Sekaraia 4:10 - Nobonob Baibel

¹⁰ Amu danab nug keeke digmette amu, digmakppa laa ag keeke am nakokib anidtteb, amge ag keeke nakok imunu ena iinab doyak aib dooppig. Aɗinu? Danab ag mettid lag imu haknu plam lain Serubabel eppegppa dayebeb anidna, ag gamag ahak dooglag. Amu lam eblaih aɗit ele amu ag Yawe, Nug ameg eblaih aɗit ele, amuppa Nug keeke oh anidtte amu, lam amu ag amu ippunadtte,” awa anam meɗom.

Sekaraia 4:10 ပူးပေါင်းရင်းမြစ်များ

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

Job 8:7

Na anam daakkut amunu, tatam na keeke ele daame amu, dimppa Kayak ehanitteb, na keekenu elelenab daakkut; tatam aɗan daame eɗittak.

Sam 33:14

Yo, Yawe Nug nuhig sia kingppanu neekke ne, danab ah oh wanppa daatteb anadtte.

Prowerb 15:3

Yawe Nug keeke oh anidtte; Nug nau hak danab, ena hak danabnu ele neekka auta aotte.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Aisaia 66:11

Nid yuɗ nug oo gamag ahakppa anignu huh latte, amubia Juda danab ah ag en kuɗum aoppeg, ag ele oh en kuɗum amunu elele dooglag. Ao, Juda danab ah ag en kuɗum awona, ag en naɗi okkai amuppanu ag enanagnab dooglag.

Aisaia 66:14

Yawe Nug ahilagnu keeke oh hekku amu, ag anidna, ag oolag gamag eheɗnab ahakku. Ag am enanag, gikkiɗah ena bia, daaglag. Danab ag amu anidna inam dooglag; Yawe Nug laa ag Nug dim lamidtteb ele, ag am nuhikkud maɗi nid maɗi ah amu, Nug ag ehanadtte, amge Nug kekeɗ nuhikkud dilag amu oppoɗi bette.

Jeremaia 16:17

Da ahilag hak oh anidttem; ag heppeg, ahilag hak laa lokkumeb, da ii anidkkulnu am iitta. Ahilag hipunin ele, da oh anidttem, laa lokkumak ii daatte.

Esekiel 1:14

Amemɗi anam ya ukkom amu, engel okkai-kerubim waɗele ag ele amemɗi pahanab ya gotte, ag amubia ele laih laih paha goppig.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Amos 7:2

Aakku uɗippig antten, da tuɗitten tuleglegppa, tap-lokus ag uɗin, wanppan keeke oh am beegeg laeg iitta meum anidmi. Wanppa keeke bau laa ii dayom. Da tulegleg anam antten, da emi. “O Naɗi Yawe, na Jakop buɗub dilag hipunin uhuqna madakkutnu oɗ medattem. Jakop buɗub ag kuɗumnab iitta amunu, tap-lokus ag amu heppeg, Jakop buɗub oh mauhkkulag,” awe emi.

Amos 7:5

Naɗi Yawe Nug anam ippuniɗe, da emi. “O Naɗi Yawe, da na amu hemananu oo doyak ele unuqidttem. Jakop buɗub am kuɗum iitta amunu, na heppe, aab ewak wanppa anam eweb amu, Jakop buɗub oh mauhkkulag,” awe emi.

Hagai 2:3

Kayaknu mettid lag anukka dayom amu, laa lag amunu onig, binag amahlak ele anidna dabmenan daattebte? Anam amu, ag gemunu lagnu attem dabmettebte? Ag gemu hetteb am keeke hamu bia iite anidtteb?

Sekaraia 3:9

Amu laa amu, ag men daden nob okkainab ele, da Josua noobppa iikku aihak memi daatte antteg! Men amuam laippu, amge men amu daug am eblaih aɗit ele. Da men amuppa da deɗ laippuppa wan imunu hipunin oh uhuqen madakkulnu nai yen otaɗkkul. Da Yawe Dakka Ɠagattag Oh Ele, da anam awe attem.” Yawenu engel nug Sekaraia amegppa anam aum.

Sekaraia 9:1

Yawe Nug wanppan danab ah oh, Israel danab ah oh ele, neekkadtte amunu, Yawenu nai imuam Aram wan, Aramnu aab okkai Damaskus ele, amu oh dilag bu awaknu nai uug ele.

Luk 15:32

amge gemu amu ig gamag ahak doopput, ig oonig ele ena daakkunu elele. Aɗinu? Na amap imu nug mauhom, amge gemu nug eɗua bau daatte. Nug qettoɗom, amge ig nug eɗut anidttem,’ awa aum.” Jesus Nug nai amu mattiom.

Revelesen 5:6

Anam aum amu da Sipsip Nag laa, Nug sia king ⌊anuqak⌋ guguittak hibaitte, hab daup waɗele Kayaknu bauklel aotteb, ikki danab ele ag Nug talilidna daaegeg, Nug ag gamagppa dayeye anidmi. Sipsip Nag amu laa ag matu qeeg mauha, eɗua hibaitte anidmi. Nug qeqeɗi eblaih aɗit ele amu ameg eblaih aɗit ele. Qeqeɗi eblaih aɗit, ameg eblaih aɗit ele, amuam Kayak Ouɗi kobol ena oh nuhigppa ambak daatte ele, Nug ippunigtte. Amu Kayak Nug me, wan ohppa ukkom.

Revelesen 8:2

Amu dimppa da engel eblaih aɗit, Kayak noobppa hippaidna daatteb ele amu, da ag anadmi; ag trampet eblaih aɗit ele aakku mattaeg aoppig.