1 Kɔl 1:13 - BAEBOLO ANZƐƐ BULUKU NWUANZANWUANZA

¹³ Bɛhyɛ Kelaese anu ekpunli ekpunli ɔ? Na mebiza bɛ kɛ, Pɔɔlo a bɛbɔle ye meanubaka nu bɛmanle bɛ ɔ? Anzɛɛ bɛzɔnenle bɛ kɛ bɛle Pɔɔlo ɛdoavolɛma ɔ?

1 Kɔl 1:13 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Edwɛkpa ne kɛmɔ Mateyu hɛlɛle la 3:6

bɛrahanle bɛ ɛtane na ɔzɔnenle bɛ wɔ Azule Dwɔdan ne anu.

Ɛzoanvolɛma Gyima ne 10:48

Yemɔti ɔmanle bɛzɔnenle bɛ wɔ Gyisɛse Kelaese duma nu. Na bɛzɛlɛle ye bɛ nee ye dɛnlanle mekɛ ekyi.

Ɛzoanvolɛma Gyima ne 19:5

Bɛdele ɛhye la, bɛmanle bɛzɔnenle bɛ wɔ Awulae Gyisɛse duma nu.

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 8:16

Ɔluakɛ ɛnee bɛzɔne bɛ wɔ Awulae Gyisɛse duma nu ɛdeɛ, noko Sunsum Nwuanzanwuanza ne ɛtɛbale bɛ nwo zo.

Wulo 14:9

Ɔluakɛ ɛhye ati a Kelaese wule na bɛdwazole ye bɛrale ngoane nu a, amaa yeayɛ anyewɔzo amra nee mɔwuamra Awulae.

1 Kɔl 1:15

Yemɔti awie biala ɛnga kɛ bɛzɔnenle ye kɛ ɔle me ɛdoavolɛ.

1 Kɔl 10:2

Bɛzɔnenle bɛ muala kɛ Mosisi ɛdoavolɛma wɔ amungu ne nee nyevile ne anu.

2 Kɔl 11:4

Ɔluakɛ bɛ nye die awie biala mɔɔ ba bɛ nwo nehane na ɔbabɔ Gyisɛse fofolɛ bie, mɔɔ tɛ yemɔ a ɔle Gyisɛse ne mɔɔ yɛbɔle ye nolo yɛhilele bɛ la anwo edwɛkɛ la anwo. Eza bɛdie sunsum nee edwɛkpa bie mɔɔ asolo bɛ na tɛ Nyamenle Sunsum ne nee Kelaese anwo Edwɛkpa ne mɔɔ bɛnyianle ye bɛvile yɛ lɔ la bɛto nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:7

Nɔhalɛ, Edwɛkpa fofolɛ bieko ɛnle ɛkɛ mɔɔ vi Nyamenle ɛkɛ, kɛ mɔɔ meha mehile bɛ la ala. Menwu kɛ awie mɔ ɛlɛgyegye bɛ azɛkye bɛ adwenle, na bɛahakyi Edwɛkpa ne mɔɔ fane Kelaese anwo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:5

Awulae ko, diedi ko, yɛɛ ɛzɔnenlɛ kokye ala a wɔ ɛkɛ a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.