Sekaraia 9:4 - Nobonob Baibel4 Amge Naɗi Nug Tairnu keeke aɗitta aokku. Nug heeb, uub okkai, Tair dilag, ag yu ooppa nona nauhkkulag. Kekeɗ ag uɗin, Tair aab manadppeg ewa, iitta mekku. အခန်းကိုကြည့်ပါ။ |
Ag anam daanna, ag Tair danab ah, ag ahilag aabnu inam nai oo doyak ele akkulag. ‘O aab okkai, onin ele, daup ag uɗin, heeg nauhna autna aome. Danab nahip-ppa daappig ele ag amu, ag yuppa oiyak danab. Danab nahip-ppa daappig ele ag amu, ag yuppa oinna, ban ɠagattag heppig. O Tair aab, danab nahip-ppa daappig amu, ag heeg, yu ihippa wan laappan danab ag nahipnu baɗak eheɗ nau dooppig.
Tair dilag okkai, na keeke kuɗum kuɗum mee, laa uɗin daden meegeg, na en huanak aona, na laa guittak nau mauhnoak mettak danab beme; na hipunin heme. Na heme amunu, da Kayak, da lamitti, na uɗa nak nau guittak ele qauko da daattemppanu ahan gome. Ao, da hei, na, na engel okkai-kerubim keeke gumadtteb bia daame amu, da hei, na da daattemppa, men amahlak okkai ele, aab dittiak bia daatteb, na amuppa ii daame.
Na keeke mee, danab laa uɗin daden metteb kobol nahip amu, amuppa na hipunin huanaknab, kobol genab iitta ele hewona, nahip kayak hambuppuak laulagppa dubuttid teum daatteb amunu, da hei, na nena qena padal meme, aab aɗu ad ooppa digma ewawa he, ad iitta mette amubia. Da hei, danab ah oh dilag neekkakppa na aab uhuɗ wanppa hamu daatte bia daattem.
“Danab bekka, na Tair dilag king amegppa, ‘Naɗi Yawe Nug inam atte,’ ana, na nai imu ele appe doyaɗ! ‘Na ootppa dada kobol henan, na, “Da am kayak laa, da kayak laanu sia enanagppa yu gamagppa iikku daattem,” mattin attem. Amge na am danabib, na kayak laa iitta. Na doyak dabmak ena nahipnu am kayak laanu bia daatte dabmettem, amge iitta!