Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sekaraia 7:7 - Nobonob Baibel

7 Yawe Nug nai amu da meɗom, amu Nug nai amuib nuhig propet anukkanu, Nug ag oɗelagppa Juda danab ah iite madattom. Amu Nug ag amelagppa nai amu mattiaya aum, haen amuppa Jerusalem danab ah, aab laala Jerusalem talilidna daatteb ele dilag danab ah ele ag maɗoɗ, keekenu ele eleleppa daaegeg, amu Juda wan ooppa aben laa onig Negeb, amu laih qaban uɗitteppa qauko nakok qauko okkai diigppa daatteb amu, haen amuppa danab ah ele ag amuppa daappig.

အခန်းကိုကြည့်ပါ။ ကော်ပီ




Sekaraia 7:7
23 ပူးပေါင်းရင်းမြစ်များ  

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.


Juda wan maha laa onig Negeb, appa amu, kekeɗ ag aab amu taliliadna daappeg, auntai laa aab amuppan danab ah ehanadkkunu ii daama. Kekeɗ ag Juda eɗadna, ag Juda danab ah diin goppeg, ag wan laappa diia ukka laih me dayak danab ah daaglag.” Yawe Nug da anam awe akkulnu aum.


Anam daakku amunu, danab ag Juda aab laalappanu, aab naunau Jerusalem talilittak daattebppanu, Benyamin wanppanu, wan ooppan qauko qaban uɗitteppanu daatteb, qauko amu diigppa qauko nakok daattebppanu, wan laih qauko qauko daattebppanu, amu Negeb appanu ele uɗin, ag manaknu ofa hekkulagnu doɗ, mana mettak laala ele hekkulagnu doɗ, ee aegnu ofa hekkulagnu ee aeg, muttuɗig enanu ofa hekkulagnu kalu danab ile muttuɗig enanag bette, amu ena heme anaknu ofa hekkulagnu doɗ ele aon, Yawe laugppa uɗiglag.


Haen ag, ‘Ig eleleib daattem; uug laa ihinigppa ii bema,’ dabmenan oippig, da, Yawe, da ag nau aomnanu dabmettak nai mattami. Da nai amu ag mattami, amge ag, ‘Ig nahip nai ii doomta!’ aon appig. Ag nid bauppa digmena, da oɗel nakok laa ii dim lamitteg uɗie, gemu ele anamib hetteb.


Ge, danab ag wan imu ohppa wan maha laala silwappa daden mekkulag. Ag amu hekkulagnu ag pepa bappaidna, danab hette ele nug pepa amuppa nug onig yeeb, laa pepa amuppa aɗi aɗi nai daatte anidtteb ele, ag ele ag onilag yaappeg, ag pepa amu ɗo daatte bia qataqekkulag. Ag Benyamin wanppa, aab naunau Jerusalem talilittak daattebppa, Judanu aab ohppa, wan maha laa qauko qauko daattebppa, qauko nakok qauko okkai diigppa daatteb, aben amuam wan imu ooppa qaban uɗitteppa daatte, aben amuppa, am Negeb appa ele ag anamib hekkulag. Ag amu hekkulagnu diig am da, Yawe, da heppi, ag eɗun, ena daaglag.” Yawe Nug anam awa atte.


Amu wan imu ooppa maha laa qauko qauko daatteppa, qauko nakok qauko okkai diigppa daatteb, wan imu ooppa qaban uɗitteppa daatteb, appa, aria, Negeb appa, Benyamin wanppa, aab naunau Jerusalem talilittak daattebppa, amu Judanu aab oh eleppa, aben amu ohppa sipsip gumak danab ag daanna, ahilkad sipsip gumadnana, ag ahilkad sipsip ebaqadkkulag.” Yawe Nug anam awa atte.


Haen kuɗum da dahilad maɗi nid, ag propet, da ag maatti gona, ag da oɗel aon, Juda danab ah amelagppa, “Ag kobol nau, da kobol amunu oolppa uuaknab doottem, kobol amunu da nau ninig ele doottem amu, ag kobol amu aib heppig,” appig,


Iitta. Da haknunab nai imu ele ag matten, ag amelagppa ami. ‘Ag dahil nai amu doon dim lamidppeg, da ahilag Kayak daappi, ag dahilad danab ah daaglag. Ag ena daaglagnu, ag dahil hak oh dim lamitteg!’


Ag ahilag hak nau gaɗalagib ii uuna, ag genab uuglag dayeb, ag eɗun kobol ena dim lamidnana, ag laa dilagnu nai doya mala hettoɗia epeɗia elele mettak kobol dim lamidkkulag dayeb,


Ag ahilag dabmak dim lamidkkulagnu, ag eɗun Yawe dim lamidmananu dabmenana heegeg, dabmak ahilag amu ɠagattagnab eppe, ag ɗo nai, Yawe Nukka Ɠagattag Oh Ele ag dooglagnu me uɗiom, ag amu doyaknu uuppig. Yawenu Ouɗi Nug propet danab anukkanu nai matte, ag danab ah amelagppa mattieg dooppig, amge ag nuhig nai amu ele dooglagnu uuppig, diig amunu Yawe Nukka Ɠagattag Oh Ele Nug ahilagnu oo nauhak huanak doyom.


Ge, haen ag ee, le ele lappig, ⌊haen amuppa ele ag genab dahilnu dabmena heppigte?⌋ Ag oo hak ahilag dabmen iite heppig?” Yawe Nug nai amu da meɗom.


Amu Yawe Nug baula nuhig nai Sekaraia mettom. Nai amuam inam.


Nug Negeb, amu Jodan oolnu noak ele ippunittom. Jeriko amu Jodan oolnu noakppa daatte. Aab amunu amu, ag Pamnu Aab atteb. Nug wan amu oh ukka, Soar batak ippunittom.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