Sekaraia 4:5 - Nobonob Baibel

⁵ Da anam ai, nug da oɗ meɗom. “Na amu iite doottem?” oɗ meɗom. Oɗ meɗe, da, “O naɗi, iitta, da ii doottem,” ami.

Sekaraia 4:5 ပူးပေါင်းရင်းမြစ်များ

Genesis 41:16

Nug anam a amu, Josep nug aum. “Da mehuqkkulnu elele iitta, amge keeke na dookkutnu oot hette amu, Kayak Nug na ippunitteb dookkut,” awa aum.

Sam 139:6

Da amu oh am genab doottem, amge da amu diig tutukku dookkulnu elele iitta. Ao, Yawe, nahip hak ena, da amunu diig dookkulnu elele iitta; da eɗiltte.

Daniel 2:30

Dahilnu amu, Kayak Nug da doyak dabmak ena ele, laa oh eɗattak aniɗa, tul niiak nahip, meu nuhig ele ii ippuniɗom. Iitta. Dahil doyak dabmak ena ele laa oh ii eɗadtte. Amge, O king, Kayak Nug tul niiak amu meu dookkutnu, na dimppa aɗi bekkunu dabmeme ele amu, na amu ele dookkutnu, Kayak Nug tul niiak nahip, amunu meu ele da ippuniɗom.

Sekaraia 1:9

Da anam anttena amu, engel laa nug da ele nai mattimuɗ amu, da nug oɗ mettami. “O naɗi dahil, umuam aɗinu anam daatteb?” awe oɗ mettami. Da anam oɗ mettai, engel nug da ele nai mattimuɗ amu, nug eɗua, da amelppa aum. “Ag attemun amu, da na ippunidkkul,” awa aum.

Sekaraia 4:1

Amu oh ba ukka male, engel nug da ele nai mattimuɗ amu, nug eɗua uɗia he, da ahami. Da danab niiom bia daye ahami.

Sekaraia 4:13

Da anam oɗ mettai, nug aum. “Na amu iite doottem?” oɗ meɗom. Oɗ meɗe, da ami. “O naɗi. Iitta. Da ii doottem,” awe ami.

Sekaraia 4:4

Da anam mattie malen, da engel oɗ mettami. “O naɗi, amuam aɗi keeke?” awe oɗ mettami.

Mak 4:13

Jesus Nug anam ana amu, Nug Nai baula tuɗitta aum. “Da keeke danab ag dootteb ii dootteb ele ouaqaten ippuanatten ami amu, nai amuam uug iitta, amge ag meunab nuhig ii dooppig amunu, dimppa da nai amubia, amge ɠagattag ele madippi, ag attem oolag maidkku?