Taitus 3:10 - Nobonob Baibel

¹⁰ Laa ele, danab laa nug tamaniak ena loppaɗtte ele, na tolittak uɗat laippu hewona, laa ele heppe amu anam bataɗ! Amu nug baula tippaleb amu, na nug geɗitte!

Taitus 3:10 ပူးပေါင်းရင်းမြစ်များ

Rom 16:17

O lailad, nai ag aoppig amu, danab laala ag nai amu tappaeg neene, ag heeg, tamaniak ooppa obatak obatak daatteb, danab ah dilag ooppa genab doyak ele kobolitteb amu, da ag Rom daatteb, da danab amu dilagnu dabmena autna aoglagnu dabmak ahilkad maɗedattem. Ag danab amu dilagnu awaidna, dekkaɗnana dayeg!

1 Korint 11:19

Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

2 Korint 13:2

Ag danab matu hipunin heppig, danab laa oh ele amu, da haen ebqak aɗit ahilagppa gomi, haen amuppa da ag ele oh daata, da kobol aɗi ag oolagppa hekkulnu amu aakku ai, ag dooppig. Aria, gemu ele da ippa dayeye, da am nai imu eɗue inam attem. Haen da baula eɗue ag gumatte ukke, da danab hipunin tatam heppig o iitta gemu hetteb amu, da nob madakkulnu ag ii uuadpa. Iitta!

Galesia 5:12

Am danab ag heeg, ag Galesia danab ag kaboliadtteb ele amu, danab nau amu ag, ag Galesia danab uuadna gokkulagnu, tamaniak ooppa ii daaglagnu, ool okkai daatte.

Galesia 5:20

kayak hambuppuak binag mak kobol, onig awak kobol, laanu nau ninig ele doyak kobol, heqoppa qak kobol, laanu dahilppa anam daalon dabmak aɗa dayak kobol, oppoɗi be ameg kokoɗ eppak kobol, akka akka ahilagnuib dabmak awak kobol, nug qak kobol, huu obatak kobol,

2 Tesalonaika 3:14

Am laippu laa nug nai ig uɗug imuppa yaamut imu dim ii lamitteb anidna, ag danab amu dab mena, nug uuidna piɗe dayeg! Ag anam heppeg, geha nug nuhig kobol eheɗ amunu uɗa nekku.

2 Tesalonaika 3:6

O lainkad, ig Naɗi Jesus Kristus onigppa haknunab nai imu ag amelagppa attem. Ag lailkad laa bahilag iitta, ag kobol ena, ig tatam ippunadmut, ag amu ii dim lamidtteb amu, ag danab amu ele aib ouqeppig.

2 Timoti 3:5

Ag Kayaknu kobol amu gaɗalagppaib, danab amelagnuib hekkulag, amge Kayak kobolnu ɠagattag amu, ag dimettaglag. Na danab amu dilagnu qe mena oiye!

2 Pita 2:1

Propet hambuppuak ag anukka danab oolagppa oidppig amubianab ippunittak danab hambuppuak ag geha ag gemu daatteb, ag oolagppa bena oiglag. Amu ag geha lokkumakppa hambuppualadppeg, kobol adekku dim lamidkkulagnu amu dabmekkulag. Hambuppuak kobol amu ag keeke heeg nauhtte. Amu ele, danab amu ag Naɗi Yawe, Nug ag hipuninnu qagaiettakppanu eɗua uhuqattom ele amu, ag Nug guhuɗidkkulag amunu, danab amu ag aakku akka padal mekkulagnu hetteb.

2 Jon 1:10

Am aun nug ag gumatta gokku, amge nug Kristusnu nai tutukku ii maditte amu, ag nug ⌊ippunittak danab daakkunu⌋ ag laulag ooppa nokkunu aib appig. Ele amu ag nug ele laippu dayaknu oolagppa eleleib aib dooppig.