Sekaraia 9:7 - Nobonob Baibel

⁷ Da heppi, ag doɗ teppu, tiig ele baula ii lamana. Ao, ag ee laala ele, ag lamananu nai anak daatte amu, ag amu baula ii lamana,” awa atte. Keeke amu beeb, Pilistia danab ah oɗo yaak daaglag amu, ag Kayak noobppa dup nona binag mekkulag. Ag anam hebeppeg, Kayak Nug heeb, ag Juda oolagppa aab ikki laa bia daaglag. Am Pilistia danab Ekron daatteb, ag Jebus danab anukkanab heppig bia Juda ele laippu daaglag.

Sekaraia 9:7 ပူးပေါင်းရင်းမြစ်များ

1 Stori 1:14

Jebus danab, Amo danab, Girgas danab,

1 Stori 21:15

Anam he ukke, Kayak Nug engel danab aqom ele nug Jerusalem heeb nauhkkunu me ukke, nug ukka, Jerusalem danab aqakkunu dayom, amge nug anam hekkunu he, Yawe antta, Nug uug naunab nau Israel dilagppa beum antta, ooppa guittak naɗi doya, Nug engel danab aqom ele amegppa aum. “Aakku elele. Baula aib heme,” awa aum. Yawenu engel nug Jebus buɗubppan danab Araunanu ee aeg mumuɗaknu abenppa dayeye, Yawe Nug engel amegppa amu aum.

Sam 3:7

O Yawe, na ahan ⌊ehaniɗkkutnu⌋ oɗ medattem. Ao, O Kayak dahil, da nauhpanu awiɗkkutnu unuqidttem! ⌊O Yawe,⌋ na kekeɗ dahilad oh iɗulag mataɗadkkutnu oɗ medattem. Ao, na nau hak danab aelkad maduduadkkutnu unuqidttem!

Sam 58:6

O Kayak, nau hak danab ag ban hak doɗ laa bia daatteb. Na heppe, ag ⌊ɠagattag iitta,⌋ doɗ laa aekkud qiialattak ele bia daaglagnu oɗ medattem. Ao, O Yawe, na heppe, nau hak danab ag ⌊ɠagattag iitta,⌋ laion bau aekkud kaulak ele bia daaglagnu na unuqidttem!

Aisaia 65:4

Danab ah amu ag matmatppa danab boumattak oolagppa daatteb. Ao, ag tuqan danab ah mauhppig ele ag nai madippeg dooglagnu dabmattanna daatteb. Da ag bo teppu, doɗ laala ele ii lamananu ami, amge ag bo teppu lanana, ag doɗ laala, doɗ amu ag lamananu aib ami ele, ag amu tebuppa lewa hena, lanan daatteb.

Jeremaia 48:47

Ahilagppa anam bekku, amge dimppa, haen adekkuppa da heppi, ag Moap, ag eɗun, ahilag wanppa daaglag.” Yawe Nug anam awa atte. Nai amuam Moap bu aokkunu nai aakku.

Jeremaia 49:39

Amu Yawe Nug imu ele atte. “Da gemu amu hekkul, amge dimppa haen laappa da heppi, Elam danab ah ag eɗun, gemu ena daatteb bia, haen amuppa ag anam daaglag.” Yawe Nug anam awa atte.

Jeremaia 49:6

Amge dimppa da heppi, Amon danab ag eɗun, ena daaglag.” Yawe Nug anam awa atte.

Amos 3:12

Am Yawe Nug inam ele atte. “Sipsip gumak danab nug laion uɗia, sipsip laa aɗa, beɗu he nauhe antta, nug aha, wagai ma, sipsip baeg ebehi aɗit, o daug laihib laion oɗeppanu eɗua aotte, amubia Israel danab Samaria daatteb laippu laippuib ehanittak aon daaglag. Gemu amu, Israel danab amu ag ahilkad betppa, o ahilkad sia enappa heɗep nen daatteb, ⌊amge ahilagppa uug nau anam bekku⌋,” awa atte.

Sekaraia 8:23

Amu Yawe Nukka Ɠagattag Oh Ele Nug atte. “Haen amuppa amu, wanppan wan ohppanu, nailag ohppanu ele danab eblaih tanig ele ag ahan, Juda danab laippunu lamen elab daug koitak ele aɗan, ag akkulag. Kayak Nug ag ele daatteb doomut amunu, ig na ele daagnignu oɗ medattem. Ag anam akkulag.” Yawe Nug anam atte.

Sekaraia 9:6

Wan laihnu danab ag uɗin, Asdot aon, aguppa daaglag. Amu Yawe Nug atte. “Da heppi, Pilistia danab ag dada danab daatteb amu, ag baula anam iinab daamna.

Sekaraia 9:8

Amu Yawe Nug atte. “Da dahil lag, da amuppa dayeye, Juda danab ah atognoatten heppi, kekeɗ ag uɗin, wanppa ii oimna. Da pehetten neekkitte daattem amunu, kekeɗ laihnu ag baula uɗin, danab ah dahilad dilag wan ii aomna. Ag baula dahilad danab ah eheɗ ii hattamna,” awa atte.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.