1 Kɔl 1:17 - BAEBOLO ANZƐƐ BULUKU NWUANZANWUANZA

¹⁷ Kelaese anzoa me kɛ membanzɔne menli. Ɔzoanle me kɛ memambɔ Edwɛkpa ne nolo, na memmafa sonla nrɛlɛbɛ meka, anrɛɛ tumi ne mɔɔ wɔ Kelaese meanubaka ne anwo edwɛkɛ ne anu la kɛyɛ mgbane.

1 Kɔl 1:17 ပူးပေါင်းရင်းမြစ်များ

Dw 4:1

Falasiima ne dele kɛ Gyisɛse ɛlɛnyia menli dɔɔnwo azɔne bɛ, yeava bɛ yeayɛ ɛdoavolɛma adɛla Dwɔn.

Dw 4:2

(Nɔhalɛ mɔɔ wɔ nu la a le kɛ Gyisɛse ɔdaye mumua ne yeanzɔne awie biala; ye ɛdoavolɛma ne mɔ a zɔnenle menli a.)

Ɛzoanvolɛma Gyima ne 10:48

Yemɔti ɔmanle bɛzɔnenle bɛ wɔ Gyisɛse Kelaese duma nu. Na bɛzɛlɛle ye bɛ nee ye dɛnlanle mekɛ ekyi.

1 Kɔl 2:1

Me mediema, mekɛ mɔɔ membale bɛ nwo lɔ kɛ mebabɔ Nyamenle nɔhalɛ edwɛkɛ ne mɔɔ vea la nolo meahile bɛ la, meanga ye kɛ mele sonla mɔɔ me nloa ɛde na meze nrɛlɛbɛ kpole la.

1 Kɔl 2:13

Zɔhane ati, mɔɔ yɛka la ɛnle edwɛkɛ mɔɔ sonla nrɛlɛbɛ a kilehile yɛ a. Nyamenle Sunsum ne kilehile yɛ wɔ mekɛ mɔɔ yɛkɛha kɛ yɛkilehile sunsum nu nɔhalɛ ne yɛahile bɛdabɛ mɔɔ Nyamenle Sunsum ne wɔ bɛ nu la.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 10:10

Ɔluakɛ bie baha kɛ, “Pɔɔlo yɛ se wɔ ngɛlata zo, na saa ɔwɔ ɛke a, ɔnle awie, yɛɛ ye edwɛkɛ ɛngyinla kpɔkɛ zo!”

2 Kɔl 11:6

Saa me nloa yɛɛ ɛtɛtele bɔbɔ a, tɛ nwoma nu ɔ; yɛɛ yɛla ɛhye ali wienyi yɛhile bɛ wɔ ndenle dɔɔnwo nee debie biala anu.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

2 Pit 1:16

Yɛangyinla ngehanleɛ zo anzɛɛ sonla adwenle nzuzulɛ zo a yɛkpale yɛ Awulae Gyisɛse Kelaese tumi ne nee ye ɛralɛ bieko nwo edwɛkɛ ne anwo ɛdanlɛ yɛhilele bɛ a. Yɛdayɛ yɛnwunle ye anyunlunyia kpole ne yɛ nye zo yɛɛ yɛdi nwolɛ daselɛ.