Taitus 1:15 - Nobonob Baibel

¹⁵ Am danab ag oolag dubuttid iitta ele amu, ahilagnu keeke oh am oppiaawak ele daatte, amge danab ag dubuttid ele, ag oolagppa genab ii dootteb ele amu, ahilagnu keeke oh am oppiaawak iitta. Ahilag dabmakppa, ahilag ooppan oiyak ippunittaknu ulum eleppa dubuttid aakku teum daatte.

Taitus 1:15 ပူးပေါင်းရင်းမြစ်များ

Prowerb 21:4

Dada ha laa eɗittaknu dabmak awak, dada hak kobol ele; nau hak danab ag amu henana, ag aakku hipunin hetteb.

Prowerb 30:12

Laa amu, ag akka, ag ahilagnu, ag oolagppa oppiak ele daatteb dabmetteb; amge ag ihak iitta, ag dubuttid nau ele.

Hagai 2:13

Ag anam aeg amu Hagai nug tuɗitta, oɗ matta aum. “Amge danab laa nug danab, o doɗ mauhak gaɗa aɗowa, amuppa Kayaknu neekkakppa nug ooppa dubuttid teum daatte amu, nug ee amu aɗakku dayeb, ee amu eɗua, Kayaknu neekkakppa dubuttid tak ele daakkute?” Hagai nug anam oɗ matte, mana mettak danab ag appig. “Ao, keeke amuam Kayaknu neekkakppa dubuttid tak ele daakku,” aon appig.

Matyu 15:18

Amge keeke nau oh danabnu dabmakppa dayaya, oɗeppa dimittim bette ele amu, amuppa danab nug oo dubuttid ele daatte.

Aposel 10:15

Pita nug anam awa a, baag amu baula nai mattia, Pita amegppa inam aum. “Kayak Nug he, ee laa lanaknu epeɗiak daatte amu, na ee amunu, ‘Ii lanaknu epeɗiak daatte,’ aib ame,” awa aum.

Rom 14:14

Amu da am Naɗi Jesusnu danab, amu Nug da ippuniɗa auta awe, da ee laippu laa nug nukka ii lanaknu epeɗiak ii daatte doottem. Amge danab nug nukka keeke atten laa nug amunu eheɗ dootte, nuhigppa am eheɗ daatte ele doottem.

Rom 14:20

Ag aib ee lanaknuib dabmena, Kayaknu uɗat heppeg nauhom. Am genab, ee oh am lanaknu epeɗiak daatte, amge na keeke laa lae, amu he, danab laa nug oo eeɗak doya na qette dayeb amu, na aakku kobol eheɗ hettem.

Rom 14:23

Amge danab nug ee laanu, “Kayak Nug da ee imu lakkulnu aib atte doottem,” akku, me nug latte amu, nug aakku he, nuhig ooppan oiyak ippunittaknu ulum nug ooppa guittak medatte. Aɗinu? Nug Kayaknu neekkakppa keeke amu hekkunu am elele ooppa genab ii dootte. Amu aɗitai keeke danab nug Kayak nug amu hekkunu elele dootte ooppa genab ii dootte, nug hekku dayeb amu nug aakku hipunin hette.

1 Korint 10:23

Da keeke oh hekkulnu ib daatte, amge keeke oh da ii ehaniɗtteb. Ge, da keeke oh hekkulnu ib daatte, amge keeke oh amu heppeg, da ɠagattag ii daapa.

1 Korint 10:25

Ag doɗ teppu oh daden lagppanu daden mekkulag amu, ag aon laig! Ag danab laa, ahilag ooppan oiyak ippunittaknu ulum dabmenan, diig doon lakkulagnu aib oɗ madappig.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

1 Korint 8:7

Keeke amu anam daatte, amge danab laala ag doyak amu ii aoppig. Ag am anukka kayak hambuppuak dottolkad binalag hanhan madappig, amuppa ag gemu doɗ teppu amu lanaknu amu, ag, “Ig kayak hambuppuak binag mematanu, ig doɗ teppu imu, ag main kayak hambuppuak dottog medappig ele amu, ig ii lamata,” aon atteb. Laa anam dabmetteb, ag oolagppan oiyak ippunittaknu ulum am gai-iitta, aɗi am ena, aɗi am nau elelenab ii ippunadtte amunu, ag lalob amu, ag, “Ig eheɗ hettem,” doolob.

1 Timoti 6:5

danab ag ahilag dabmak augigiak ele, ag haen oh oolag laippu iitta ele oitteb. Doyak diig genabib amu, ag ii aɗatteb, oolagppa ele ii daatte. Ag oolagppa Kayak nainu, “Keeke uɗat iittappa, hamu awaknu ib aakku,” aon atteb.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Hibru 9:14

amge gemu, ig Kayak bauklel ele waappa daat Nug oɗe dim lamidkkunignu ig Kristus tiigppa genab oppiaawak daagnignu elelenab. Aɗinu? Kristus Nug beɗuppa eheɗ laa iittanab, Nug Kayak Ouɗi hanhan daatte ele, nuhig ɠagattagppa, Nug nukka Nug beɗu, mana mettak bia, Kayak mettom amunu, Nug tiig ig beɗunigib ii ihom. Iitta! Ig Kayak bauklel waappa daat, nuhig uɗat hekkunignu Nug tiigppa ihinig hak nau, hak amuam danab mauhakppa omaladna gotteb amu, am hak nau amu oh uhuqa mekkak daatteb.