1 Kɔl 1:19 - BAEBOLO ANZƐƐ BULUKU NWUANZANWUANZA

¹⁹ Ɔluakɛ Nyamenle Edwɛkɛ ne se, “Mebaminliminli nrɛlɛbɛvolɛma nrɛlɛbɛ ne abo zo, na meamaa adwenlema ndelebɛbo ayɛ mgbane.”

1 Kɔl 1:19 ပူးပေါင်းရင်းမြစ်များ

Ayezaya Buluku ne 19:11

Zowan mgbanyima le ahoasea kpole kpalɛ, yɛɛ Yigyibiti belemgbunli ne folɛtuvoma tu folɛ ɛtane. Duzu ati a ɔwɔ kɛ bɛka bɛkile Yigyibiti belemgbunli ne kɛ, “Mele nrɛlɛbɛvolɛ ra, mele mɔmoane arelemgbunli ne mɔ bie ara nrenya” ɛ?

Ayezaya Buluku ne 19:3

Bɛ ɛnwomenle mɔɔ wɔ bɛ nu la bawie, na mebazɛkye bɛ adwenle ngyehyɛleɛ biala. Bɛbahɔ bɛ awozonle ne mɔ, bɛ ngonyiama, menli mɔɔ tendɛ nwomenle nloa azo, yɛɛ bayivolɛma ne mɔ ɛkɛ ne abisa,

Ayezaya Buluku ne 29:14

bɛnlea, eza mebava menli ɛhye mɔ meayɛ ninyɛne ɛzulolɛ bie mɔɔ yɛ nwanwane a. Bɛ nrɛlɛbɛvolɛma nrɛlɛbɛ baminli, yɛɛ bɛ menli mɔɔ nwu adwenle nu la deɛnwunlɛ baminli.”

Gyɛlɛmaya Buluku ne 10:7

Maanle maanle Belemgbunli, nwane a ɛnzulo wɔ a? Enililɛ le wɔ ɛdeɛ. Maanle maanle ne mɔ anu nrɛlɛbɛvolɛma o, bɛ nuhua arelemgbunli o, ko bɔbɔ nee wɔ ɛnzɛ.

Gyɛlɛmaya Buluku ne 8:9

Nrɛlɛbɛvolɛma anyunlu bagua aze. Bɛ adwenle baha abɔ nu na bɛahye bɛ. Nea, bɛkpo medame Ɛdɛnkɛma me nloa edwɛkɛ; na duzu nrɛlɛbɛ bɔbɔ a bɛze a?

1 Kɔl 3:19

Ɔluakɛ ewiade ye anu nrɛlɛbɛ le ɛzɛlɛ debie wɔ Nyamenle anyunlu. Nyamenle Edwɛkɛ ne se, “Nyamenle dua nrɛlɛbɛvolɛma agyibadolɛ zo kye bɛ;”

1 Kɔl 4:10

Kelaese ati yɛyɛ ahɔnwɔne; na bɛmɛ, bɛle nrɛlɛbɛvolɛma. Yɛle bɛtɛɛ na bɛmɛ, bɛ nwo yɛ se. Menli ɛmbu yɛ, noko bɛdi bɛmɛ eni.

1 Kɔl 4:6

Me mediema, ɔlua bɛ ti yɛɛ meva Apɔlɔso nee medame mumua ne medo edwɛkɛ nwo meha a, amaa bɛazukoa yɛ na bɛanyɛ bɛammaa yeandɛla mɔɔ bɛhɛlɛ bɛdo ɛkɛ ne la. Bɛ nuhua biala mmafa awie ko pɛ ɔ gɔnwo anye zo.