1 Kɔl 1:2 - BAEBOLO ANZƐƐ BULUKU NWUANZANWUANZA

² ɛlɛkɛlɛ kɛlata ɛhye a. Yɛlɛ yɛkamaa Nyamenle menli ne mɔɔ wɔ Kɔlente, mɔɔ Kelaese Gyisɛse ati bɛdu bɛ bɛzie ɛkɛ ne, na bɛvɛlɛ bɛ nee bɛdabɛ mɔɔ bɛwɔ ɛleka muala, mɔɔ bɛbɔ yɛ Awulae Gyisɛse Kelaese duma la, kɛ bɛrayɛ Nyamenle menli la.

1 Kɔl 1:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:8

Akee ɔvi ɛkɛ ne ɔhɔle boka bie mɔɔ wɔ Bɛtɛle aduduleɛ la azo na ɔbɔle aseseɛ wɔ ɛkɛ ne. Ɛnee Bɛtɛle ɛha ye adɔleɛ yɛɛ Eyae wɔ ye aduduleɛ. Ɔzile azukponle wɔ ɛkɛ ne ɔmanle Ɛdɛnkɛma na ɔzonlenle ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:26

Sɛte wole ralɛ nrenya na ɔdonle ye Yinɔhye. Mekɛ ne anu menli bɔle ɔ bo kɛ bɛsonle Ɛdɛnkɛma.

Edwɛndolɛ Buluku ne 45:11

Wɔ anwofɛlɛko ne bahwe belemgbunli ne ahonle; ɔle ɛ menle, yemɔti tie ɔ ne.

Ɛzoanvolɛma Gyima ne 10:36

Bɛdabɛ bɛze kɛ ɔzile mɔɔ ɔlua Gyisɛse Kelaese, mɔɔ le menli kɔsɔɔti Awulae la anwo zo Nyamenle vale anzonudwolɛ nwo Edwɛkpa ne rɛlɛle Yizilayɛma la.

Ɛzoanvolɛma Gyima ne 15:9

Yeangile kɛ asolo yɛmɛ nee bɛmɛ. Ɔluale bɛ diedi zo yɛɛ ɔvale bɛ ɛtane ɔhyɛle bɛ a.

Ɛzoanvolɛma Gyima ne 18:1

Ɛhye anzi, Pɔɔlo vile Atɛnse hɔle Kɔlente.

Ɛzoanvolɛma Gyima ne 22:16

Na duzu ati a akee ɛlɛkendɛ bieko ɛ? Dwazo na sɛlɛ maa bɛzɔne wɔ bɛnrinzi wɔ ɛtane ne mɔ bɛgua.’

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Ɛzoanvolɛma Gyima ne 9:13

Ananayase zele kɛ, “Awulae, menli dɔɔnwo ɛha sonla ɛhye anwo edwɛkɛ nee debie mɔɔ yeva yehile wɔ menli ne mɔɔ wɔ Gyɛlusalɛm la ɛhile me.

Ɛzoanvolɛma Gyima ne 9:14

Na yera ɛke kɛ ɔlɛ tumi ngɛlɛta vi sɛlɛvolɛ mgbanyinli ne mɔ ɛkɛ kɛ ɔbahye bɛdabɛ mɔɔ bɛsonle wɔ la amuala.”

Ɛzoanvolɛma Gyima ne 9:21

Ɔyɛle bɛdabɛ mɔɔ bɛdele ye edwɛkɛ ne la azibɛnwo kpole na bɛbizale kɛ, “Na tɛ sonla ɛhye a ɛlɛkuhu menli mɔɔ bɔ Gyisɛse duma wɔ Gyɛlusalɛm la ɔ? Anzɛɛ yeamba ɛke kɛ ɔbahye bɛdabɛ mɔɔ bɛbɔ Gyisɛse duma la yeahɔmaa sɛlɛvolɛ mgbanyinli ne mɔ ɔ?”

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Wulo 10:12

Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la.

Wulo 3:22

Nyamenle dua menli diedi mɔɔ lɛ ye wɔ Gyisɛse Kelaese anu la azo a maa bɛsɔ ɔ nye a. Nyamenle yɛ ɛhye maa bɛdabɛ mɔɔ bɛdie Kelaese bɛdi la amuala, ɔboalekɛ ngakyile fee ɛnle nuhua;

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 10:32

Bɛbɔ bɛ ɛbɛla ne mɔɔ bɛndenda Dwuuma anzɛɛ bɛdabɛ mɔɔ bɛnle Dwuuma la nee Nyamenle menli ne agyakɛ anu a.

1 Kɔl 12:27

Kelaese sonlabaka ne a le bɛ muala, yɛɛ bɛ nuhua ko biala le ye nvɛyeba ne mɔ bie.

1 Kɔl 8:6

yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

2 Kɔl 1:1

Pɔɔlo, mɔɔ Nyamenle ɛhulo ɛyɛ ye Kelaese Gyisɛse ɛzoanvolɛ la, nee yɛ diema Temɔte a ɛlɛkɛlɛ kɛlata ɛhye ahɔmaa Nyamenle menli ne mɔɔ wɔ suakpole Kɔlente azo, nee Nyamenle menli ne amuala mɔɔ wɔ Akaya (Giliki) maanle ne kpokpoti anu la a.

