Solomonnu Ahi 4:2 - Nobonob Baibel

² Na aen am hakkabnab, sipsip danab geha iikku uɗig otaɗeg ukke, le ihaeg daatteb bia. Ao, na aen oh am iɗu laippu, laa okkai, laa nakok laa iitta. Na aen oh daatteb, laa ii kaumom.

Solomonnu Ahi 4:2 ပူးပေါင်းရင်းမြစ်များ

Eksodas 23:26

Laa amu, da ah oolkad ele ena ehanadppi, ag nid awak haenppa aakkuib nid aoglag. Am da heppi, ah, danab ele oh ag nid menuglagnu elele daaglag. Ele amu, da heppi, ag oh paha ii mauhmana. Iitta. Ag mauhkkulagnu haenppa aakkuib mauhkkulag.

Solomonnu Ahi 4:1

O ah dahil, da nahipnu ool huan mauhtte. Na am ah iɗun tuqak ele; ge, na am ah iɗun tuqaknab ele. Na amen ele am anttaknu enanagnab. Uppuɗil beɗulag nakok ag amelag enanag, amu na amen ele, na iɗun hautak dimugppa anamnab daattep; na ikkin uɗug ele am anttaknu enanag. Amu meeme ameg laa ag qauko onig Gileat heqoppa nenan ukkaegeg, danab enanag anadtte bia daatte.

Solomonnu Ahi 4:3

Na ottin am kokoɗnab; na oɗen am neekkak enanag. Na hippen laplap oh am iɗu hautaknu lamen dimugppa ad pomigranet meu gamagppa obatak laih laih kokoɗ daatte bia daattep.

Solomonnu Ahi 6:6

Na aen am hakkabnab, sipsip danab geha iikku uɗig otaɗeg ukke, le ihaeg daatteb bia. Ao, na aen oh am iɗu laippu; laa okkai, laa nakok laa iitta. Na aen oh daatteb, laa ii kaumom.

Jeremaia 15:16

O Yawe, na Yawe Kayak Nakka Ɠagattag Oh Ele, na onin dahilppa daatte amunu, na ae, nahip nai dahilppa uɗie, da danab ee lanaknu baag enanag lanana, gamag ahak dootte, amubia da nahip nainu enanagnab doomi.

Jon 15:7

Ag dahilppa daaglag dayeb, dahil nai ele ahilagppa dayeb, ag oolag daatte amu, ag amunu oɗmak hena, ag aoglag.

1 Tesalonaika 2:13

Ig ag amelagppa nai mehuqmut amu, ag wanppanu danab dilag nai bia ii aoppig. Iitta. Ag nai amunu, am Kayak nai, tutukku doonna aoppig amunu amu, ig haen oh Kayak amegppa keeke amunu ele, “Ena heme,” aot attem. Nai amunu amu ag oolagppa genab dootteb ele amu, nug ag oolagppa uɗat ɠagattag heehe, meu aakku bette.