1 Kɔl 1:31 - BAEBOLO ANZƐƐ BULUKU NWUANZANWUANZA

³¹ Ɛhye ati, kɛmɔ Nyamenle Edwɛkɛ ne se la, “Awie biala mɔɔ kpondɛ kɛ ɔmemaa ɔ nwo zo la ɛva mɔɔ Awulae ɛyɛ la ɛmemaa ɔ nwo zo.”

1 Kɔl 1:31 ပူးပေါင်းရင်းမြစ်များ

1 Edk 16:10

Bɛli fɛlɛko wɔ ye duma nwuanzanwuanza ne ati; bɛmaa bɛdabɛ mɔɔ bɛkpondɛ Ɛdɛnkɛma la anye ɛlie.

1 Edk 16:35

Bɛmaa yɛha kɛ, “O Nyamenle, yɛ Ngoanedievolɛ, die yɛ; boɔboa yɛ nloa na die yɛ fi maanle maanlema asa anu, amaa yɛayɛ wɔ mo yɛaye wɔ duma nwuanzanwuanza ne ayɛlɛ dahuu.”

Edwɛndolɛ Buluku ne 105:3

Bɛli fɛlɛko wɔ ye duma nwuanzanwuanza ne ati; bɛmaa bɛdabɛ mɔɔ bɛsonle Ɛdɛnkɛma la anye ɛlie.

Edwɛndolɛ Buluku ne 34:2

Me ɛkɛla fa Ɛdɛnkɛma tu ɔ nwo; anwubɛnyunluma ɛdie na bɛli fɛlɛko.

Ayezaya Buluku ne 41:16

Bɛbakpogya bɛ na anwoma ne abɔ bɛ ahɔ, na ahumu abɔ bɛ asande. Ɛdɛnkɛma ati, bɛ nye balie, na bɛaye Yizilayɛ Nwuanzanwuanza Ko ne ayɛlɛ.

Ayezaya Buluku ne 45:25

Ɛdɛnkɛma ati Yizilayɛma abo zo amra bali konim na bɛ nyunlu ara anyia dahuu.

Gyɛlɛmaya Buluku ne 4:2

na bɛka ndane kɛ, ‘Meka Ɛdɛnkɛma’ nɔhalɛ nu, pɛlepɛle nu, nee tenlene nu a, ɛnee bɛhakye kɛ maanle maanle baze me kɛ menyila bɛ, na bɛbaye me ayɛlɛ.”

Wulo 4:2

Saa ye nyɛleɛ a manle ɔzɔle Nyamenle anye a, anrɛɛ ɛnee ɔlɛ debie ɔfa ɔtu ɔ nwo wɔ nwolɛ. Noko ɔngola ɔndu ɔ nwo wɔ Nyamenle anyunlu.

1 Kɔl 4:6

Me mediema, ɔlua bɛ ti yɛɛ meva Apɔlɔso nee medame mumua ne medo edwɛkɛ nwo meha a, amaa bɛazukoa yɛ na bɛanyɛ bɛammaa yeandɛla mɔɔ bɛhɛlɛ bɛdo ɛkɛ ne la. Bɛ nuhua biala mmafa awie ko pɛ ɔ gɔnwo anye zo.

2 Kɔl 10:17

Nyamenle Edwɛkɛ ne se, “Awie biala mɔɔ kpondɛ kɛ ɔmemaa ɔ nwo zo la ɛyɛ ye zɔ wɔ debie mɔɔ Awulae ɛyɛ la anwo.”

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.