1 Kɔl 1:23 - BAEBOLO ANZƐƐ BULUKU NWUANZANWUANZA

²³ Na yɛmɛ, yɛbɔ Kelaese meanubaka ne azo ewule ne mɔɔ maa Dwuuma tu koti na ɔle ɛzɛlɛ edwɛkɛ ɔmaa bɛdabɛ mɔɔ bɛnle Dwuuma la nolo;

1 Kɔl 1:23 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:6

Nyilalɛ ɛha bɛdabɛ mɔɔ bɛ ti anu ɛnyɛ bɛ kesee wɔ me nwo la.”

Edwɛkpa ne kɛmɔ Mateyu hɛlɛle la 13:57

Yemɔti bɛkpole ye. Gyisɛse zele bɛ kɛ, “Bɛdi Nyamenle kpɔmanvolɛ biala eni wɔ ɛleka biala, kyesɛ ɔdaye ye sua zo nee ye abusua nu ala.”

Edwɛkpa ne kɛmɔ Luku hɛlɛle la 2:34

Semɛyɔn yilale bɛ na ɔzele ɔ nli Mɛle kɛ, “Nyamenle ɛye kakula ɛhye ɛzie ɛkɛ. Yizilayɛma dɔɔnwo balua ɔ nwo zo adu koti, na dɔɔnwo noko alua ɔ nwo zo anyia ngoane; ɔbayɛ Nyamenle sɛkɛlɛneɛ mɔɔ menli dɔɔnwo ɛnrɛlie ɛnrɛdo nu,

1 Kɔl 1:18

Ɔluakɛ Kelaese meanubaka ne azo ewule ne anwo edwɛkɛ le debie funli maa bɛdabɛ mɔɔ bɛlɛminli la; noko ɔle Nyamenle tumi ɔmaa yɛdayɛ mɔɔ Nyamenle ɛlɛdie yɛ ngoane la.

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

1 Kɔl 1:28

Nyamenle kpale nu yele deɛ mɔɔ ewiade nea a ɔmbu ye bie na ɔfa ye kɛ ɔnle debie biala la kɛ ɔfa yeazɛkye deɛ mɔɔ ewiade dwenle kɛ ɔ nwo hyia la.

1 Kɔl 2:14

Sonla mɔɔ Nyamenle Sunsum ne ɛnle ye nu la ɛngola ɛnnyia Nyamenle Sunsum nu ahyɛlɛdeɛ ne mɔ. Sonla zɛhae ɛnde ninyɛne ɛhye mɔ abo; bɛle ɔ nye zo ɛzɛlɛ edwɛkɛ, ɔboalekɛ kyesɛ sunsum nu ala na bɛade ɔ bo.

1 Kɔl 2:2

Ɔluakɛ membɔle me ti anu kpɔkɛ kɛ me rɛle kɛvi debie biala wɔ mekɛ mɔɔ me nee bɛ de la na ɔkɛha Gyisɛse Kelaese angome nee ye meanubaka ne azo ewule ne ala,

1 Kɔl 4:10

Kelaese ati yɛyɛ ahɔnwɔne; na bɛmɛ, bɛle nrɛlɛbɛvolɛma. Yɛle bɛtɛɛ na bɛmɛ, bɛ nwo yɛ se. Menli ɛmbu yɛ, noko bɛdi bɛmɛ eni.

2 Kɔl 4:5

Yɛmbɔ yɛdayɛ yɛ ngome yɛ nwo nolo; yɛbɔ Gyisɛse Kelaese anwo nolo kɛ ɔle Awulae, yɛɛ Gyisɛse ati yɛmɛ yɛle bɛmɛ bɛ sonvolɛma.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:1

O Galeehyeama ahɔnwɔne! Nwane a ɛhye bɛ sili a? Asoo bɛngakye mɔɔ bɛhanle bɛhilele bɛ, mɔɔ fane kɛ ɔzile ɔyɛle mɔɔ bɛhunle Gyisɛse Kelaese wɔ meanubaka ne azo la?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:11

Na mediema, asoo medame, saa mrenyanu nzonlɛyɛlɛ yɛɛ mebɔ nwolɛ nolo a anrɛɛ ɛnee duzu ati a bɛlɛyɛ me kpɔdekpɔde ɛ? Anrɛɛ Kelaese meanubaka ne mɔɔ mebɔ nwolɛ nolo la ɛnyɛ ngyegyelɛ biala ɛmmaa awie biala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:14

Na mame, ɔkɛbɔ me tɔ kɛ menwɔdu me nloa anu a kyesɛ debie ko anwo ala, yemɔ a le Awulae Kelaese Gyisɛse meanubaka ne. Ɔluakɛ ye meanubaka ne ati, ewiade le debie funli maa me, yɛɛ medame mumua ne mewu memaa ewiade.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

1 Pit 2:8

Eza Nyamenle Edwɛkɛ ne bie se, “Ɛhye le bolɛ mɔɔ bamaa menli adu koti a; ɔle bodane mɔɔ bamaa bɛadu bɛagua a.” Bɛtu koti, ɔboalekɛ bɛnlie edwɛkɛ ne bɛnli; Nyamenle ngyehyɛlɛ ne kɛ de la ɛne.