Sekaraia 3:9 - Nobonob Baibel

⁹ Amu laa amu, ag men daden nob okkainab ele, da Josua noobppa iikku aihak memi daatte antteg! Men amuam laippu, amge men amu daug am eblaih aɗit ele. Da men amuppa da deɗ laippuppa wan imunu hipunin oh uhuqen madakkulnu nai yen otaɗkkul. Da Yawe Dakka Ɠagattag Oh Ele, da anam awe attem.” Yawenu engel nug Sekaraia amegppa anam aum.

Sekaraia 3:9 ပူးပေါင်းရင်းမြစ်များ

1 King 1:20

O King, dahil naɗi, na doye! Israel danab ah oh ag na aun nug nahip abenppa sia kingppa king daakkunu amelagppa appe dooglagnu, ag na amen metteb.

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

Sam 103:12

Laih aam bedeppanu, amu laih aam nodeppanu ukkak am umanab daatte, amubia Kayak Nug hipunin ihinig uhuqa mekke, hipunin ihinigppanu ukkanna, umanab daatteb.

Sam 118:22

Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.

Eksodas 28:11

Na danab laa nug men daden nob okkainab eleppa nai otaɗak haknu doyak okkainab ele, ag nug uɗat amu medappeg, nug Israel bekkod onilag men aɗit amuppa otaɗeb, aria ag gol aon, aɗalataknu bala enanag nakok aɗit laa hena, ag men aɗit amu maatppeg dayeɗ!

Eksodas 28:21

Aria, men 12 amu laib laib ohppa ag Israel bekkod onilag, laa onig am men laappa, laa onig am men laappa, ag anam otaɗadppeg ukkeb, ag Jakop bekkod nid danab 12, ag amu onilag otaɗadna malappeg, ag anen anen Israel dilag huu okkai 12 dilag at dayeg!

Eksodas 28:36

Laa amu, ag gol ena dubuttid iitta ele, ag gol amu maha laa aon, ag tappiɗ otala nag bia hena, amuppa ag ‘Yawe Nug imunu, nuhignu tituanak daatte anidtte,’ otaɗeg!

Aisaia 28:16

Ag anam atteb amunu, Naɗi Yawe Nug inam atte. “Antteg! Da geha Sion appa men ɠagattag, men enanag laa, ukku ɠagattag daakkunu ebappi dayebeb, ag amu qaɗeppa keeke oh heppeg tekku. Amu aun laa nug nuhignu ooppa genab dookku amu, nug ɠagattag, ena daakku.

Jeremaia 31:34

Amu da heppi, ig nug tituana nai qakkak amu heta malota amu, danab laa nug layagtai, o awagtai, o amagtai baula amegppa, ‘Na Yawe doye!’ ii ama. Iitta. Ag anam ii amananu diig am, ag ohnab, danab onig iitta, danab onig okkai ele, ag oh da dooiɗna oiglag amunu, ag laa nug laa amegppa, ‘Na Yawe doye!’ akkunu ii hema. Aɗinu? Da ahilag nau hak uhuqen madakkul. Yo, da ahilag hipunin daul atikku.” Yawe Nug anam atte.

Jeremaia 50:20

Yawe Nug atte. “Haen amuppa laa ag Israel danab ah ag hipunin atten atten heppig ele, ag hipunin amu eɗun anidna dabmekkulagnu mattiglag, amge ag ii anidmana. Ao, laa ag Juda danab ah ag hipunin atten atten heppig ele, ag hipunin amu eɗun anidna dabmekkulagnu mattiglag, amge ag ii anidmana. Aɗinu? Da Yawe, da heppi, Israel danab ah oɗo yaak daaglag. Ag anam daappeg, da amu dilag hipunin uhuqadkkul,” awa atte.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Sekaraia 3:4

amu engel nug laa ag nug noobppa appa ele hippaidna daappig amu, nug ag amelagppa aum. ‘Lamen dubuttid nau ele amu, ag uɗidna aweg!’ awa aum. Nug anam a, Yawe Nug Josua amegppa aum. ‘Antte! Da nahip hipunin uhuqen mettami; gemu da lamen bau enanag imu na medattem,’ ” awa aum.

Sekaraia 4:10

Amu danab nug keeke digmette amu, digmakppa laa ag keeke am nakokib anidtteb, amge ag keeke nakok imunu ena iinab doyak aib dooppig. Aɗinu? Danab ag mettid lag imu haknu plam lain Serubabel eppegppa dayebeb anidna, ag gamag ahak dooglag. Amu lam eblaih aɗit ele amu ag Yawe, Nug ameg eblaih aɗit ele, amuppa Nug keeke oh anidtte amu, lam amu ag amu ippunadtte,” awa anam meɗom.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Aposel 4:11

Kristus Nug am ‘men laa, ag lag hak danab ag uuppig, amge Nug men anuqak beum daatte.’

Rom 9:33

Kayak naippa, nai amunu inam daatte. “Antteg! Sion appa da men laa eppami daatte. Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, men amuam, men laa he, danab ag nena qetteb bia daatte. Amge aun laa nug nuhignu ooppa genab dookku, nug geha uɗa nak iinab aoma,” awa atte.

2 Korint 1:22

Nug ig nuhignab daattemnu epponak keeke nuhig ihinigppa mewowa, ig keeke Nug megakkun babaittom amu genab aognignu amu doognignu, Nug nuhig Ouɗi, keeke lonnu onig awak bia, ig oonigppa meum.

2 Korint 3:3

Ig ag oolagppa daat ehanattut, ag oolagppa genab dooppig amu, danab oh ag Kristus Nug nukka yaaknu uɗug amu yom anidtteb. Nug ya mekke, ig aot oittem. Nug gauppa, men mahappa, ii yom. Iitta. Nug Kayak Bauklel Ouɗippa danab oolagppa yom.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Hibru 7:27

Jesus Nug am mana mettak ikki danab anukkanu, ag deɗ oh doɗ main, Kayak Nug hipunin ahilag tatam uhuqa mattowa, danab dilag ele uhuqa madakkunu medappig bia ii hette. Nug uɗat nuhig anam iitta. Kayak Nug danab ah dilag hipunin uhuqa madakkunu, Jesus Nug haen laippu aakkuib Nug nukka Nug beɗu oh Kayak mettom amunu Nug baula ii hema.

1 Jon 2:2

Nug ad emaitakppa mana mettak bia dayaya, ihinig eheɗ haknu nob nau Nug tiigppa iitta mekkunu he elele mettom. Amge Nug ihinignuib anam ii heum. Iitta. Nug danab ah wan atu ohppa daatteb ele amu, Nug amu dilagnu ele heum.

Revelesen 5:6

Anam aum amu da Sipsip Nag laa, Nug sia king ⌊anuqak⌋ guguittak hibaitte, hab daup waɗele Kayaknu bauklel aotteb, ikki danab ele ag Nug talilidna daaegeg, Nug ag gamagppa dayeye anidmi. Sipsip Nag amu laa ag matu qeeg mauha, eɗua hibaitte anidmi. Nug qeqeɗi eblaih aɗit ele amu ameg eblaih aɗit ele. Qeqeɗi eblaih aɗit, ameg eblaih aɗit ele, amuam Kayak Ouɗi kobol ena oh nuhigppa ambak daatte ele, Nug ippunigtte. Amu Kayak Nug me, wan ohppa ukkom.