Sekaraia 8:8 - Nobonob Baibel

⁸ Ag eɗun, Jerusalem daaglagnu da omaladppi, ag eɗun uɗin daaglag. Ag uɗin dahilad danab ah daappeg, da ahilag Kayak daakkul. Da ahilagnu oo metta ii uuak kobol, nai doya mala hettoɗia epeɗia elele mettak kobol ele dim lamidkkul,” awa atte.

Sekaraia 8:8 ပူးပေါင်းရင်းမြစ်များ

Genesis 17:8

Na gemu Kanan wan imu ooppa wan laihnu danab ina daattem, amu da na, na buɗunad ele, da ag wan imu madappi, ahilag wan hanhan daakku. Amu da ahilag Kayak daakkul,” awa aum.

Jeremaia 11:4

Anukka ag Israel, ag mamelkad aɗi ag Isip wanppa uɗat ɠagattag, eheɗ nau henan daappig. Ag daanna anam heegeg, da ag Isipnu diien, omlatti uɗiegeg, da haknunab nai ag haen amuppa mattami amu, nai amu, nai laa iitta, nai amu aakkuib gemu daatte. Da ami. “Ag da oɗel dim lamidnana, ag dahil haknunab nai oh dim lamidkkulag dayeb amu, ag dahilad danab ah daappeg, da ahilag Kayak daakkul.

Jeremaia 23:8

Iitta. Ag ahilag nai ɠagattag qa anaknu, ag, ‘Yawe Nug genab Israel buɗub ag wan yawalti uɗitteppanu, amu wan laala, Nug he, ag appa gona, diia ukka laih me dayak danab ah daappig amu, Nug appanu ele omalatte uɗippig, genab amubia nai da akkulnu hettem am genab,’ akkulag. Amu haen amuppa da heppi, ag eɗun, ahilag wanppanab aakku daaglag.” Yawe Nug anam awa atte.

Jeremaia 24:7

Da heppi, ag da Yawe, ag da dooiɗkkulagnu, ag oolag okkai daakku. Ag oolag eɗueb, ag meulag ohppa dahilnu daaglagnu oolag daakku amunu, ag dahilad danab ah daaglag, da ahilag Kayak daakkul.

Jeremaia 30:22

Da anam hekkul amunu, ag am dahilad danab ah daaglag; da am ahilag Kayak daakkul.” Yawe Nug anam awa atte.

Jeremaia 31:1

Amu Yawe Nug atte. “Dimppa, haen laappa amu, da Israel dilag aab ikki ohnu Kayak daappi, ag am dahilad danab ah daaglag,” awa atte.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Jeremaia 32:41

Da ena hadakkulnu ool gamag ahebeb, da genabnab meul ohppa ena hadappi, ag wan amuppa ee laa datta enanag bette, ag amubia wan imuppa enanag bekkulag.” Yawe Nug anam awa atte.

Esekiel 11:20

Ag dahil ɗo iɗu iɗu pehettak dabmettan dim lamidkkulag. Ag dahil danab ah daappeg, da ahilag Kayak daakkul.

Esekiel 36:28

Da anam ehanadppi, ag ag mamelkad aɗi da ag wan mattami amu, ag wan amuppa daaglag. Ag dahilad danab ah daappeg, da ahilag Kayak daakkul.

Esekiel 36:33

Amu Naɗi Yawe Nug inam atte. “Haen da ahilag hipunin uhuqen madappi, ag oppiak daappeg amu, da heppi, ag baula aab ahilagppa daaglag. Ag daanna, ahilag aab laa nauhattak daatteb am bappaladkkulag.

Esekiel 37:25

Ag anam henana, ag wan ag mamelkad aɗi daadppigppa, wan amu da Jakop mettami amu, ag amuppa daaglag. Ag, ag bekkalkad, ag alalkad uma ukkak ele ag hanhan wan amuppa daaglag. Ag anam daappeg, dahil maɗi nid Dawit, nug hanhan ahilag okkai daakku.

Esekiel 37:27

Anam dayeb, dahil dayaknu aben ag oolagppa daakku. Dayebeb, da ahilag Kayak daakkul, ag dahilad danab ah daaglag.

Hosea 11:11

Ag ai Isipnu hagagaɗna uɗitteb, amubia ag beɗulag hahaɗebeb uɗiglag. Ao, uppuɗil beɗulag nakok ag hagagaɗna, Asirianu uɗitteb, ag amubia beɗulag hahaɗebeb uɗiglag. Ag uɗippeg, geha da ag omalatte, eɗue appalagppa uɗie maadkkul.” Yawe anam atte.

Joel 3:20

Isip, Edom ele aa anam daaglah, amge Juda wanppa amu, danab ah ag hanhan appa daaglag. Ao, Jerusalem appa amu, buɗub buɗub doobob, danab ah ag appa daaglag.

Lewitikas 26:12

Da geha ag oolagppa oikkul; da ahilag Kayak daakkul, ag dahil danab ah daaglag.

Sekaraia 10:10

Da omaladppi, ag Isip wanppanu, Asiria wanppanu ele eɗun uɗiglag. Ao, da heppi, ag Gileat wanppa, Lebanon wanppa ele daaglag. Ag ⌊appatna,⌋ kuɗumnab daappeg, wan ahilag am nakok ebakku. Ao, ag oh daaglagnu elele iitta daakku.

Sekaraia 10:6

Yawe Nug atte. “Da Juda danab ɠagattag madakkul. Ao, da Israel danab ele ehanadppi, ag padal ii memana. Da ahilagnu oo bodoetta le mak doottem amunu, da heppi, ag eɗun, ahilag wanppa uɗin daaglag. Da matu geɗadmi, amge da am Yawe, ahilag Kayak amunu, haen amuppa ag da deɗ laa ii geɗadlom bia daaglag. Da ahilag unuqittak doyen ehanadkkul.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Sekaraia 2:11

Haen amuppa amu, wanppan wan kuɗumnu danab ah ag Yawe gukkuidna daan, Nug dim lamiɗkkulagnu hekkulag. Ag nuhikkud danab ah bena daaglag. Nug ag oh, ag oolagppa daakku. Anam beeb amu, ag Yawe Nukka Ɠagattag Oh Ele Nug da meiɗe, da ahilagppa uɗimi dooglag.

Revelesen 21:3

Anam daye amu, da nai mattiak baag okkai sia king ⌊anuqak,⌋ amuppanu laa inam a doomi. “Gemu Kayak laug danab oolagppa daatte! Nug ag ele daaglag. Ag nuhig danab daaglag. Kayak Nug ag ele daaglag, amu Nug Kayak ahilag daakku.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.