Taitus 1:13 - Nobonob Baibel

¹³ Nai amuam genab amunu, ag ooppa genab doyak tutukku mettaglagnu, na ag daulag ɠagattag bate!

Taitus 1:13 ပူးပေါင်းရင်းမြစ်များ

Sam 119:80

Da uɗa nak ii doopanu amu, da nahip ɗo dim lamidppi, nahip neekkakppa da oolppa kaliak laa ii daamanu ool daatte.

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Prowerb 27:5

Laa nug genab eheɗ heum haenppa, nug layag am laa noolagppa daug batakku, amuam nau iitta, am ena; amge laa nug laanu oo mauhak dootte, amge nug amu lokkuma ii ippunidtte, amuam nau.

Lewitikas 19:17

Na layapnu nau ninig ele aib doome. Amge na layap laa nug hipunin heebeb, na Kayak noobppa na nug ele beɗulttippa aab ele daamyanu, na genab layap daug bate!

2 Korint 13:10

Gemu da ippa dayeye, da ahilag nai imu yaami amu, amunu diig am, da nai imu yaappi, ag anidna ebqena, ag da yaami bia keeke bappaidppeg, geha da goppi ag ele daatta amu, uɗatnu ɠagattag, Naɗi Nug da meɗom imuppa, da amuppa ag epeɗiadkkulnu uɗat laa ii daama. Nug ɠagattag da meɗom imu am, ahilag ooppa genab doyak amu ɠagattag qedakkunu meɗom. Da heppi, ag nena qekkulagnu ii meɗom.

1 Timoti 1:10

am laa ag ewau pakkun gappai hetteb dilagnu, am laa ag danab danab o ah ah ele gappai hetteb dilagnu, am laa ag danab laa yabhok hippaladna dadennu maadtteb dilagnu, am laa ag nai hambuppuak danab dilagnu, am laa ag hettoɗiakppa hambuppunna, “Genab iikku attem,” aon atteb dilagnu, amu laa ag keeke laala amubia, keeke amu oh am ippunittak nai genab ena elenu kekeɗ daatte, danab ag amu hetteb ele amu, ɗo nug danab amu dilagnu daatte.

1 Timoti 4:6

Na mattiak imu i laintad amelagppa madikkut dayeb, na tuɗidna, ooppa genab doyaknu nai, ippunittak nai ena aome ele aɗan dabmenan dim lamidkkut dayeb amu, na Kristus Jesusnu maɗi nid ena daakkut.

1 Timoti 5:20

Am danab laa hipunin haaha daakku amu, na danab ah noolagppa daug batan, tutukku mette! Amuppa amu danab laala oh ele baɗan, hipunin ii hemana.

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

Taitus 2:15

Na nai amu haen oh danab ah ippunadkkut. Na hekkutnu ehah aome daattemppa, na danab ah oolag ɠagattag qettan, ag daulag ele batakkut. Nahip hakppanu, nahip oiyakppanu ele laa nug nahipnu ena iinab doomanu, na enaib oiye!

Taitus 2:2

Na danab kaino ag doyak dabmak ena ele aon oina, ag danab laa ahilagnu ena elele dooglagnu daan, ag akka ag ahilag oiyak pehettak atognona, ag ooppa genab doyakppa, ag oo mauhak kobolppa, amu ag uug ohppa ɠagattag dayaknu kobolppa ele, ag ɠagattag daaglagnu appe doyeg!