Solomonnu Ahi 7:2 - Nobonob Baibel

² Na hiuɗin diig am tappiɗ, amuppa wain digdig kaboliak hanhan daatte, am amubia daatte. Yo, na oot am wit aeg qagmak okkai, lili haɗag talilittak ele, amubia.

Solomonnu Ahi 7:2 ပူးပေါင်းရင်းမြစ်များ

Sam 45:16

O king, na begapad ag na mamenad aɗi oulag daaglag. Na heppe, ag wan imu ohppan dilag gumak danab daaglag.

Prowerb 3:8

Na anam hekkut dayeb, amuam na beɗun ehanitteb, oɗe iitta dayeb, geha na ebehinad ɠagattag daaglag.

Solomonnu Ahi 5:14

Nug eppeg am ad eppeg, golppa hak, men krisolait amuppa qataqak daatteb, aa amubia daattep; nug meu am aivori amemɗiag aotte ele, amu men sapaia, amuppa qataqak ele, am anambia daatte.

Solomonnu Ahi 7:1

O ah dahil, na king bekka aɗeg daattem, amu na baen laih laih oh am baeg gaɗa ooppa neekkak enanag; na tuɗin am neekkak enanag, am danab uɗat men daden nob okkai eleppa haknu doyak okkai ele, nug men enanagnab awa, elelenab bappaidtte, amubia.

Solomonnu Ahi 7:3

Doɗ laa onig gasel, amu anig laa nug nid gani ele menuateb, ahilah neekkak am enanag daatte; amubia na huhun laih laih oh am ahilah neekkak enanag.

Aisaia 46:3

Amu Yawe Nug atte. “O Jakop buɗub, ag dahil nai doyeg! Ao, ag Israel buɗub ii mauhppig, gemu daatteb ele amu, ag dahil nai doyeg! Nid nug digma, anig ooppa daye, anig atognotte, amubia ag Israel, ag digmena, huu laa daappig, haen amuppan uɗie, gemu ele da ag atognoadmi. Ao, anig nug nid menua, atognotte bia, da ag huu piɗe daaglagnu digmak haenppanu gemu ele, da ag mawattette bekkadttem.

Jeremaia 1:5

“Jeremaia, da na anin ooppa heidmi, amge haen da na ii heidmi, haen amuppa da na tituanidmi. Ao, na anin nug na ii menuittom, haen amuppa da na uɗat laa hekkutnu otidmi. Da na otidmi, na propet daanna, dahil nai wan atu ohppa mehuqkkutnu na oninppa emi,” awa aum.

Rom 7:4

Amunu O lailad, gemu ag laa, Nug mauhe, Kayak he, Nug eɗua hibaittom ele amu, nuhig daaglagnu, ag ig ele oh ig Kayaknu kobol ena hekkunignu, ag Kristusnu mauhakppa, danab laa mauha ɗo waappa ii daatte, amubia ag ɗo waappa ii daatteb.