bɛmaa medame noko kɛ saa menyia nwo mebadendɛ a, Nyamenle kɛmaa me edwɛkɛ mɔɔ mebaha la, amaa meahola meadendɛ akɛnrasesebɛ zo meabɔ mɔɔ vea Edwɛkpa ne anu la nolo.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:9

Mesɛlɛ kɛ Nyamenle ɛdo bɛ ɛhulolɛ nu, ɔmaa bɛ nɔhalɛ adwenle nee ndelebɛbo mɔɔ di munli la,

Kɔlɔ 2:3

Kelaese anu a Nyamenle nrɛlɛbɛ ne mɔɔ anwonyia ɛyi ye tɛkɛɛ nee adwenlenubukelɛ vea a.

Kɔlɔ 3:10

Bɛva su fofolɛ ne, mɔɔ Nyamenle ne mɔɔ bɔle ye la nea ye ɛsaso zo kakyihakyi ye dahuu la bɛwula, amaa bɛanwu kɛ ɔdaye mumua ne ɔsi ɔde la.

Gyemise Kɛlata ne 3:13

Bɛ nuhua boni a ze nrɛlɛbɛ na ɔlɛ ndelebɛbo a? Bɛmaa ɔva ye ɛbɛlabɔlɛ kpalɛ ɔpɛ kilemunli ɔhile nyɛleɛ kpalɛ mɔɔ bɛfa mɛlɛbɛnwoaze nee nrɛlɛbɛ bɛyɛ la.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.