Sekaraia 7:12 - Nobonob Baibel

¹² Ag ahilag dabmak dim lamidkkulagnu, ag eɗun Yawe dim lamidmananu dabmenana heegeg, dabmak ahilag amu ɠagattagnab eppe, ag ɗo nai, Yawe Nukka Ɠagattag Oh Ele ag dooglagnu me uɗiom, ag amu doyaknu uuppig. Yawenu Ouɗi Nug propet danab anukkanu nai matte, ag danab ah amelagppa mattieg dooppig, amge ag nuhig nai amu ele dooglagnu uuppig, diig amunu Yawe Nukka Ɠagattag Oh Ele Nug ahilagnu oo nauhak huanak doyom.

Sekaraia 7:12 ပူးပေါင်းရင်းမြစ်များ

2 Stori 36:13

King Nebukatnesar nug nug waappa daakkunu nuhig nai ɠagattag qetta anaknu duttune, nuhig nai Kayak onigppa ɠagattag qedata, anam aum, amge nug amu ha dimppa nug dabmak eɗue, Nebukatnesarnu nai tappe neum. Nug nuhig dabmak he, ɠagattag eppe, nug eɗua, Israel dilag Kayak, nug Yawe amu, nug Nug dim lamidkkunu uuom.

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

Job 9:4

Kayak Nug keeke oh dootte, doyak dabmak ena nuhig am bodok iitta. Nuhig ɠagattag ele okkai, naɗi ele. Laa nug wagai ma, Kayak eɗidkkunu haaha eɗidkkute? Iittanab iitta!

Sam 50:17

Ag anen anen ag dahil tolittaknu nau ninig ele dootteb. Ag dahil ɗo dimedappig daatteb.

Eksodas 7:13

Aqa laattom, amge Yawe Nug aum bianab, Paronu dabmak ɠagattag eppak dayom, nug Moses, Aron ele dilah nai amu ii doyom.

Aisaia 46:12

Da anam hettem amunu, ag danab ah ahilag dabmak ɠagattag eppom, ag genab tutukku hak kobol ii dim lamidtteb ele amu, ag dahil nai doyeg!

Aisaia 48:4

Da ag, ahilag dabmak am ɠagattag eppom daatte, da ag heppeg, dabmak ahilag eɗukkunu iinab hetteb am doomi. Ahilag dabmak am ɠagattagnab; aen o bras bia.

Aisaia 6:10

Naɗi Nug anam ana, Nug da amelppa nai tuɗitta aum. “Heppe, danab ah imu ag oolag ɠagattag eppaɗ! Heppe, ag daulag nai dookkunu elele iitta dayaɗ! Heppe, ag amelag amuhak dayaɗ! Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag,” awa aum.

Aisaia 65:12

Da ag hettebnu dabmein, da heppi, laa ag uɗin qep elabppa aqadppeg mauhkkulag. Ao, ag gomelppeg, laa qep elabppa aqadppeg mauhkkulag. Aɗinu? Da ag onilagppa emi, amge ag da baal dooglagnu uuppig. Da ag amelagppa nai mattimi, amge ag dooglagnu uuppig. Ag da amelppa kobol nau heppig. Ao, keeke digdig da ag amu hekkulagnu ool ii daatte ele, ag hekkulagnu dabmenan heppig.” Yawe Nug anam atte.

Jeremaia 17:1

Amu Yawe Nug atte. “Danab nug aen maha laa, o men ɠagattag laa awa, amuppa nai laa men laappa otaɗtte, laa nai amu hamu obikkunu elele iitta daatte. Nai anam daatte, amubia Juda dilag hipunin am ag oolagppa yaak daatte. Ao, nai amuam doɗ mana mettaknu qaɗab ahilag anen anen qeqeɗi daug waɗeleppa daatteb, qeqeɗi amuppa yaak daatte.

Jeremaia 17:23

Da ɗo amu ag mattami, amge ag memetalkad ag ii doon, ii dabmeppig. Ag akka ag ahilag dabmak dim lamidkkulagnu wagai mena hena, ag toliatta, bu mettak da mattami ele dab-ii-meppig amunu, ag oolag ele ii eɗuppig,” awa atte.

Jeremaia 26:19

Maika nug anam aɗi dimppa bekkunu nai amu mattie, Juda dilag king Hesekaia nug nug qe mauhomte? Juda oolagppa laa nug nug qe mauhomte? Iitta! Hesekaia nug baɗe, Yawe oo gai-iitta doya oo metta ehanadkkunu unuqittom. Nug anam he, Yawe Nug uug naunab madakkunu uuom amunu, uug naunab ahilagppa bekkunu aum amu, ahilagppa ii beum. ⌊Dabmeig!⌋ Ig hepput, uug naunab ihinigppa bekkunu hetata oittemde!” aon appig.

