Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Solomonnu Ahi 7:7 - Nobonob Baibel

7 Na ad onig det pam bia, na ah elab, pattibtib, awat iitta ele; nahip huh aɗit am ad det pamnu meu uu aɗit bia daattep.

အခန်းကိုကြည့်ပါ။ ကော်ပီ




Solomonnu Ahi 7:7
12 ပူးပေါင်းရင်းမြစ်များ  

Ad pam enanag ba, okkai mette, amubia genab tutukku hak danab ah aɗi ag ena bena daatteb. Yo, ag am Lebanonnu ad sida, amubia ɠagattag betteb.


Muttuɗig enanag dahilppa daakkunu, da tuqan keeke muttuɗig enanag onig mir lamen qattippa qakkak huhulaɗ dahil gamagppa mei, da ele ouqaknab anam daatte; amu laa da nuhignu ool mauhtte ele amu, nug ele anamib daatte.


O ah dahil, da nahipnu ool huan mauhtte. Na am ah iɗun tuqak ele; ge, na am ah iɗun tuqaknab ele. Na amen ele am anttaknu enanagnab. Uppuɗil beɗulag nakok ag amelag am enanag, amu na amen ele anamnab daattep.


Doɗ laa onig gasel amu, anig laa nug nid gani ele menuateb, aa nakok okkai meya, lili ooppa ee layaya daapeɗ, ahilah anatak am enanag; amubia na huhun laih laih oh, ahilah neekkak am enanag.


Doɗ laa onig gasel, amu anig laa nug nid gani ele menuateb, ahilah neekkak am enanag daatte; amubia na huhun laih laih oh am ahilah neekkak enanag.


O ah dahil, da nahipnu ool mauhtte, oolppa ele ena doottem. Na ah iɗun tuqaknab ele. Na beɗun oh am anamib. Nahipnu amu, da enanagnab doottem.


Na anam daattem amunu, da ami. “Da det pam ad dahil tein; da meu nuhig aɗakkul,” awe ami. Huh nahipaɗ am grep meu aɗa auta awak bia daaglahnu ool daatte. Ao, na oɗen ouɗi am apel ad muttuɗig bia daakkunu ool hette.


Ig appinanig laa dimunigppa neum ele, nug huhukuɗ am digma ii qabatte. Ao, nug anam daatte, nug ahnab ii meum. Nug anam daatte amunu, laa nug nuhig ah daakkunu anak haen ameg maknu amu, ig appinanignu attem hekkunig?


Ag oh ag Juda danab ah dilagnu oo mauhak dootteb ele, ag ag ele oolag gamag huana ahaɗ! Ao, ag Juda danab ah dilagnu oo doyak doon, mahitteb amu, ag ahappeg, ag ele oo gamag ahak doyeg!


Danab nug ai ag melen uɗiɗidppeg nauhmanu nug danab dottog babaitta, lamen tagitta, melen eppomppa qappe daatte; kayak hambuppuak dottolkad ag amubia daatteb. Dottolkad amu ag nai mattiglagnu elele iitta. Ag baelagppa oiglagnu elele iitta amunu, danab ag adeppa daaglagnu dabmetteb amu, ag maon, appa gotteb. Ag Israel, ag dottolkad amu aib baɗadppig. Aɗinu? Ag ahilagnu aɗi eheɗ laa hattaglagnu elele iitta. Ag ehanadppeg, ag aɗitai laa ena aoglagnu ele, elele iitta.” Yawe Nug anam atte.


ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.


Uɗat amu ukkeb ukkeb, ig oh oonigppa genab doyaknu, ig oonig laippu meta, Kayak Bekkanu doyak laippu aota, danab kalunig ele beta, ig Kristus bia bekkunig.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