Sekaraia 6:1 - Nobonob Baibel

¹ Aria, amu dimppa da baula neekki ukke, da karis waɗele ag qauko aɗit gamalahppanu uɗiegeg anadmi. Qauko aɗit amu aa brasppa haatak.

Sekaraia 6:1 ပူးပေါင်းရင်းမြစ်များ

Daniel 8:22

Qeqeɗi amu qiie, qeqeɗi waɗele amu beppig am, qeqeɗi amu ag ɗo maɗoɗ waɗele, ɗo maɗoɗ tatamnu abenabppa dimppa bekkulagnu epponaknu keeke daatteb. Ɗo maɗoɗ waɗele ag bekkulag, amge ag ɠagattagnab, king tatam ɠagattagnab dayom, ag amubia, ii daamna.

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.

Aposel 4:28

Ag anam hekkulagnu qagmena anam heppig amu, Kayak na nahip ɠagattagppa, nahip doyak dabmak ena eleppa keeke oh anam bekkunu anukka ib amunu ame amu, ag amuib heppig.

Sekaraia 6:5

Da oɗ mettai, nug da amelppa aum. “Imuam hab aabppanu ouɗi waɗele. Ag Naɗi, Nug wan atu ohppanu Naɗi amu, ag Nug noobppa daatteb. Ag ahan, nuhig uɗat hekkulagnu gotteb.

Sekaraia 5:1

Amu da Sekaraia, da baula neekki ukke, da buk itoɗiak ele hagagaɗa ugekke anidmi.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Daniel 4:15

Ag ad amu oppeg qiikku, amge ad diig, diɗi ele uuppeg, ag anam wanppa gikkiɗah ooppa dayeg! Ag ⌊ad diig amu ɠagattag daakkunu,⌋ ag aen, bras ele aon, anen anenppa ring hena heppeg, ad diig talilippeg, ag qakkeg! ⌊Ad diig amuam danab laa ippunadtte.⌋ Aria, nug anam dayebeb, baito habppanu naana qeebeb, nug doɗ oolagppa, atuppa dayaɗ!

Aisaia 43:13

Ge, keeke laa oh ii dayom haenppa, da Kayak daami. Aɗi da eppelppa daatte amu, aun laa nug amu aɗila aokkute? Da aɗi keeke hettem ele amu, aun laa nug heeb, keeke da hemi ele am eɗua, tatam dayom bia daakkute?” Yawe Nug anam atte.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Sam 36:6

Nahip genab tutukku hak kobol amu naɗinab, qauko attannab hume tak, amubia daatte. Ao, nahip nai doya mala hettoɗia epeɗia elele mettak kobol am naɗinab, am yu gamag unuqagnab noa ukkak bia daatte. O Yawe, na danab ah atognoadnana, doɗ ele atognoadttem.

Sam 33:11

Amge Yawe Nug aɗi keekenu maittak aotte amu, keeke amuam ɠagattag hanhan daatte. Yo, Nug aɗi keekenu oo unuqagnab, amuppa maittak aotte ele amu, keeke amuam ɠagattag hanhan dayaya bette.

Job 34:29

Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.

1 Samuel 2:8

Yawe Nug he, daɗek danab ag gappudppan ahan, ag nau ii daatteb. Ao! Nug he, ag uhuɗppa ii daatteb; ag aben enappa daatteb. Genab! Yawe Nug he, daɗek danab ag king tiigppan danab ele heɗep nena daatteb. Yo! Nug he, ag sia king, sia amu onig ele amu, ag sia amubiappa daatteb. Yawe Nug amu oh hekkunu elele. Aɗinu? Yawe Nug wan imu ohnab mameg daatte. Ao, Nug wan imu oh ma, babaittom daatte.

Epesus 3:11

Amuam Kayaknu maittak hanhan daattom, amu Nug ihinig Naɗi Jesus Kristus, nuhig uɗat okkaippa anam hekkunu aum amu, Nug aakku heum.

2 King 6:17

Elisa nug anam awowa, nug inam unuqittom. “O Yawe, dahil maɗi nid ameg oppatppe, ig ehanigkkulagnu ameg naɗi daatteb amu, nug anadkkunu oɗ medattem,” awa unuqittom. Aria, Yawe Nug maɗi nid amu ameg oppate, hos, bannu karis ele kuɗumnab qauko nakok kuɗum Elisa daatteppa, ag amuppa elele mette, ambena daaegeg anattom. Hos am bannu karis ele daappig anttom amu, ag am aab aɗu, amge aab aɗu amu dottog am hos, bannu karis dottolag dayom.

Aisaia 66:15

Aɗinu ⌊ag amu dooglag⌋? Antteg! Yawe Nug aab aɗu eleppa uɗikku. Nug ban danab bannu karisppa dayaya ulah kilibob gotte bia gotte, Nug anam bia uɗikku. Nug oppoɗi huana beebeb, danab ah eheɗ hetteb ele bu eheɗ madakku. Ao, nuhig oppoɗi bak am aab aɗu bia dayaya, Nug ag bu okkai madakku.

Jeremaia 4:13

Antteg! Danab amu, nuhikkud daup ele ag ulah lombig ye, paha paha laih gotte bia uɗitteb. Nuhig bannu karis ag kilibob huana gotte bia uɗitteb. Nuhig hos ag ai igel paha paha hagagaɗa gotte, ag amubia oitteb. Anam amunu, Juda danab ah ag anidna, ag, ‘O gadonnab gadon, ig eheɗ aognig! Gadonnab gadon. Aɗinu? Ig aakku padal mekkunig!’ akkulag.