Jeremaia 42:21

Ag anam aeg, da hei, Yawe Nug ag aɗi hekkulagnu aum, da amu oh ag amelagppa ami, amge ⌊da iikku anidttem⌋ ag Yawe, ahilag Kayak, Nug ag aɗi hekkulagnu ab, da appi, ag dooglagnu da amelppa aum amu, ag amu dim lamidkkulagnu uuppig. Ag ii hemana.

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Jeremaia 7:20

Ag nau amu hetteb amunu, Naɗi Yawe Nug imu atte. “Ag hetteb, ahilag hak amunu dahil oo nauhak, dahil oppoɗi bak ele bettep. Amu da oppoɗi bak amu gokkaɗppi, wan imuppa, danab qaɗelagppa, doɗ qaɗelagppa, atuppan adppa, ee wanppa bette ele ohppa gokku. Ukka, aab ewewe, laa qauhkkunu elele iitta bia, amu oh dilagppa daakku,” awa atte.

Esekiel 11:19

Ag amu heppeg, da heppi, ag daib dim lamiɗkkulagnu oolag daakku. Da dabmak bau ag oolagppa mekkul. Da heppi, oo alag ahilagppa ii daama. Iitta! Da heppi, ag daib dim lamiɗkkulagnu oolag daakku.

Esekiel 14:5

Da Israel danab ah oh, ag da uuiɗna, kayak hambuppuak dim lamadtteb amu, ag dabmak amu uun, eɗun daib dim lamiɗkkulagnu, da anam hekkul,’ awa atte.

Esekiel 2:4

Israel danab ah ag hib guitta qak danab ah; dabmak ahilag ele ɠagattag eppom daatte. Ag anam daatteb, amge da na Israel danab ah dahilad nai madakkutnu meidttem. Da na ag amelagppa nai appe dooglagnu appi doon, na, ‘Naɗi Yawe Nug inam atte,’ ag amelagppa awona, tuɗidna, na keeke oh da na ippunidkkul ag amelagppa a!

Esekiel 36:26

Da amu hewoya, da ag oolag alag hiɗe, oolag bau madakkul. Da heppi, ag dabmak laa ele aɗan oiglag. Ag oolag alag am ɠagattagnab, men bia, amge da amu hiɗen, oolag bau, oolag ena, ɠagattagnab men bia iitta, oolag amu da ag madakkul.

Sekaraia 1:2

“Yawe Nug ag mamelkad aɗi dilagnu oo huanak nauhom

Sekaraia 7:7

Yawe Nug nai amu da meɗom, amu Nug nai amuib nuhig propet anukkanu, Nug ag oɗelagppa Juda danab ah iite madattom. Amu Nug ag amelagppa nai amu mattiaya aum, haen amuppa Jerusalem danab ah, aab laala Jerusalem talilidna daatteb ele dilag danab ah ele ag maɗoɗ, keekenu ele eleleppa daaegeg, amu Juda wan ooppa aben laa onig Negeb, amu laih qaban uɗitteppa qauko nakok qauko okkai diigppa daatteb amu, haen amuppa danab ah ele ag amuppa daappig.

Matyu 13:15

Aɗinu? Danab ah imu ag oolag ɠagattag eppom. Ag daulagppa dooglagnu nakokib elele. Ag amelag heeg amuhak daatte. Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.” Aisaia nug anam yom.

Mak 4:12

Amunu diig am, ‘Ag neegna neegna daaglag, amge ag diig tutukku ii anidmana. Ao, ag nai daulagppa doon doon daaglag, amge nai meu am tutukku ii doomna. Ag anam ii helob, ⌊ag nai dahil doona,⌋ ag oolag eɗuglagtai. Ag anam hekkulag dayeb amu, Kayak Nug ahilag hipunin uhuqa madakku,’ ” awa aum.

Luk 8:12

Amu ee aeg laala ibppa nena qeppig ele, nai amu inam ippunigtte. Danab laala ag nai dootteb, amge dimppa Satan nug uɗia he, Kayak nai ag oolagppa dayom iitta mette. Satan nug nuhig dabmakppa, ‘Ag nai amu oolagppa genab dooppeg, Kayak Nug ag eɗua diima,’ anana hette.

Aposel 28:27

Aɗinu? Danab ah imu ag am oolag ɠagattag eppom. Ag daulagppa nai meu dooglagnu nakokib elele, amu ele ag heeg, ag amelag amuhak daatte. Amu iitta daalo, ag amelagppa keeke anidna, daulagppa nai doona, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.’ Aisaia nug anam yom.

2 Pita 1:21

Aɗinu? Danab laa nug nukka nuhig dabmakppa propet nai ii aum. Iitta. Kayak Ouɗi Nug propet dabmak madette, ag nai Kayak toppanu uɗiom amu, ag madippig.