Amuam Dawit nug lam maknu balal golppa hak, lam aguppa daatteb ele hattaknu amu, gol uug ganeppa amu anen anen haknu, aria lam maknu balal silwappa hak, lam aguppa daatteb ele hattaknu amu, silwa uug ganeppa amu anen anen haknu Solomon amegppa aum. Lam laa nuhig uɗat attem daakku amu, diig amuppa ag balal, o lam amu gol o silwappa hekkulag.
Sekaraia 4:2 - Nobonob Baibel2 Nug anam he ahai, nug oɗ meɗom. “Gemu na aɗi anidttem?” awa oɗ meɗom. Oɗ meɗe, da nug amegppa ami. “Da lam maattaknu balal, golppa hak, amu tappiɗ igippa daatte anidttem. Am lam eblaih aɗit ele lam maattaknu balalppa daatteb. Amu tappiɗppanu goɗen lamppa gokkunu ippu am eblaih aɗit, laippu lam anen anenppa gotteb. အခန်းကိုကြည့်ပါ။ |
Sekaraia 4:2
19 ပူးပေါင်းရင်းမြစ်များ
Ag deɗ oh hanhan buttua, tueb ele manaknu ofa hena, Yawe mettan, ag kalu danab ile muttuɗig enanag bette ele amotna, Nug medatteb. Ag hanhan bret balal Yawe noobppa oppiaawak daatteppa meeg, ag lam, lam maattaknu balal golppa hak attan daatteb ele hanhan tueb amotadtteb. Aɗinu ig anam hettem? Ig Yawe, ihinig Kayak, Nug attem attem hekkunignu aum amu, ig hettem, amge ag Yawe ii dim lamidtteb. Ag Nug uuppig.
Solomon nug ele lam maknu balal golppa hak eblaih laih ele hattom. Solomon nug Dawit, nug amegppa attem attem haknu aum, nug nai nug aum, nug nai amu dim lamitta heum. Nug hatta, nug Kayaknu mettid lag ooppa, tanig ele am gilil yau uɗitteppanu daatte heqoppa maattowa, tanig ele laa ag gilil yawalti uɗitteppanu daatte heqoppa maatte daappig.
Danab ah ag anam kaino mena mauhtteb amunu, na bau daan, Kayak dabmette! Danab mauhtteb, amuam keeke muɗi silwappa aihak daye, laa muɗi otaɗe na qette, am amubia; o iitta, tappiɗ golppa hak na qa aoɗtte, amubia. Danab mauhtteb, amuam hinai laa, ah le itakkunu awa, leppa ukke, na qa aoɗtte, amubia; o iitta, le itaknu keeke laa aoɗa nauhak daatte, am amubia. Mauhak dimppa amu, danab gaɗa am eɗua, gappud mette; nug ouɗi am eɗua, Kayak me uɗiom ele, nuhigppa gotte, ⌊amunu na gemu, na bau daattem haenppa, na Kayak dabmette!⌋
Nubusaradan, nug daup Nebukatnesar gumappig dilag okkai amu, nug waa okkai, tappiɗ, mana mettak danab ag amuppa kalu danab ile muttuɗig enanag bette ele manaknu uɗat hetteb, tiig amuppanu awa tauɗeb ukkaknu tappiɗ, waa laa, lam maknu balal, tappiɗ laa, kap wain gokkaɗaknu ofa hekkulagnu, keeke oh am gol ena dubuttid iitta ele, o silwa ena dubuttid iitta eleppa hak amu, nug amu oh ele awa, Babilon ukkom.
Da tuleglegppa amu anitti, Yawe Nug da oɗ meɗom. “Amos, na aɗi anidttem?” awa oɗ meɗom. Nug anam oɗ meɗe, da ami. “Da plam lain anidttem,” awe ami. Da anam ai, Naɗi Nug da amelppa aum. “Antte! Danab nug gilil keeke, tutukku tak daakkunu, ikki laih imu o laih umu ukkak ii daamanu, nug plam lain aɗa anidtte, amubia da Israel danab ah ag tutukku, o iitta epeɗiadkkul. Da tuɗitten, bu madakkulnu ii uupa. Da bu madakkul.
ကြော်ငြာတွေ