Taitus 2:12 - Nobonob Baibel

¹² Kayaknu ehanittak okkai hamu mettak amu, nug ig Kayak dimettak kobol amu wannu oo gamag ahaknu dabmak nau ele, ig amu oh uuta, ig wannu haen imunu oitta, ig ikka ig ihinig oiyak pehettak atognota, tutukku oita, Kayaknu kobol dim lamidkkunignu ippunigtte.

Taitus 2:12 ပူးပေါင်းရင်းမြစ်များ

Sam 105:45

Yawe Nug keeke amu oh heumnu diig am, Israel danab ah ag anidna, ag nuhig oo yaak nai ɗo bia dim lamidna, nuhig ɗo ele dim lamidkkulagnu Nug heum. Ag Yawe binag meig!

Sam 4:3

Ag imu doyeg! Yawe Nug genab tutukku hak danab, nuhig daaglagnu epeɗiom. Yawe Nug da Nug unuqitti dootte.

Esekiel 36:27

Amu da ele da Ouɗil ag matten, da heppi, ag dahil nai dim lamidkkulagnu dabmak anuqak aɗan oiglag. Ag dahil ɗo iɗu iɗu ii tippalmananu dabmak okkainab aoglag.

Matyu 12:32

Am danab nug Danab Bekkalag da, dahilnu nai nau atte dayeb amu, Kayak Nug danab amunu hipunin uhuqa medakku, amge danab nug Kayak Ouɗinu nai nau akku dayeb amu, nug uhuqa mettak ii aoma; wannu haen imu, butti aɗi haen amu ele,” awa aum.

Matyu 16:24

Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ!

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Jon 14:30

Wan imuppan okkai nug amu, nug uɗat nuhig hekkunu haen miag beum daatte amunu, da ag ele nai kuɗum baula ii mattimta. Nug dahilppa keeke laa hekkunu ɠagattag iitta,

Jon 6:25

Ag gona, Jesus laih dayeye anidna, oɗ mettan appig. “Ippunittak danab, na haen aɗippa ippa uɗime?” aon appig.

Aposel 24:16

Amunu da hanhan deɗ oh da oolppa keeke eheɗ laa Kayak noobppa, danab ah amelagppa ele ii daamanu, da wagai mettem.

Aposel 24:25

Pol nug genab tutukku hak kobolppa oiyak amunu mehuqa, danab nug nukka nuhignu atognoa tutukku oikkunu, geha Kayak Nug danab oh epeɗiadkkunu nai ele mehuqeqe amu, Peliks nug nai amu doya, oo baɗe, nug Pol amegppa aum. “Gemu elele! Ahan ukke! Dimppa da haen ena laa dayeb amu, da geha baula dookkulnu na oninppa ekkul,” awa aum.

Rom 12:2

Danab laa ag wannu haen imuppan kobolnuib guattak oitteb, ag amubia aib oippig. Iitta! Kayak Nug heeb, ahilag dabmak ena bau beeb, ag oiyak bauppa oiyeg! Ag anam henana, ag Kayak, Nug ag aɗi hekkulagnu dabmaknab aotte, ag amu dooglag. Ag amu doona, ag Kayak Nug aɗi haknu ena dootte, aɗi haknu enanag dootte, aɗi haknu elelenab dootte amu, ag amu ele dooglag.

Rom 6:12

Ag anam oiglagnu daatte amunu, ag heppeg, hipunin nug ag beɗulkad mauhtteb ele dilag okkai aib dayom. Hipunin nug ag beɗulkad dilag okkai daakku dayeb, ag beɗulkadnu eeɗak nau dim lamidna, eheɗ hekkulag, amge ag anam aib heppig.

Rom 6:19

Amu dabmak ahilag ɠagattagnab ii qeum amunu, da danab ihinig kobol laappa imu ippunadkkulnu heinne attem. Anukka ag genab tutukku hak kobol uuna, ag beɗulkad laih oh ag kobol dubuttid ele, ɗo tappe naknu kobol ele, ag amunu begbeg maɗi nid maadna, ag ɗo tappe nak kuɗum digdig, nau ahilag tuɗitta naunab gotte amu, ag kobol amu ele tuɗidna hekkulagnu heppig. Gemunu amu, ag oppiaawak danab bekkulagnu ag ag beɗulkad laih oh kobol tutukkunu begbeg maɗi nid maatteg!

Rom 8:13

Aɗinu? Ag oolag alag dim lamidkkulag amu, ag mauhkkulag, amge ag Kayak Ouɗinu ɠagattagppa beɗunu kobol dimettan, ii dim lamidkkulag dayeb, ag bau daaglag.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

Galesia 1:4

Kristus Nug Kayak, ig Mamenig, Nug oo dayom amu dim lamitta, Nug ihinig hipunin uhuqa megakkunu, Nug nukka bau dayak nuhig uua, ad emaitakppa mauhom. Nug anam heumnu diig am, Nug ig kobol nau, gemu wannu haen imuppa daatte, amu waappa ii daamtanu heum.

