Sekaraia 4:7 - Nobonob Baibel

⁷ Amu engel nug Yawe oɗeppanu nai anam ana, nug nai tuɗitta aum. “Keeke aɗi, qauko naɗi, o aɗi keeke laa, keeke amu nug Serubabelnu ib iinab oo nema. Qauko laa daakku dayeb, Kayak Nug heeb, qauko amu honap na, uɗem daakku. Nug anam heeb, Serubabel nug Kayaknu mettid lag ha malakku. Nug ha malebeb, danab ah ag enan, Kayaknu itittak enappa lag imu beum! Kayaknu itittak enappa lag imu beum! ekkulag,” awa aum.

Sekaraia 4:7 ပူးပေါင်းရင်းမြစ်များ

Esra 3:10

Amu uɗat nid ag Yawenu mettid lagnu men ukku mena malaeg, mana mettak danab ag maɗi ahilag haknu lamen ahilkad takkan, ag trampet aɗan, Lewi buɗubppan mana mettak danab iitta, ag Asap buɗubppanu, ag ahilkad simbal aɗaeg, ag oh Israel dilag king anukkanu Dawit ag hekkulagnu ippuanattom bia, ag ahilag abenppa Yawe binag mekkulagnu teppig.

Sam 114:4

Qauko sipsip dawai oola tette, oola nette bia uɗalppig. Ao, qauko nakok ag sipsip nalkad oolna tetteb, oolna netteb bia uɗalppig.

Sam 114:6

Aɗi heum amunu qauko sipsip dawai oola tette, oola nette bia uɗalppig? Aɗi heum amunu qauko nakok ag sipsip nalkad oolna tetteb, oolna netteb bia uɗalppig? ⌊Yawe Nug gukkuatta uɗiom amunu, keeke amu anam beppig!⌋

Sam 118:22

Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Aisaia 28:16

Ag anam atteb amunu, Naɗi Yawe Nug inam atte. “Antteg! Da geha Sion appa men ɠagattag, men enanag laa, ukku ɠagattag daakkunu ebappi dayebeb, ag amu qaɗeppa keeke oh heppeg tekku. Amu aun laa nug nuhignu ooppa genab dookku amu, nug ɠagattag, ena daakku.

Aisaia 41:15

Amu Yawe Nug imu ele atte. “Antteg! Da heppi, ag Israel ag ahilkad kekeɗ eɗadna autna aoglag. Ag danab nug ee aeg mumuɗaknu keeke palang otala okkaippa hak uɗat amu haaha, nug ee aeg qagmak okkai okkai, qauko bia ha malatte, amubia ag kekeɗ eɗadkkulag. Ag heppeg, ahilkad kekeɗ ag nauhna autna aoglag.

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Jeremaia 51:25

Amu Yawe Nug atte. “O Babilon, ag am qauko eotte ele wan atu oh he nauhtte bia daatteb. Ag heeg, wan atu oh nauhakib daatteb, amge da ahilag hak amunu eheɗ doyeye ool ii madattem. Danab layag ehale, baippa buɗibɗib noa nauhtte, amubia da dahil ɠagattagppa heppi, ag nauhkkulag, Da heppi, qauko eotte ele oug ma, nauhak daatte, ag amubia daaglag.

Maika 1:4

Le qaukoppanu huan nette, amubia Yawe Nug qauko igippa oiyeye, qauko ag le mena netteb. Ao, danab uppuh biig aab aɗu guguittak me, laih le me, laih amuam oolnu noak bia daatte, amubia oolnu noak Nug noobppa betteb.

Maika 4:1

Qauko laa, Yawenu mettid lag qauko amuppa daatte amu, deɗ laa dimppa, Yawe Nug heeb, qauko amuam qauko laa oh eɗattak daakku. Ao, Yawe Nug heeb, qauko amuam qauko nakok laa oh eɗadkku. Eɗatteb amu, geha danab ah kuɗumnab huu anen anenppanu geha ag appa ⌊qagmekkulagnu⌋ uɗiglag.

Habakuk 3:6

Yawe Nug hibaitta daya, Nug he, wan uɗalom; Nug neekke, wanppan wan ohnu danab ah ag hahaɗppig. Nug he, qauko haen elab daappig, ag nena qeppig. Ao, qauko nakok, haen elab daappig amu, ag hiɗan nona daappig. Yawenu hak am hanhannu.

Sekaraia 4:8

Aria, da Sekaraia, da Yawenu nai amu oh aoi, Nug nuhig nai laa da meɗom. Nai amuam inam.

Sekaraia 4:9

“Serubabel nug mettid lag imunu ukku menppa haknu am aakku heum, nugib lag amu ha malakku amunu, qinob nai amu meu ob, dahilad danab ah ag da Yawe Dakka Ɠagattag Oh Ele, da na Sekaraia, da na meitte uɗime dooglag.

Matyu 21:21

Ag anam aeg, Jesus Nug oɗelagppa awa aum. “Da genab ag amelagppa attem, ag oolagppa genab doonna, dabmak laippu ele daanna amu, ag ele da ad figppa hemi amu, ag amubia hekkulag. Am ag keeke amuib ii hemana. Iitta. Ag qauko imu amegppa, ‘Na ahan yuppa ukke!’ appeg amu, nug anam nokku.

Matyu 21:42

Aeg amu, Jesus Nug amelagppa aum. “Ag Kayak naippa nai laa daatte amu, ag iite ebqeppig? Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte. Naɗi Nug men amu he, men amu anuqaknab dayeye, ig amenigppa anidta, ig enanag doot, dabmak kuɗum aottem.’

Mak 12:10

Jesus Nug anam ana, Nug tuɗitta aum. “Ag nai laa Kayak naippa daatte ele, ag iite ebqeppig. Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.

Luk 20:17

Ag anam appig amge Jesus Nug ag neekkattatta aum. “Anam amunu, Kayak naippa yaak daatte am aɗi ippunigtte? Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.’

Luk 3:5

Ag ib uɗem elele ukkak daakkunu, ag oolnu noak elele mettan, qauko nakok buun, elele mettan, ib kaliak amu tutukku mettan, amu ib qe ta qe nak am ele tutukku elelenab metteg!

Aposel 4:11

Kristus Nug am ‘men laa, ag lag hak danab ag uuppig, amge Nug men anuqak beum daatte.’

Rom 11:6

Amu Kayak Nug danab amu ehanittak okkai hamu madatta tituanattom dayeb amu, Nug ag uɗat heppig amuppa ii diiattom. Ag uɗat heppig amunu Kayak Nug diiattom daalo amu, Kayak Nug ehanittak okkai hamu mettakppa danab diittenu kobol amu keeke hamu daalo, ehanittak okkai hamu mettak kobol amuam meu iitta daalo.

Epesus 2:20

Ig oh am Kayak laug bia daatteb. Ig nuhig totol danab amu nuhikkud propet ele, ig lag amunu ukku meut, ag amu qaɗeppa daatteb. Kristus Jesus Nug am lag amu ukku ɠagattag daakkunu men anuqak daatte.

1 Pita 2:7

Ag nuhignu oolagppa genab dootteb amu, ag nuhigppa ehanittak okkai aotteb, amge danab ah ag oolagppa genab ii dootteb amu, ahilagppa Nug inam beum daatte. “Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.”

Revelesen 16:20

Nud oh ele iitta meppig, wan beɗuppa qauko ele baula ii dayom.