Sekaraia 4:3 - Nobonob Baibel

³ Laa amu da olip ad aɗit anat-ttem. Laa amu lam maattak balal heqo naɗiap-ppa daye, laa heqo nanehppa daatte,” awe ami.

Sekaraia 4:3 ပူးပေါင်းရင်းမြစ်များ

Eklisiastis 12:6

Danab ah ag anam kaino mena mauhtteb amunu, na bau daan, Kayak dabmette! Danab mauhtteb, amuam keeke muɗi silwappa aihak daye, laa muɗi otaɗe na qette, am amubia; o iitta, tappiɗ golppa hak na qa aoɗtte, amubia. Danab mauhtteb, amuam hinai laa, ah le itakkunu awa, leppa ukke, na qa aoɗtte, amubia; o iitta, le itaknu keeke laa aoɗa nauhak daatte, am amubia. Mauhak dimppa amu, danab gaɗa am eɗua, gappud mette; nug ouɗi am eɗua, Kayak me uɗiom ele, nuhigppa gotte, ⌊amunu na gemu, na bau daattem haenppa, na Kayak dabmette!⌋

Sekaraia 4:14

Da anam ai, nug aum. “Naɗi, Nug wan atu oh gumadtte ele, Nug danab aɗit aa Nug ehanidkkulahnu goɗen gokkaɗakppa tituanatom amu, ad aɗit amu, ad eppeg aɗit ele am danab aɗit amu ippunadtte,” awa aum.

Rom 11:17

Kayak Nug danab laa, nug dattanu olip ad ebekkud laala qiialatta awowa, ebekkud ii qiialattak daappig oolagppa olip dakkuɗ eppeg laa awa tuɗitte bau daatte, amubia Kayak Nug he, ag iitta aɗi ag gemu ena bau daatteb. Ag iitta aɗi ag gemu amu ag am olip dakkuɗ eppeg bia, gemu amu ag ɠagattag, kobol ena ele Kayaknu aotteb, eppekkud diɗippa keeke ena aotteb bia.

Rom 11:24

Doyeg! Ag iitta aɗi ag anukka amu ag olip ad dakkuɗ eppekkud daaegeg, Kayak Nug olip ad amuppanu ag otakkatta diia, dattanu olip ad, amuppa tuɗittom. Ad amuam ahilagnab iitta. Israel ag am dattanu olip ad eppekkudnab bia amunu, Kayak Nug ag diia, eɗua tuɗitteb daaglagnu elelenab daatte. Kobol Kayak heum am adppanab nukka hamu anambia ii bette, amge Kayak nug ag iitta aɗi, ahilagppa kobol adppa ii bette, Nug ahilagnu amubia he beum.

Revelesen 11:4

Ad olip aɗit, amu lam maknu balal aɗit ele, aa wan imu ohnu Naɗi, aa Nug noobppa daattep ele amu, aa danab aɗit imu ippunigttep.

Ikki Danab 9:9

Ag anam appig, amge nug uua aum. ‘Da eppelad ulah diieb, ad laa attan wana dona, wana dokkulagnu da meul, danab ah ag amuppa goɗen aonna, ag Kayak binag menana, danab ah ele ehanadtteb, da meu amu okkulnu uuen, hamu anam daakkul am enate? Iitta! Amunu da anam king daakkulnu ii hepa,’ awa aum.