1 Kɔl 1:20 - BAEBOLO ANZƐƐ BULUKU NWUANZANWUANZA

²⁰ Ɛnee akee nrɛlɛbɛvolɛma hale nienwu? Nienwu a mɛla kilehilevolɛma ne hale a? Anzɛɛ mekɛ ɛhye anu kpolerazulɛ benlerama ne mɔ hale nienwu? Asoo Nyamenle ɛtɛkilele kɛ ewiade anu nrɛlɛbɛ le debie mgbane?

1 Kɔl 1:20 ပူးပေါင်းရင်းမြစ်များ

2 Sam 15:31

Bɛhanle bɛhilele Devidi kɛ, “Ahetɔfɛle boka maamɔvoma mɔɔ nee Abesalɛm lua la anwo.” Na Devidi zele kɛ, “O Ɛdɛnkɛma, mesɛlɛ wɔ, maa Ahetɔfɛle folɛdulɛ biala ɛyɛ mgbane.”

2 Sam 16:23

Mekɛ ne anu, folɛ biala mɔɔ Ahetɔfɛle kɛdu la le kɛ asɛɛ Nyamenle a ɛha a. Yemɔti Devidi nee Abesalɛm lile Ahetɔfɛle folɛdulɛ biala azo.

2 Sam 17:14

Abesalɛm nee Yizilayɛma kɔsɔɔti hanle kɛ, “Huhyae adwenle ne le kpalɛ tɛla Ahetɔfɛle folɛdulɛ ɛdeɛ ne.” Ɔluakɛ Ɛdɛnkɛma ɛhyehyɛ kɛ ɔsɛkye Ahetɔfɛle folɛdulɛ ɛdeɛ ne, amaa yeamaa munzule ado Abesalɛm.

2 Sam 17:23

Mɔɔ Ahetɔfɛle nwunle kɛ bɛanva ye folɛdulɛ ne la, ɔvole ye asoaso ne azo na ɔhɔle ɔdaye ye sua zo. Ɔtotole ninyɛne boɛ na ɔbɔle ɔ nwo akɔnvo. Bɛziele ye wɔ ɔ ze nla ne anu.

Dwobu Buluku ne 12:17

Ɔsa folɛdulɛma ɔdie nrɛlɛbɛ, na ɔmaa ndɛnebuavolɛma yɛ ahɔnwɔne.

Dwobu Buluku ne 12:20

Ɔmaa menli mɔɔ bɛdie bɛ bɛdi la tɔ mumule, na ɔsa mgbanyima ɔdie bɛ nrɛlɛbɛ.

Dwobu Buluku ne 12:24

Ɔdie azɛlɛ ye azo arelemgbunli ndelebɛbo, na ɔmaa bɛduolua ye ɔ nye ɔ nye.

Ayezaya Buluku ne 33:18

Ɛzulolɛ bamaa bɛabizebiza bɛ ngome bɛ nwo wɔ kpɔvolɛ ne anwo kɛ, “Abɔlɔba ne mɔɔ tia menli, dielie adwule la wɔ nienwu? Sonla ne mɔɔ tia tawa ne mɔ la wɔ nienwu?”

Ayezaya Buluku ne 44:25

Medame a mesɛkye adalɛma mɔɔ bɔ menli munzule la sɛkɛlɛneɛ ne mɔ, memaa menli mɔɔ tendɛ nwomenle nloa zo la yɛ ahoasea, memaa nrɛlɛbɛvolɛma nrɛlɛbɛ ka bɛ ti anu, na memaa bɛ adwenlenubukelɛ yɛ mgbane.

Ayezaya Buluku ne 53:1

Nwane a ɛlie mɔɔ yɛde la ɛli a? Nwane a bɛye Ɛdɛnkɛma tumi ne bɛhile ye a?

Gyɛlɛmaya Buluku ne 10:7

Maanle maanle Belemgbunli, nwane a ɛnzulo wɔ a? Enililɛ le wɔ ɛdeɛ. Maanle maanle ne mɔ anu nrɛlɛbɛvolɛma o, bɛ nuhua arelemgbunli o, ko bɔbɔ nee wɔ ɛnzɛ.

Edwɛkpa ne kɛmɔ Mateyu hɛlɛle la 13:22

Ma ne mɔɔ guale mbowule nu la gyi ɛkɛ maa menli mɔɔ tie edwɛkɛ ne noko aleɛabo ɛbɛlabɔlɛ nwo adwenleadwenle nee anwonyia ɛhulolɛ nwo adwenle fo edwɛkɛ ne azo, na bɛnzo ma la.

Dw 12:31

Mekɛ ɛdwu mɔɔ akee ɔwɔ kɛ bɛbua ewiade ndɛne a; akee bɛbadu Seetan mɔɔ sie ɛtane ewiade ɛhye la bɛavi ɛkɛ.

