Solomonnu Ahi 1:9 - Nobonob Baibel

⁹ O ah dahil, da nahipnu ool huanaknab mauhtte. Na iɗun tuqaknab, nakka oilom amu, danab ag dim dim lamidlob.

Solomonnu Ahi 1:9 ပူးပေါင်းရင်းမြစ်များ

Genesis 50:9

Josep nug mameg gaɗa awa ugekke, Isip dilag daup ag bannu karis attan daan, ban hetteb, daup ag hos attan daan, ban hetteb ele, ag nug ele oh goppig. Danab huanak ag goppig.

1 King 10:28

Hos Solomon diiom ele amu, nug Isipnu, Kuenu ele diiom. Kue appanu King Solomonnu keeke laihnu awa dadennu mak danab ag hos men doɗo ganeppa awaknu ɗo dayom bia, ag hos daden amuppa aodppig.

Solomonnu Ahi 1:15

O ah dahil, da nahipnu ool huan mauhtte. Na am ah iɗun tuqak ele; ge, na am ah iɗun tuqaknab ele. Na amen ele am anttaknu enanagnab. Uppuɗil beɗulag nakok ag amelag am enanag, amu na amen ele anamnab daattep.

Solomonnu Ahi 2:10

Laa nug dahilnu oo mauhtte ele, nug da amelppa aum; “O ah dahil, da nahipnu ool huan mauhtte. Da nahipnu amu, na ah iɗun tuqaknab ele doottem. Na am anamde, na niiak abenppan ahappe, ii goɗa oignih.

Solomonnu Ahi 2:13

Ad fig meu tatamnu am digma oɗutte; muɗi grepnu bala ele mappatattegeg, muttuɗig enanag otte. O ah dahil, da nahipnu ool huan mauhtte, na ahan do! O ah dahil, da nahipnu, na ah iɗun tuqaknab doottem, amu na ahappe, ii goɗa oignih,” awa aum.

Solomonnu Ahi 2:2

Bala lili uud keeke qaun ele oolagppa bette; amubia ah dahil, da nuhignu ool huan mauhtte ele amu, nug ah laa oolagppa enanag anam daatte.

Solomonnu Ahi 4:1

O ah dahil, da nahipnu ool huan mauhtte. Na am ah iɗun tuqak ele; ge, na am ah iɗun tuqaknab ele. Na amen ele am anttaknu enanagnab. Uppuɗil beɗulag nakok ag amelag enanag, amu na amen ele, na iɗun hautak dimugppa anamnab daattep; na ikkin uɗug ele am anttaknu enanag. Amu meeme ameg laa ag qauko onig Gileat heqoppa nenan ukkaegeg, danab enanag anadtte bia daatte.

Solomonnu Ahi 4:7

O ah dahil, da nahipnu ool huan mauhtte. Na ah iɗun tuqak ele, enanag daattem; na beɗun ohppa laih laa anttaknu nau nakok laa ii daatte.

Solomonnu Ahi 5:2

Tuqan laappa da niimi, amge da niie gad ii mein, da tul niimi. Da tul niiiyi, laa dahilnu oo mauhtte nug od dahil qeqalele dooiyi, nug aum “O ah dahil, na dahil ah daakkutnu awidmi. Da nahipnu ool huan mauhtte. Na dahil uppuɗil beɗulag nakok, anttak enanag ele daattem. Nahip-ppa nau nakok laa ii daatte. Na od matulna meɗe! Da tuqan imuppa dimittim oiiyi, baito na, da ikkil leppu mettom. Ao, baito da ikkil uɗug bauɗe, ikkil uɗug leppu ele daatte amunu, na od matulna meɗakkutnu oɗ medattem!” awa aum.

Solomonnu Ahi 6:4

O ah dahil, da nahipnu ool huan mauhtte. Na am ah iɗun tuqak ele. Aab onig Tirsa, nug neekkak nuhig enanag, amu na ele amubia daattem. Ao, Jerusalem am neekkak enanag, am na ele amubia daattem. Genab, na bannu huu laa ag ahilag pilak aɗan, neekkaknu enanag ele daatteb amu, na amubia daattem.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.