Taitus 2:15 - Nobonob Baibel

¹⁵ Na nai amu haen oh danab ah ippunadkkut. Na hekkutnu ehah aome daattemppa, na danab ah oolag ɠagattag qettan, ag daulag ele batakkut. Nahip hakppanu, nahip oiyakppanu ele laa nug nahipnu ena iinab doomanu, na enaib oiye!

Taitus 2:15 ပူးပေါင်းရင်းမြစ်များ

Matyu 7:29

Aɗinu? Nug ahilag ɗo mehuqak danab nai ippunadppig bia ag ii ippuanattom. Iitta. Nug danab nug anam hekkunu ehah ele, Nug amubia nai ippuanattom.

Mak 1:22

Ippuanatte, Juda danab ag dabmak kuɗum aoppig. Aɗinu? Nug ɗo mehuqak danab nai ippunadppig bia ag ii ippuanattom. Iitta. Nug danab nug anam hekkunu ehah ele, Nug amubia nai ippuanattom.

Mak 1:27

Uuitte amu, danab laa ag danab amu anidna, dabmak kuɗum aona, amu ag akka akka Jesusnu appig. “Imu aɗi? Ippunittak imu am bau. Nug ehah ena ele, amu diig amunu Nug ouɗi nau amelagppa, ‘Ag ukkeg!’ atte amu, ag nuhig nai dim lamidtteb,” aon appig.

Luk 4:36

Anam amu, danab oh ag dabmak kuɗum aona, akka akka Jesusnu appig. “Nai amuam ippunittak baute? Danab amu Nug ehah ena, ɠagattag ena ele amunu, Nug ouɗi nau amelagppa, ‘Ag ukkeg!’ atte amu, ag uuadna gotteb,” aon appig.

1 Korint 16:11

Laa nug nuhignu keeke hamu bia dabmaama aib dimettom! Nug da gumiɗa uɗikkunu ag heppeg, nug ooppa maɗoɗ doyaya, aha uɗiaɗ! Da nug, lailad laa ele oh uɗiglagnu dabmen daattem.

1 Timoti 5:20

Am danab laa hipunin haaha daakku amu, na danab ah noolagppa daug batan, tutukku mette! Amuppa amu danab laala oh ele baɗan, hipunin ii hemana.

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

Taitus 1:13

Nai amuam genab amunu, ag ooppa genab doyak tutukku mettaglagnu, na ag daulag ɠagattag bate!

1 Pita 4:11

Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.