Solomonnu Ahi 8:9 - Nobonob Baibel

⁹ Nug gilil laa daalo, laa nuhigppa eheɗ hemanu ig aɗ laa silwappa hak gilil amu nug talilidkkunu helom. Ge, nug od daalo amu, laa eheɗ nuhigppa hemanu ig ad sida plang teppunab ele aot, amu hemanu ib keldolom.

Solomonnu Ahi 8:9 ပူးပေါင်းရင်းမြစ်များ

1 King 6:15

Yawenu mettid lag ooppa amu, Solomon nug ad sida awa, men gilil amu tonom. Honap oo duqakppanu nug digma, me ukke, gilil amu tone ukke, attan hol waappa, amu oh tonom. Amu nug ad painnu plang awa, men wan qaɗeppa meum, aguppa oiglagnu amu, nug men amu plang amuppa tonom.

Solomonnu Ahi 1:11

Ig nahip bid golppa heta; silwa ele amuppa mekkunig.

Solomonnu Ahi 2:9

Laa nug dahilnu oo mauhtte, nug am doɗ gasel, o doɗ dia gaiɗ, nug amubia daatte; amu antte! Nug ii launih gilil heqo laihppa daatte. Nug gililppa ulah ibuppa dayaya, neekke lag ooppa uɗitte; nug oo ⌊da daattemppa⌋, nug amuppa neekkakka daatte.

Aisaia 58:12

Ag tutukku anam oiglag dayeb amu, Yawe Nug heeb, ag buɗulkad ag aab, lag keeke, laa ag anukkanab heeg nauhom, ag amu eɗun bappaidkkulag. Ao, aab, lag keeke, ag men ukku heeg nauhom amu, ag eɗun bappaidkkulag. Ag amu hebeppeg, laa ag ahilagnu, “Danab amu ag gilil he nauhak daatteb babaittak danab,” akkulag. Ao, ag amu hebeppeg, laa ag ahilagnu, “Danab amu ag ib, lag ele babaittak danab,” aon akkulag.

Aisaia 60:17

Da heppi, danab ag keeke onig brans aon uɗin, ii mattamna. Iitta. Ag gol aon uɗin mattaglag. Da heppi, danab ag aen aon uɗin, ii mattamna. Iitta. Ag silwa aon uɗin mattaglag. Da heppi, danab ag ad aon uɗin, ii mattamna. Iitta. Ag brans aon uɗin mattaglag. Da heppi, danab ag men aon uɗin, ii mattamna. Iitta. Ag aen aon uɗin mattaglag. Da heppi, maɗoɗ kobol ag Juda, ahilag gawana daakku. Ao, da heppi, genab tutukku hak kobol am ahilag okkai daakku.

Aisaia 61:4

Danab ah amu ag geha eɗun lag keeke anukka heeg nauhadppig buualadkkulag. Yo, ag geha eɗun, lag, amu keeke laa ele, laa ag anukkanab loppaɗatteg nauhppig ele amu, ag heppeg, ena daaglag. Ag geha eɗun, aab okkai anukka laa ag heeg nauhom amu heppeg, ena daaglag. Yo, ag geha eɗun, aab okkai anukka laa ag loppaɗatteg nauhadppig ele, ag amu heppeg, ena daaglag.

Matyu 16:18

amunu, da na amenppa attem. Na am Pita, na am men, amu men imuppa da tamaniak dahil buukkul. Buuppi, Satannu ɠagattag nug qeeb ii nema.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Aposel 15:16

Naɗi Nug atte. ‘Danab oɗo yaak daaglag ag Naɗi mattin anidkkulagnu hekkulagnu, amu iitta aɗi ag da onil waappa daatteb ele, ag ele da mattiɗna aniɗkkulagnu hekkulagnu, da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.’ Naɗi Nug keeke amu oh heeb bekku amu, Nug anam awa atte.

Duteronomi 22:8

Amu haen na lag bau henana, na at, lag koɗokko uɗem ukkak taliliattak hekkutoitte. Anam hak dayeb, laa nug na qa mauhkku dayeb amu, amuam na, na baenadppa ele, am ag beɗulagppa iitta. Ag amunu oolagppa aab iitta daaglag.