1 Kɔl 1:27 - BAEBOLO ANZƐƐ BULUKU NWUANZANWUANZA

²⁷ Nyamenle anye la nwo yɛɛ ɔkpale nu ɔyele deɛ mɔɔ ewiade bu ye ɛzɛlɛ debie la kɛ ɔfa yeamaa nrɛlɛbɛvolɛma anyunlu agua aze a, yɛɛ ɔkpale nu ɔyele deɛ mɔɔ ewiade bu ye kɛ ɔle bɛtɛɛ na bɛmbu ye bie la kɛ ɔfa yeagua bɛdabɛ mɔɔ bɛlɛ tumi la anyunlu aze a.

1 Kɔl 1:27 ပူးပေါင်းရင်းမြစ်များ

Edwɛndolɛ Buluku ne 8:2

ngakula nee nlɔma a to a. Wɔ kpɔvolɛma ati, wɔbɔ ɛ nwo bane, amaa wɔazi wɔ kpɔvolɛ ne nee mɔɔ di nzenralɛ la aze.

Ayezaya Buluku ne 29:14

bɛnlea, eza mebava menli ɛhye mɔ meayɛ ninyɛne ɛzulolɛ bie mɔɔ yɛ nwanwane a. Bɛ nrɛlɛbɛvolɛma nrɛlɛbɛ baminli, yɛɛ bɛ menli mɔɔ nwu adwenle nu la deɛnwunlɛ baminli.”

Ayezaya Buluku ne 29:19

Sonla mɔɔ le bɛlɛvo la banyia anyelielɛ fofolɛ bie wɔ Ɛdɛnkɛma ati, na Yizilayɛ Nwuanzanwuanza Ko ne ati, ehyianvolɛma mɔɔ wɔ menli avinli la ali fɛlɛko.

Ayezaya Buluku ne 44:25

Medame a mesɛkye adalɛma mɔɔ bɔ menli munzule la sɛkɛlɛneɛ ne mɔ, memaa menli mɔɔ tendɛ nwomenle nloa zo la yɛ ahoasea, memaa nrɛlɛbɛvolɛma nrɛlɛbɛ ka bɛ ti anu, na memaa bɛ adwenlenubukelɛ yɛ mgbane.

Gyɛlɛmaya Buluku ne 8:9

Nrɛlɛbɛvolɛma anyunlu bagua aze. Bɛ adwenle baha abɔ nu na bɛahye bɛ. Nea, bɛkpo medame Ɛdɛnkɛma me nloa edwɛkɛ; na duzu nrɛlɛbɛ bɔbɔ a bɛze a?

Zɛfanaya Buluku ne 3:12

Ɔluakɛ mebagyakyi menli mɔɔ bɛlɛ bɛ nwo aze na bɛ nwo dwo la. Bɛbakpondɛ ɛvealeka wɔ Ɛdɛnkɛma duma ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:30

Na asoaso ne buale Beelam kɛ, “Na tɛ asoaso ko ye ala mɔɔ sumunli wɔ ɛbɛlabɔlɛ nu wɔdɛnla zolɛ toonwo la a le me ɔ? Asoo meyɛ wɔ zɛhae ɛlɛ?” Beelam buale kɛ, “Kyɛkyɛ.”

Edwɛkpa ne kɛmɔ Mateyu hɛlɛle la 11:25

Mekɛ ne anu Gyisɛse zele kɛ, “Egya, anwuma nee aze Awulae, meyɛ wɔ mo kɛ ninyɛne mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la.