Galesia 5:24

Kristus Jesusnu danab oh ag oolag alag, nuhig beɗunu kobol amu oo ahak nau kobol ele oh ad emaitakppa atulppig daatteb.

Epesus 1:4

Kayak Nug wan ii beum haenppa Nug ihinignu oo mauhe, Nug ig Kristusnu uɗat okkaippa ig nuhikkud danab ah oppiaawak ele daagnignu, ig danab ah oonigppa kaliak laa iitta ele daagnignu tituanikkom.

Epesus 2:2

Haen amuppa ag wan imuppan kobol nau, ouɗi nau ikkilag Satan ele dim lamidppig. Gemu ele danab ag Kayak oɗe ii dim lamidtteb amu, ag Satan waappa daatteb.

Kolosi 1:22

Amge Kristus Nug danab beɗu awa, ad emaitakppa mauhom, ib amuppa Kayak he, ag nuhikkud danab ah oppiaawak ele, ag nuhig neekkakppa ag oolagppa kaliak laa iitta ele, amu eheɗ laa iitta ele daaglagnu ag Nug ele oolag laippu daatteb.

1 Tesalonaika 4:7

Aɗinu? Kayak Nug ig dubuttid ele oignignu ig oninigppa ii eum. Iitta. Dubuttid iitta, oppiaawak oignignu eum.

1 Tesalonaika 4:9

Amge layagnu oo mauhak kobolnu amu, da nai laa yaakkulnu uɗat laa ii daatte. Keeke amunu amu, Kayak Nug ag ippuanatta malom.

1 Timoti 4:12

Na am nid bau amunu, danab laa nug nahipnu ena iinab doomanu na enaib oiye! Na mauhnoak aib oime. Iitta! Na nahip nai mattiak, oiyak, oo mauhak, ooppa genab doyak, amu kobol oppiak nahip eleppa, danab ag Jesusnu oolagppa genab dooppig ele, ag nahip kobol amu oh anidna dim lamidkkulagnu elele daaglagnu oiye!

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

1 Timoti 6:9

Amge laa ag enulag kuɗum ele daaglagnu dabmak huanak aotteb amu, eheɗ hekkulagnu oo eeɗak, pelemppa tak, oo hak dabmak iitta ele, aria oo hak danab guittak medatte ele, oo hak amu oh ag heeg, danab padal mette ele amu, keeke amu oh danab ag enub danab daaglagnu oolag hette amu aqadtteb.

2 Timoti 3:12

Amu aun laa oh ag Kristus Jesusnu daanna, ag genab tutukku danab daaglagnu oolag daatte ele amu, ag eheɗ hettak aoglag.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Hibru 8:11

Amu da heppi, ig nug tituana nai qakkak amu heta malota, danab laa nug layagtai, o awagtai, o amagtai baula amegppa, ‘Na Naɗi doye!’ ii ama. Iitta. Ag anam ii amananu diig am, ag ohnab, danab onig iitta, danab onig okkai ele, ag oh da dooiɗna oiglag amunu, ag laa nug laa amegppa, ‘Na Naɗi doye!’ akkunu ii hema.

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

2 Pita 3:11

Keeke oh kobol anamppa padal mekkulag amunu, ag am attem daaglagnu daatteb? Ag danab oppiaawak ele, Kayaknu genab tutukku hak danab ele daaglagnu daatteb.

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!

1 Jon 2:6

Am aun laa nug, “Da nuhigppa daattem,” atte amu, nug Jesus oiyom bia oiyaɗ!

1 Jon 5:19

Ig doottem, ig Kayak bekkod daattem, amge wanppanu danab ag Satan waappa daatteb.

Jut 1:18

Am ag inam ag amelagppa appig. “Gog tak haenppa ihaklel qettak danab ag Kayak dimettan, ag Kayaknu, hak nuhignu ele uuak kobol dim lamidna beɗunu oo ahak kobol ahilag hekkulag,” aon appig.

Revelesen 14:12

Uug nau danab ah amu dilagppa bekkunu daatte, doyak amuam uug beegeg, Kayaknu danab ah oppiaawak ele ag Kayaknu haknunab anak dim lamidtteb, ag Jesusnu ooppa genab doyak ahilag ele ɠagattag aɗatteb amu, ag tuɗidna uug doyaya eɗittaknuib dabmak awak kobol dim lamidkkulagoitte ippunigtte.