1 Kɔl 1:18 - BAEBOLO ANZƐƐ BULUKU NWUANZANWUANZA

¹⁸ Ɔluakɛ Kelaese meanubaka ne azo ewule ne anwo edwɛkɛ le debie funli maa bɛdabɛ mɔɔ bɛlɛminli la; noko ɔle Nyamenle tumi ɔmaa yɛdayɛ mɔɔ Nyamenle ɛlɛdie yɛ ngoane la.

1 Kɔl 1:18 ပူးပေါင်းရင်းမြစ်များ

Ɛzoanvolɛma Gyima ne 13:41

‘Bɛnlea, bɛmɛ agolobɛnwoma! Akpule ku bɛ agua bɛ lɔ! Ɔluakɛ, gyima mɔɔ melɛdi wɔ bɛ mekɛ zo la ɛnle debie mɔɔ awie kile nu kile bɛ bɔbɔ a bɛkɛlie bɛkɛli a!’ ”

Ɛzoanvolɛma Gyima ne 17:18

Eku nwiɔ bie mɔɔ Ɛpekulɛse nee Zɛno a dele la anu kilehilevolɛma rale na bɛ nee Pɔɔlo razule kpolera na bɛzele kɛ, “Na sonlamgbane ɛhye, duzu edwɛkɛ yɛɛ ɔkpondɛ yeaha a?” Bie mɔ noko se, “Ɔzɔho kɛ ɔlɛbɔ ɛzonlenlɛ fofolɛ bie anwo nolo.” Bɛhanle ɛhye, ɔluakɛ Pɔɔlo hanle Gyisɛse nee ewudwazo nwo edwɛkɛ.

Ɛzoanvolɛma Gyima ne 17:32

Mɔɔ bɛdele kɛ Pɔɔlo ɛlɛka ewudwazo nwo edwɛkɛ la, bie mɔ golole ɔ nwo, yɛɛ bie mɔ noko zele kɛ, “Yɛkulo kɛ ɛsi edwɛkɛ ɛhye azo na ɛka ye bieko ɛkile yɛ wɔ kenle fofolɛ.”

Ɛzoanvolɛma Gyima ne 2:47

na bɛye Nyamenle ayɛlɛ. Bɛnyianle bɛ nyunlu wɔ menli kɔsɔɔti avinli, na dahuu Awulae fa menli mɔɔ bɛlɛdie bɛ ngoane la baboka bɛ nwo.

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

1 Kɔl 15:2

Saa bɛsɔ nu ɛsesebɛ a bɛkɛnyia ngoane mɔɔ ɛnlɛ awieleɛ; kyesɛ bɛanlie bɛanli.

1 Kɔl 2:14

Sonla mɔɔ Nyamenle Sunsum ne ɛnle ye nu la ɛngola ɛnnyia Nyamenle Sunsum nu ahyɛlɛdeɛ ne mɔ. Sonla zɛhae ɛnde ninyɛne ɛhye mɔ abo; bɛle ɔ nye zo ɛzɛlɛ edwɛkɛ, ɔboalekɛ kyesɛ sunsum nu ala na bɛade ɔ bo.

1 Kɔl 2:2

Ɔluakɛ membɔle me ti anu kpɔkɛ kɛ me rɛle kɛvi debie biala wɔ mekɛ mɔɔ me nee bɛ de la na ɔkɛha Gyisɛse Kelaese angome nee ye meanubaka ne azo ewule ne ala,

1 Kɔl 3:19

Ɔluakɛ ewiade ye anu nrɛlɛbɛ le ɛzɛlɛ debie wɔ Nyamenle anyunlu. Nyamenle Edwɛkɛ ne se, “Nyamenle dua nrɛlɛbɛvolɛma agyibadolɛ zo kye bɛ;”

1 Kɔl 4:10

Kelaese ati yɛyɛ ahɔnwɔne; na bɛmɛ, bɛle nrɛlɛbɛvolɛma. Yɛle bɛtɛɛ na bɛmɛ, bɛ nwo yɛ se. Menli ɛmbu yɛ, noko bɛdi bɛmɛ eni.

2 Kɔl 10:4

Tɛ ewiade konle ninyɛne a yɛfa yɛko a; Nyamenle konle ninyɛne mɔɔ tumi wɔ nu la a yɛfa yɛbubu aranemgbole ne mɔ a. Yɛsɛkye kpolerazulɛ mgbane mgbane;

2 Kɔl 4:3

Na saa edwɛkɛ ne mɔɔ yɛbɔ ye nolo la bɛheda zolɛ a, ɛnee bɛheda zolɛ bɛmaa bɛdabɛ mɔɔ bɛlɛminli la ala.

1 Tɛs 1:5

Ɔluakɛ yɛanva yɛ nloa mgbane a yɛvale Edwɛkpa ne yɛrɛlɛle bɛ a, yɛvale tumi nee Sunsum Nwuanzanwuanza ne nee ye nɔhalɛ ne anwo adwenle mɔɔ si pi la a yɛrale a. Bɛdabɛ bɛze kɛ yɛzile yɛbɔle yɛ ɛbɛla wɔ mekɛ mɔɔ yɛ nee bɛ de la; yɛyɛle ɛhye wɔ bɛdabɛ bɛ kpalɛ ti.

2 Tɛs 2:10

na yeava adalɛ nee amumuyɛ adenle zo yeahwe bɛdabɛ mɔɔ ɔwɔ kɛ bɛminli la. Menli ɛhye mɔ baminli, ɔluakɛ bɛangulo nɔhalɛ ne mɔɔ kɛlie bɛ ngoane la.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 4:12

Nyamenle Edwɛkɛ ne gyi zo na ɔyɛ se, ɔyɛ nla ɔtɛla dadeɛ anye nwiɔ biala. Ɔpɛ to, ɔdua ɛkɛla nee sunsum ayia zo, ɔgya mbowule agbɔkɛ nee mbowule ɛnlome ɛweɛne na ɔfede adwenle nee ahonle nu ɔnwu bɛ nzuzulɛ muala.