1 Kɔl 1:21 - BAEBOLO ANZƐƐ BULUKU NWUANZANWUANZA

²¹ Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

1 Kɔl 1:21 ပူးပေါင်းရင်းမြစ်များ

Daneɛle Buluku ne 2:20

“Bɛye Nyamenle ayɛlɛ dahuu! ɔle nrɛlɛbɛvolɛ, ɔlɛ tumi.

Edwɛkpa ne kɛmɔ Mateyu hɛlɛle la 11:25

Mekɛ ne anu Gyisɛse zele kɛ, “Egya, anwuma nee aze Awulae, meyɛ wɔ mo kɛ ninyɛne mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la.

Edwɛkpa ne kɛmɔ Luku hɛlɛle la 10:21

Mekɛ ne anu Sunsum Nwuanzanwuanza ne manle fɛlɛko yile Gyisɛse ahonle nu tɛkɛɛ na ɔhanle kɛ, “Egya, anwuma nee aze Awulae, meyɛ wɔ mo kɛ ninyɛne ɛhye mɔ mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la. Ɛhɛe, Egya, ɛnee kɛ ɛkpondɛ kɛ ɔba ye la ɛne.

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Dw 12:31

Mekɛ ɛdwu mɔɔ akee ɔwɔ kɛ bɛbua ewiade ndɛne a; akee bɛbadu Seetan mɔɔ sie ɛtane ewiade ɛhye la bɛavi ɛkɛ.

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

Wulo 11:33

Nyamenle anwonyia le kpole. Ye nrɛlɛbɛ nee ye adwenle le kpole bo zolɛ. Nwane a kɛhola kɛde ye kpɔkɛ mɔɔ ɔkɛbɔ la abo a?

1 Kɔl 1:18

Ɔluakɛ Kelaese meanubaka ne azo ewule ne anwo edwɛkɛ le debie funli maa bɛdabɛ mɔɔ bɛlɛminli la; noko ɔle Nyamenle tumi ɔmaa yɛdayɛ mɔɔ Nyamenle ɛlɛdie yɛ ngoane la.

1 Kɔl 1:23

Na yɛmɛ, yɛbɔ Kelaese meanubaka ne azo ewule ne mɔɔ maa Dwuuma tu koti na ɔle ɛzɛlɛ edwɛkɛ ɔmaa bɛdabɛ mɔɔ bɛnle Dwuuma la nolo;

1 Kɔl 1:24

na bɛdabɛ mɔɔ Nyamenle ɛvɛlɛ bɛ la, Dwuuma o, bɛdabɛ mɔɔ bɛnle Dwuuma la o, Kelaese a le Nyamenle tumi ne yɛɛ ɔdaye ko ne ala a ɔle Nyamenle nrɛlɛbɛ ne a.

1 Kɔl 1:25

Ɔluakɛ Nyamenle nu koasea edwɛkɛ tɛla menli nrɛlɛbɛ, yɛɛ Nyamenle nu bɛtɛɛ ɛyɛlɛ yɛ se tɛla sonla anwosesebɛ.

1 Kɔl 1:27

Nyamenle anye la nwo yɛɛ ɔkpale nu ɔyele deɛ mɔɔ ewiade bu ye ɛzɛlɛ debie la kɛ ɔfa yeamaa nrɛlɛbɛvolɛma anyunlu agua aze a, yɛɛ ɔkpale nu ɔyele deɛ mɔɔ ewiade bu ye kɛ ɔle bɛtɛɛ na bɛmbu ye bie la kɛ ɔfa yeagua bɛdabɛ mɔɔ bɛlɛ tumi la anyunlu aze a.

1 Kɔl 11:32

Na Awulae tea yɛ, ɔtwe yɛ nzo amaa bɛanva yɛ bɛamboka ewiade amra anwo bɛambua yɛ ewule fɔlɛ.

1 Kɔl 2:14

Sonla mɔɔ Nyamenle Sunsum ne ɛnle ye nu la ɛngola ɛnnyia Nyamenle Sunsum nu ahyɛlɛdeɛ ne mɔ. Sonla zɛhae ɛnde ninyɛne ɛhye mɔ abo; bɛle ɔ nye zo ɛzɛlɛ edwɛkɛ, ɔboalekɛ kyesɛ sunsum nu ala na bɛade ɔ bo.

1 Kɔl 4:10

Kelaese ati yɛyɛ ahɔnwɔne; na bɛmɛ, bɛle nrɛlɛbɛvolɛma. Yɛle bɛtɛɛ na bɛmɛ, bɛ nwo yɛ se. Menli ɛmbu yɛ, noko bɛdi bɛmɛ eni.

1 Kɔl 6:2

Bɛnze kɛ Nyamenle menli ye ala a babua ewiade amra ndɛne a? Na saa bɛmɛ a bɛbabua ewiade amra ndɛne a, ɛnee duzu ati a bɛngola edwɛkɛ ngyikyi ɛhye mɔ siezie ɛ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:15

Na amuanrɛɛ wɔ ɛhye mɔ amuala anu, ɛnee Nyamenle ɛye me ɛzie ɛkɛ dɛba ɛmaa ɔ nwo, bɔbɔ kolaa na bɛawo me, yɛɛ akee yelua ye ɛlolɛ zo yevɛlɛ me kɛ mendoa ɔ bo zo na menyɛ ye gyima a. Yemɔti mɔɔ mekɛ ne dwule na ɔbɔle kpɔkɛ

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:8

Dɛba ne mɔɔ bɛnze Nyamenle la, ɛnee bɛle ngɛkɛlɛ bɛmaa ninyɛne mgbane mgbane mɔɔ ɔnle kɛ bɛsonle bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:10

amaa mekɛ ɛhye anu ala ɔlua Asɔne ne azo anwuma tumivolɛma nee mgbolema anwu Nyamenle nrɛlɛbɛ kpole ne.

Kɔlɔ 1:19

Ɔluakɛ Nyamenle ɔdaye ɔhulole yɛɛ ɔvale ye su ne amuala ɔwulale Ralɛ ne nu a.

Kɛlata mɔɔ bɛhɛlɛle bɛhɔmanle Hibuluma la 1:14

Ɛnee Nyamenle soanvolɛma a le nwane mɔ? Bɛmɛ a le sunsum bie mɔ mɔɔ sonle Nyamenle na ɔsoɔzoa bɛ ɔmaa bɛkɔboa bɛdabɛ mɔɔ ɔwɔ kɛ bɛnyia ngoane la.

Kɛlata mɔɔ bɛhɛlɛle bɛhɔmanle Hibuluma la 2:3

Na saa yɛanzɔ ngoanelielɛ kpole mɔɔ le zɛhae la anu a, ɛnee kɛ ɔkɛyɛ na yɛavi ɛsalɛ ɛ? Awulae mumua ne lumuale bɔle ngoanelielɛ ɛhye anwo nolo, yɛɛ bɛdabɛ mɔɔ bɛdiele ye la ɛhile ɛmaa yɛnwu kɛ ɔle nɔhalɛ.

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.

Gyemise Kɛlata ne 5:15

Saa bɛfa diedi bɛyɛ nzɛlɛlɛ ɛhye a, wuleravolɛ ne anwo baza; Awulae badwazo ye, na saa yeyɛ ɛtane a yeava ye ɛtane yeahyɛ ye.

Gyemise Kɛlata ne 5:20

bɛmaa ɔhakye kɛ: sonla mɔɔ kɛlie ɛtanevolɛ kɛvi ye ɛtane nu la ɛlie ɛtanevolɛ ne ɛkɛla ɛvi ewule nu na yeheda ɛtane dɔɔnwo azo.