2 Kɔl 4:5

Yɛmbɔ yɛdayɛ yɛ ngome yɛ nwo nolo; yɛbɔ Gyisɛse Kelaese anwo nolo kɛ ɔle Awulae, yɛɛ Gyisɛse ati yɛmɛ yɛle bɛmɛ bɛ sonvolɛma.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:2

Me nee mediema mɔɔ wɔ ɛke la amuala yɛbiza bɛdabɛ asɔnema mɔɔ bɛwɔ Galeehyea maanzinli nu la amuala ahye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:26

Ɔyɛle ɛhye na ɔvale ɔ nloa edwɛkɛ nee nzule ɔnrinzinle nwolɛ bɔkɔɔ na ɔdele nwolɛ;

1 Tɛs 1:1

Kɛlata ɛhye vi Pɔɔlo, Saelase, yɛɛ Temɔte ɛkɛ. Yɛfa yɛahɔmaa Tɛsalonaeka asɔne ne anu amra mɔɔ le Nyamenle Selɛ ne nee Awulae Gyisɛse Kelaese ɛdeɛ la. Nyamenle ɛlo bɛ na ɔmaa bɛ anzonudwolɛ.

1 Tɛs 4:7

Nyamenle anvɛlɛ yɛ kɛ yɛrabɔ ɛbɛla mgbane mgbane, ɔvɛlɛle yɛ kɛ yɛrayɛ menli mɔɔ anwo te a.

2 Tɛs 1:1

Kɛlata ɛhye vi Pɔɔlo, Saelase, yɛɛ Temɔte ɛkɛ. Yɛfa yɛahɔmaa Tɛsalonaeka asɔnema mɔɔ le yɛ Ze Nyamenle ne nee Awulae Gyisɛse Kelaese ɛdeɛ la.

1 Tem 2:8

Saa bɛyia nuhua kɛ bɛsonle a, mekpondɛ kɛ mrenya ala a yɛ nzɛlɛlɛ a. Ɔwɔ kɛ mrenya zɛhae mɔ yɛ menli mɔɔ bɛdu bɛ nwo bɛmaa Nyamenle na bɛkola bɛmaa bɛ sa zo bɛsɛlɛ mɔɔ ɛya anzɛɛ kpolerazulɛ biala ɛnle nu a.

1 Tem 3:15

Na saa mekyɛ ɛralɛ nu a, kɛlata ɛhye bamaa wɔanwu kɛ ɔwɔ kɛ ɛsi ɛbɔ wɔ ɛbɛla wɔ Nyamenle sua nu la, meka tease Nyamenle ne asɔne ne mɔɔ le nɔhalɛ ne sika nee ye bodane la.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

2 Tem 2:19

Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”

2 Tem 2:22

Yemɔti kpo wɔ mgbavolɛ nu atiakunluwɔzo ne mɔ na ɛ nee bɛdabɛ mɔɔ bɛfa ahonle mɔɔ nuhua te bɛfɛlɛ Awulae la ɛpele ɛkpondɛ pɛlepɛlelilɛ, diedi, ɛhulolɛ, nee anzonudwolɛ bo zo.

Kɛlata mɔɔ bɛhɛlɛle bɛhɔmanle Hibuluma la 10:10

Ɔlua ɛhye ati, kɛmɔ Gyisɛse Kelaese yɛle mɔɔ Nyamenle kpondɛ la, ye azu ne mɔɔ ɔvale ɔ nwo ɔyɛle azubɔdeɛ ɔbɔle ye kokye ne ala la ɛde yɛ nwo bɔkɔɔ ɛvi ɛtane nwo.

Kɛlata mɔɔ bɛhɛlɛle bɛhɔmanle Hibuluma la 13:12

Zɔhane ala yɛɛ Gyisɛse wule suakpole ne kandiba lɔ, amaa yeava ye mogya ne yeanrinzi menli ne ɛtane ne mɔ.

Kɛlata mɔɔ bɛhɛlɛle bɛhɔmanle Hibuluma la 2:11

Ɔte menli nwo ɔfi bɛ ɛtane nwo na ɔ nee bɛdabɛ mɔɔ yede bɛ nwo la nyia Selɛ ko. Ɛhye ati Gyisɛse ɛnze nyiane kɛ ɔkɛvɛlɛ bɛ ɔ mediema.

Dwuudu Kɛlata ne 1:1

Medame Dwuudu, mɔɔ mele Gyisɛse Kelaese sonvolɛ nee Gyemise adiema la yɛɛ melɛkɛlɛ kɛlata ɛhye a. Melɛ mekamaa bɛdabɛ mɔɔ Nyamenle ɛvɛlɛ bɛ, na bɛde Egya Nyamenle ne ɛhulolɛ nu na Gyisɛse Kelaese wowa bɛ la amuala.

Yekile 19:16

Wɔ ye tɛladeɛ ne anu nee ye ɛzɔlɛ nwo, bɛhɛlɛ duma ɛhye, “Arelemgbunli Belemgbunli yɛɛ awulae mɔ Awulae.”