1 Kɔl 1:12 - BAEBOLO ANZƐƐ BULUKU NWUANZANWUANZA

¹² Mɔɔ mekpondɛ meaha la a le kɛ asolo bɛ nuhua ko biala nee ye edwɛkɛ. Mɔɔ ko se “Mewɔ Pɔɔlo afoa la”, ɛnee bie se, “Mewɔ Apɔlɔso afoa.” Bie se, “Mewɔ Pita afoa,” ɛnee bie noko se, “Mewɔ Kelaese afoa.”

1 Kɔl 1:12 ပူးပေါင်းရင်းမြစ်များ

1 Arl 16:21

Nzinlii Yizilayɛma anu kpakyele nwiɔ. Ɛnee foa ko kulo kɛ bɛfa Tebenae mɔɔ le Gaenate ara ne bɛsie ebia ne, yɛɛ foa ko noko gyi Ɔmelae anzi.

Edwɛkpa ne kɛmɔ Mateyu hɛlɛle la 23:8

Na bɛmɛ, bɛmmamaa awie fɛlɛ bɛ ‘Kilehilevolɛ’, ɔluakɛ bɛ muala bɛle mediema yɛɛ bɛ Kilehilevolɛ kokye.

Dw 1:42

Na ɔ nee Saemɔn bɛrale Gyisɛse ɛkɛ. Gyisɛse nleanle Pita koonwu na ɔzele ye kɛ, “Wɔmɔ a ɛle Saemɔn, mɔɔ le Dwɔn ara ne. Bɛbavɛlɛ wɔ Sifase.” (“Sifase” yemɔ ala a le “Pita” na ɔ bo a le “Bodane”.)

Ɛzoanvolɛma Gyima ne 18:24

Dwuunli bie mɔɔ bɛfɛlɛ ye Apɔlɔso, mɔɔ bɛwole ye Alɛzandelea, na ɔ nloa ɛde, eza ɔze Nyamenle Edwɛkɛ ne kpalɛ la rale Ɛfɛsɛse.

Ɛzoanvolɛma Gyima ne 19:1

Mɔɔ Apɔlɔso wɔ Kɔlente la, Pɔɔlo hɔle maanzinli ne anu akpɔsa toonwo ɔravindele Ɛfɛsɛse, na ɔranwunle ɛdoavolɛma bie wɔ ɛkɛ.

1 Kɔl 1:11

Melɛka ɛhye, ɔluakɛ me mediema Kuloyi sua nu amra bie mɔ ɛraha ɛhile me kɛ bɛdabɛ bɛ ngome bɛpɛ bɛ nwo bɛdi butule.

1 Kɔl 15:5

Ɔyele ɔ nwo ɔhilele Pita, na nzinlii ɔyele ɔ nwo ɔhilele ɛzoanvolɛma bulu nee nwiɔ ne.

1 Kɔl 15:50

Mediema, mɔɔ mekpondɛ meaha la a le kɛ, nwonane nee mogya ɛngola ɛnnyia Nyamenle Belemgbunlililɛ ne, yɛɛ debie mɔɔ kpɔlɔ la ɛngola ɛnnyia mɔɔ ɛmkpɔlɔ la.

1 Kɔl 16:12

Akee mɔɔ fane adiema Apɔlɔso anwo la, mekɛ dɔɔnwo ne ala mezuzu mehile ye kɛ ɔ nee mediema ɛhendeɛ ne mɔ bɛrakpɔla bɛ, noko ɔngulo kɛ ɔba kɛkala. Ɔnyia adenle a ɔbarakpɔla bɛ.

1 Kɔl 4:6

Me mediema, ɔlua bɛ ti yɛɛ meva Apɔlɔso nee medame mumua ne medo edwɛkɛ nwo meha a, amaa bɛazukoa yɛ na bɛanyɛ bɛammaa yeandɛla mɔɔ bɛhɛlɛ bɛdo ɛkɛ ne la. Bɛ nuhua biala mmafa awie ko pɛ ɔ gɔnwo anye zo.

1 Kɔl 7:29

Mediema, mɔɔ mekpondɛ meaha la a le ɛhye: mekɛ ne ɛwie, na ɔvi ɛnɛ mɔɔ kɔ la, kunlima ɛdɛnla kɛ bɛngya mraalɛ;

1 Kɔl 9:5

Yɛnlɛ adenle kɛ yɛgya Kelaese ɛdoavolɛ mraalɛ ne mɔ bie na yɛ nee ye tu adenle kɔyɛ gyima, kɛmɔ ɛzoanvolɛma ɛhendeɛ ne mɔ nee Awulae amediema ne mɔ nee Pita yɛ ye la ɔ?

2 Kɔl 10:7

Anrɛɛ bɛnlea ye boɛ na bɛabua. Awie wɔ ɛkɛ ne mɔɔ ɔbu ɔ nwo kɛ ɔle Kelaese ɛdeɛ a, ɛnee bɛmaa ɔdwenle nwolɛ ɔhakye kɛ saa ɔle Kelaese ɛdeɛ a, ɛnee yɛdayɛ noko yɛle Kelaese ɛdeɛ.

2 Kɔl 9:6

Bɛhakye ɛhye: sonla mɔɔ dua ma ekyi la bu ekyi, yɛɛ mɔɔ dua dɔɔnwo la bu dɔɔnwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:9

Gyemise, Pita, yɛɛ Dwɔn mɔɔ diedima ne bu bɛ kɛ bɛle mgbanyima la liele dole nu kɛ, nɔhalɛ, mame a Nyamenle ɛva ɛlolɛ gyima ɛhye ɛwula me sa nu a. Yemɔti bɛzomanle me nee Banabase, bɛyɛle yɛ mo nee yɛ, bɛhilele kɛ bɛlie yɛ bɛdo nu. Akee yɛ muala yɛliele yɛdole nu kɛ yɛmɛ yɛhɔbɔ nolo ne wɔ bɛdabɛ mɔɔ bɛnle Dwuuma la anu na bɛdabɛ noko bɛhɔ Dwuuma anu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:17

Mɔɔ meka la a le kɛ, Nyamenle nee Ebileham yɛle ngyehyɛlɛ ne na bɛhyele ɔ bo la, ɔ nzi ɛvolɛ ɛya nna abulasa yɛɛ bɛvale mɛla ne bɛmanle Dwuuma a. Ɛhye ati mɛla ne ɛngola ɛntulu ngyekyeleɛ ne na ɔnzɛkye Nyamenle ɛwɔkɛ ne.