Taitus 1:6 - Nobonob Baibel

⁶ Aun laa nug ikki danab daakku dayeb amu, nug Kayaknu neekkakppa ooppa kaliak laa iitta, nug ah laippuib gamu ele daakkuoitte. Ele amu, nug bekkod ag Jesusnu oolagppa genab doon, ag laa dilag neekkakppa kobol dubuttid ele, oɗe tappe nak kobol ele, ag amu ii hemananu daatteb. Na danab amubia na ikki danab anidna maadkkutnu elele.

Taitus 1:6 ပူးပေါင်းရင်းမြစ်များ

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Prowerb 28:7

Nid nug Kayaknu ɗo doya, dim lamidtte, nug am doyak dabmak ena ele aɗatte; amge nid nug laa ag oolagppa dubuttid huanak ele, nug ag ele layam daatteb, nug mameg uɗa nak nau guittak ele medatte.

Esekiel 44:22

Mana mettak danab ag ah laa, gamu lamittom, o mana mettak danab iitta laa mauhe, wau hamu daatte ele amu, ag ah amu ii aomna. Iitta. Mana mettak danab ag Israel buɗubppan ah danab laa ele ii niipiɗ, o mana mettak danab laa mauhe, wau hamu daatte, ag ah amu aakkuib diiglag.

Lewitikas 21:14

Nug ah gamu mauhe, qab daatte, ah nuhig ewau matulak awak otaɗak ele, o ah nug ib baag oiyak ah, ib baag ah nug nuhig kobol amuppa nug dahil neekkakppa nug ooppa dubuttid teum daatte amu, nug ah anam ele am ii aoma. Mana mettak ikki danab nug Israel danab ah, nug amuppanu ah laa, danab laa ele ii niipiɗ aokkuoitte.

Lewitikas 21:7

Am mana mettak danab ag ib baag ah laa, ah amu nug nuhig hak amuppa amu dahil neekkakppa nug ooppa dubuttid teum daatte ele, amu ag ah amu ii aoglagoitte. Ag ah laa, nuhig ewau matulak awak otaɗak ele amu, ag nug ele ii aoglagoitte. Amunu diig am, mana mettak danab ag Kayaknu oppiaawak ele daatteb.

Malakai 2:15

Haen na ah aome amu, Yawe Nug he, na waat ele laippu iite daapiɗ? Gaɗalahppa, ouɗilahppa ele aa nuhig daattep. Kayak Nug diig aɗinu kobol amu daakkunu meum? Nug aa nid ag genab tutukku hak kobolib dim lamidkkulagnu menuadkkulahnu oo hette. Anam amunu na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!

Luk 1:5

Aria, haen Herot okkai nug Juda dilag king dayeye, mana mettak danab laa dayom. Nug am ameg laa onig Abaiya ameg, amu ooppanu, nug onig Sekaraia. Nug wau am onig Elisabet. Aa oh am Aron buɗub.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

1 Tesalonaika 5:14

O lainkad, ig nai baula tuɗidta, ahilkad dabmak maɗettagnignu ag amelagppa iikku attem. Danab ag bahi yaak doonna, hamu uɗat iitta oitteb ele amu, ag nau aomnanu nai ag amelagppa aig! Laa oo baɗak dootteb amu, ag ɠagattag aqeg! Ag laa ag ɠagattag iitta amu, ag ehanatteg! Danab oh dilagnu amu, ag dagom kobol dim lamidna oiyeg!

1 Timoti 1:9

Ig ele doottem, ɗo nug genab tutukku hak danab dilagnu ii daatte. Iitta. Ɗo nug ɗo ii dim lamittak danab dilagnu, am nai tappe nak danab dilagnu, am Kayak dimettak danab dilagnu, am hipunin danab dilagnu, am laa Kayaknu oppiaawak ele ii daatteb dilagnu, am laa Kayak dab-ii-mena wannu kobol dim lamidtteb dilagnu, am laa ag mamelkad anilkad aqaeg mauhtteb dilagnu, am danab ag lailkad aqaeg mauhtteb dilagnu,

1 Timoti 3:12

Kayaknu tamaniaknu toliak danab nug ah laippu aakkuib gamu daakku, nug nuhig ah, nid naunau ele ena atognoatta omaladkkuoitte.

Taitus 1:10

Aɗinu? Nai tappe nak danab, ag oɗelagppa nai meu iitta hambuppuak kuɗum maditteb ele, ag kuɗum daatteb. Danab amunu oolagppa Juda laa ag gaɗa otaɗaknu dabmak okkai aotteb ele amu, ag laa eɗattak anuqak daatteb.

1 Samuel 2:11

Hana nug anam unuqitta male, Elkana, Hana ele aa eɗuya, Rama gopiɗ, amge nid danab Samuel, nug Silo dayaya, mana mettak danab Eli waappa Yawe noobppa Yawenu ɗo maɗoɗnu uɗat heum.

1 Samuel 2:22

Aria, Eli nug kaino ma malom; nug am danab kainonab. Nug anam dayeye, danab ag nug bekoɗ aa Israel danab oh dilagppa kobol eheɗ hepiɗnu mattiegeg doyeye, aria ah ag mettid haknu peh lag danab ah appa qagmetteb ele, ah ag peh lag amu odppa laa dabmattanna, ehanadkkulagnu daappig amu, Eli bekoɗ aa ah amu ele niiegeg, ag amunu ele mattiegeg, Eli doyom.