1 Kɔl 1:28 - BAEBOLO ANZƐƐ BULUKU NWUANZANWUANZA

²⁸ Nyamenle kpale nu yele deɛ mɔɔ ewiade nea a ɔmbu ye bie na ɔfa ye kɛ ɔnle debie biala la kɛ ɔfa yeazɛkye deɛ mɔɔ ewiade dwenle kɛ ɔ nwo hyia la.

1 Kɔl 1:28 ပူးပေါင်းရင်းမြစ်များ

Dwobu Buluku ne 34:24

Ɔngyia nvedenvedenu na yeadu mgbolema, yeava fofolɛ yeazie bɛ gyakɛ anu.

Edwɛndolɛ Buluku ne 32:10

Amumuyɛnli munzule zonle; na mɔɔ arɛle wɔ Ɛdɛnkɛma anu la, ɛhulolɛ kpundii ɛbɔ ye mgbɔlɔka.

Ayezaya Buluku ne 2:11

Bɛ adubɛnwo ne kɔsɔɔti bawie na bɛ mgbolede ne abo agua. Ɛdɛnkɛma angomekye ala yɛɛ bɛbayeyɛ ye mekɛ zɔhane anu a.

Ayezaya Buluku ne 2:17

Sonla adubɛnwo muala bara awieleɛ, yɛɛ mgbolede mɔɔ menli yɛ la amuala abo bagua; Ɛdɛnkɛma angomekye ala yɛɛ bɛbayeyɛ ye mekɛ zɔhane anu a.

Ayezaya Buluku ne 37:36

Ɛdɛnkɛma soanvolɛ ne hɔle Aselea ɛlɔnema azokoɛleɛ ne na ɔhɔhunle bɛ nuhua apenle ngoko ɛya ko abulatwɛ nee nnu. Mɔɔ menli dwazole nwonlomɔ mangyee ne la ɛnee bɛ kɔsɔɔti bɛ avunli gua ɛkɛ.

Ayezaya Buluku ne 41:12

Bɛbakpondɛ menli mɔɔ nee bɛ dwudwu la, na bɛnrɛnwu bɛ. Menli mɔɔ zo konle doa bɛ la ɛnrɛhola ɛhwee yɛ.

Wulo 4:17

Nyamenle Edwɛkɛ ne se, “Meyɛ wɔ maanle maanle dɔɔnwo bɛ ze.” Nyamenle ɛhye mɔɔ Ebileham liele ye lile la a bɔle Ebileham ɛwɔkɛ ne a. Nyamenle ɛhye a maa mɔɔ ɛwu la dwazo ba ngoane nu na ɔ nloa edwɛkɛ maa mɔɔ ɛnle ɛkɛ la ba a.

1 Kɔl 1:20

Ɛnee akee nrɛlɛbɛvolɛma hale nienwu? Nienwu a mɛla kilehilevolɛma ne hale a? Anzɛɛ mekɛ ɛhye anu kpolerazulɛ benlerama ne mɔ hale nienwu? Asoo Nyamenle ɛtɛkilele kɛ ewiade anu nrɛlɛbɛ le debie mgbane?

1 Kɔl 2:6

Ɔle nɔhalɛ kɛ yɛbɔ nrɛlɛbɛ nwo nolo yɛkile bɛdabɛ mɔɔ bɛnyi sunsum nu la. Tɛ ewiade ɛhye anu nrɛlɛbɛ ɛdeɛ ne anwo nolo ɔ, yɛɛ tɛ ewiade tumivolɛma mɔɔ bɛ tumililɛ ne ɛnrɛhyɛ na yeavi bɛ sa la nrɛlɛbɛ ɛdeɛ ne anwo nolo ɔ.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

Mɛla 28:63

Na kɛ Ɛdɛnkɛma anye zile liele bɛ nwo mɔɔ yemaa bɛ nwo ɛzo zɛhae la, zɔhane ala yɛɛ ɔbayɛ yeava munzule yeara bɛ nwo zo, na yeazɛkye bɛ wɔ azɛlɛ ne mɔɔ bɛlɛkɔ bɛahɔva bɛayɛ bɛ ɛdeɛ la azo a.

2 Tɛs 2:8

kolaa na akee Amumuyɛnli ne ara. Na saa Awulae Gyisɛse ba a, ɔbava ɔ nloa anu anwoma mgbane yeahu ye na yeava ɔ nyunlu ɛdalɛ wienyi kpole ne yeazɛkye ye bɔkɔɔ.

Kɛlata mɔɔ bɛhɛlɛle bɛhɔmanle Hibuluma la 2:14

Zɔhane ati kɛmɔ ngakula ne mɔ le nwonane nee mogya la, Gyisɛse ɔdaye ɔyɛle ɔ nwo kɛ bɛdabɛ la na ɔnyianle bɛ nwonane ne bie, amaa yealua ye ewule zo yeazɛkye Abɔnsam, mɔɔ ɛnee lɛ tumi wɔ ewule nwo zo la,

Yekile 18:17

Yemɔ a dɔnehwele ko ala ye anwonyia ne amuala ɛminli la!” Menli mɔɔ ka meli nee bɛdabɛ mɔɔ bɛyɛ gyima wɔ nu nee adendulɛma nee bɛdabɛ mɔɔ nyevile nye a bɛdidi la amuala gyinlanle amozi moa moa,