Ɛzoanvolɛma Gyima ne 17:18

Eku nwiɔ bie mɔɔ Ɛpekulɛse nee Zɛno a dele la anu kilehilevolɛma rale na bɛ nee Pɔɔlo razule kpolera na bɛzele kɛ, “Na sonlamgbane ɛhye, duzu edwɛkɛ yɛɛ ɔkpondɛ yeaha a?” Bie mɔ noko se, “Ɔzɔho kɛ ɔlɛbɔ ɛzonlenlɛ fofolɛ bie anwo nolo.” Bɛhanle ɛhye, ɔluakɛ Pɔɔlo hanle Gyisɛse nee ewudwazo nwo edwɛkɛ.

Wulo 1:20

Sumunli kɛ Nyamenle bɔle ewiade la yɛɛ ɔbɔle ɔ bo kɛ ɔye ye su kpalɛ ne mɔɔ yɛ nye ɛnnwu ye la wienyi yeahile sonla a. Ninyɛne ɛhye mɔ a le ye damɛnlangoate tumi ne nee ye nyamenleyɛlɛ ne. Menli nwu ɛhye wɔ ninyɛne mɔɔ Nyamenle ɛbɔ la anu. Yemɔti bɛnlɛ nyelebɛnloa fee!

Wulo 1:22

Bɛse bɛze nrɛlɛbɛ, noko bɛle ahɔnwɔne;

1 Kɔl 1:19

Ɔluakɛ Nyamenle Edwɛkɛ ne se, “Mebaminliminli nrɛlɛbɛvolɛma nrɛlɛbɛ ne abo zo, na meamaa adwenlema ndelebɛbo ayɛ mgbane.”

1 Kɔl 1:26

Mediema, akee bɛhakye kɛ anrɛɛ bɛsi bɛde mɔɔ Nyamenle vɛlɛle bɛ la. Saa sonla afoa nu a anrɛɛ bɛ nuhua ekyi bie ala a ze nrɛlɛbɛ, lɛ tumi anzɛɛ le mandimase a.

1 Kɔl 1:27

Nyamenle anye la nwo yɛɛ ɔkpale nu ɔyele deɛ mɔɔ ewiade bu ye ɛzɛlɛ debie la kɛ ɔfa yeamaa nrɛlɛbɛvolɛma anyunlu agua aze a, yɛɛ ɔkpale nu ɔyele deɛ mɔɔ ewiade bu ye kɛ ɔle bɛtɛɛ na bɛmbu ye bie la kɛ ɔfa yeagua bɛdabɛ mɔɔ bɛlɛ tumi la anyunlu aze a.

1 Kɔl 1:28

Nyamenle kpale nu yele deɛ mɔɔ ewiade nea a ɔmbu ye bie na ɔfa ye kɛ ɔnle debie biala la kɛ ɔfa yeazɛkye deɛ mɔɔ ewiade dwenle kɛ ɔ nwo hyia la.

1 Kɔl 11:32

Na Awulae tea yɛ, ɔtwe yɛ nzo amaa bɛanva yɛ bɛamboka ewiade amra anwo bɛambua yɛ ewule fɔlɛ.

1 Kɔl 2:6

Ɔle nɔhalɛ kɛ yɛbɔ nrɛlɛbɛ nwo nolo yɛkile bɛdabɛ mɔɔ bɛnyi sunsum nu la. Tɛ ewiade ɛhye anu nrɛlɛbɛ ɛdeɛ ne anwo nolo ɔ, yɛɛ tɛ ewiade tumivolɛma mɔɔ bɛ tumililɛ ne ɛnrɛhyɛ na yeavi bɛ sa la nrɛlɛbɛ ɛdeɛ ne anwo nolo ɔ.

1 Kɔl 2:8

Nrɛlɛbɛ ɛhye, bɛdabɛ mɔɔ bɛsie ewiade la annwu ye, ɔluakɛ saa bɛnwunle ye a, anrɛɛ bɛambɔ anyunlunyia Awulae ne meanubaka nu.

1 Kɔl 3:18

Awie biala mmabɛlɛbɛla ɔ nwo. Saa bɛ nuhua bie dwenle kɛ ɔle ewiade ɛhye anu nrɛlɛbɛvolɛ a, ɛnee ɔyɛ ɔ nwo kɔnwɔne na yeanwu nrɛlɛbɛ kpalɛ.

1 Kɔl 3:19

Ɔluakɛ ewiade ye anu nrɛlɛbɛ le ɛzɛlɛ debie wɔ Nyamenle anyunlu. Nyamenle Edwɛkɛ ne se, “Nyamenle dua nrɛlɛbɛvolɛma agyibadolɛ zo kye bɛ;”

1 Kɔl 6:2

Bɛnze kɛ Nyamenle menli ye ala a babua ewiade amra ndɛne a? Na saa bɛmɛ a bɛbabua ewiade amra ndɛne a, ɛnee duzu ati a bɛngola edwɛkɛ ngyikyi ɛhye mɔ siezie ɛ?

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.