Edwɛkpa ne kɛmɔ Mateyu hɛlɛle la 21:16

Yemɔti bɛbizale Gyisɛse kɛ, “Ɛte mɔɔ ɛhye mɔ ɛlɛkeha la ɔ?” Gyisɛse buale bɛ kɛ, “Nɔhalɛ, mete. Na bɛtɛkengale Nyamenle Edwɛkɛ ne mɔɔ fane ɛhye anwo la ɔ? Ɔse, ‘Bɛtete ngakula ndetendete nee nlɔma kɛ bɛye Nyamenle ayɛlɛ mɔɔ di munli a!’ ”

Edwɛkpa ne kɛmɔ Mateyu hɛlɛle la 9:9

Gyisɛse vi ɛkɛ ne na ɔkɔ la, ɔnwunle adwuledievolɛ bie mɔɔ bɛfɛlɛ ye Mateyu la kɛ ɔde adwulelielɛ sua ne anu. Gyisɛse zele ye kɛ, “Bɛla maa yɛhɔ.” Mateyu dwazole na ɔdoale ye.

Edwɛkpa ne kɛmɔ Luku hɛlɛle la 21:15

ɔboalekɛ mebamaa bɛ nrɛlɛbɛ nee edwɛkɛ agbɔkɛ meamaa bɛaha na bɛ kpɔvolɛma biala ɛnrɛhola bɛ nyunlu gyinla yeye bɛ nloa azo.

Ɛzoanvolɛma Gyima ne 17:18

Eku nwiɔ bie mɔɔ Ɛpekulɛse nee Zɛno a dele la anu kilehilevolɛma rale na bɛ nee Pɔɔlo razule kpolera na bɛzele kɛ, “Na sonlamgbane ɛhye, duzu edwɛkɛ yɛɛ ɔkpondɛ yeaha a?” Bie mɔ noko se, “Ɔzɔho kɛ ɔlɛbɔ ɛzonlenlɛ fofolɛ bie anwo nolo.” Bɛhanle ɛhye, ɔluakɛ Pɔɔlo hanle Gyisɛse nee ewudwazo nwo edwɛkɛ.

Ɛzoanvolɛma Gyima ne 7:35

“Mosisi ɛhye mɔɔ bɛkpole ye, na bɛzele ye kɛ, ‘Nwane a yɛle wɔ belemgbunli nee ndɛnebuavolɛ wɔ yɛ nwo zo’ la, yemɔ ala a Nyamenle luale soanvolɛ ne mɔɔ vindele sendɔlɔra ne anu wɔ ɛsɛlɛ ne azo la anwo zo zoanle ye kɛ ɔli bɛ nwo zo belemgbunli na ɔlie bɛ a.

Ɛzoanvolɛma Gyima ne 7:54

Mekɛ mɔɔ ayiama ne ɛlɛtie Sitivin la ɛnee ɛya ɛwie bɛ wolowolo na bɛ nwo ndinli ɛlɛtwehwe bɛ kikilikikili zɛhae.

1 Kɔl 1:20

Ɛnee akee nrɛlɛbɛvolɛma hale nienwu? Nienwu a mɛla kilehilevolɛma ne hale a? Anzɛɛ mekɛ ɛhye anu kpolerazulɛ benlerama ne mɔ hale nienwu? Asoo Nyamenle ɛtɛkilele kɛ ewiade anu nrɛlɛbɛ le debie mgbane?

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

1 Kɔl 2:12

Tɛ ewiade ɛhye anu sunsum a yɛnyia ye a. Sunsum ne mɔɔ vi Nyamenle ɛkɛ ne la a yɛnyia ye a, amaa yɛanwu ninyɛne mɔɔ Nyamenle ɛva ɛlo yɛ la amuala.

2 Kɔl 10:10

Ɔluakɛ bie baha kɛ, “Pɔɔlo yɛ se wɔ ngɛlata zo, na saa ɔwɔ ɛke a, ɔnle awie, yɛɛ ye edwɛkɛ ɛngyinla kpɔkɛ zo!”

2 Kɔl 4:7

Noko yɛmɛ mɔɔ yɛlɛ Sunsum nu anwonyia ɛhye la yɛle kɛ mbuakɛ ala, amaa yeala ali kɛ tumi bedevinli ne le Nyamenle ɛdeɛ, na ɔnle yɛ ɛdeɛ.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.