Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sekaraia 3:4 - Nobonob Baibel

4 amu engel nug laa ag nug noobppa appa ele hippaidna daappig amu, nug ag amelagppa aum. ‘Lamen dubuttid nau ele amu, ag uɗidna aweg!’ awa aum. Nug anam a, Yawe Nug Josua amegppa aum. ‘Antte! Da nahip hipunin uhuqen mettami; gemu da lamen bau enanag imu na medattem,’ ” awa aum.

အခန်းကိုကြည့်ပါ။ ကော်ပီ




Sekaraia 3:4
34 ပူးပေါင်းရင်းမြစ်များ  

Natan nug anam Dawit amegppa a, Dawit nug aum. “Da Yawe, nuhigppa hipunin aakku hemi,” awa aum. Awa a amu, Natan nug ⌊Dawit nug oo eɗua auta autanab awe doya, nug⌋ aum. “Yawe Nug hipunin nahip aakku uhuqa mettom. Na ii mauhmana,


Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.


Na dahil hipunin oh uhuqna meɗan, na amunu baula ii dabmemanu oɗ medattem. Ao, na heppe, eheɗ hak dahil oh iitta mekkunu unuqidttem.


⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.


Ag hipunin heppig, amge da hei, ulah lombig ye ukka ii daatte, amubia da ahilag hipunin oppii ii daatteb. Ao, ag hipunin heppig, amge aam he, buttuanu buttuɗai iitta mette, amubia da uhuqen mattai, hipunin ahilag ii daatteb. Da ag hipuninnu qagaiettakppanu eɗua uhuqak hein mattami amunu, ag dahilppa eɗun uɗieg!” Yawe Nug anam atte.


Ag Juda danab ah, ag aheg! Ag danab nug niiom aha, bala mette, ag amubia ahan, ɠagattag, lamen bia takkan dayeg! Ao, ag Juda danab ah, ag Yawenu tituanak daatteb amu, ag ahan, ag ah nug aha, lamen enanagnab tagatte bia bala ahilag enanagnab Kayak eppegppanu takkeg! Aɗinu? Danab nau, danab Kayaknu neekkakppa ag oolagppa dubuttid tak ele, ag uɗin, baula eheɗ ii hattamna.


Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.


Nug anam heum amunu, Jehoiakin nug baula maniguittak lamen ii takkom. Iitta. Nug lamen hamu maatta, hanhan nug King Ewil Merodaknu balalppa ee lattom. Nug anam ee laawo ukke ukke, nug mauhom.


Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.


Amu mana mettak danab ag Kayaknu mettid lag nuhignu tituanak daatte ele uun, Israel danab dilag haɗap, danab ah daattebppa gokkulagnu hekkulag amu, ag tatam lag aɗit amuppa lamen ahilag Kayaknu tituanak daatteb ele, ag lamen amuppa Yawenu uɗat heppig ele, ag lag aguppa lamen amu uɗana, meppeg dayebeb, lamen laa takkona gokkulagoitte. Lamen amuam Kayaknu tituanak daatteb amunu, ag anam hekkulag. Ag lamen ahilag Kayaknu tituanak daatte takkak ele danab ah ele daattebppa iinab gomana,” awa aum.


O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.


Na am Kayak anam amunu, na baula ihinignu oot bodoetta, le mekku. Na ihinig hipunin tabappe nekkulag. Ao, na eheɗ hak ihinkad buɗiadppe, yu gamag unuqagnab ele, appa nokkulag.


Amu dimppa amu, engel nug mana mettak ikki danab Josua, nug Yawenu engel noobppa hibaitta daye ippuniɗom. Satan nug ele appa engel eppeg naɗiap-ppa dayaya, nai digdig kuɗum mattiaya, Josua yaaya mattiom.


“Yawe Nukka Ɠagattag Oh Ele Nug inam atte. Na dahil ib, ɗo dahil ele dim lamidkkut dayeb, da Yawe, da heppi, na dahil lag, dahil lagnu haɗap ele gumakkut. Amu da heppi, na ⌊engel⌋ imu hippaidna daatteb oolagppa uɗin daakkut.


Amu laa amu, ag men daden nob okkainab ele, da Josua noobppa iikku aihak memi daatte antteg! Men amuam laippu, amge men amu daug am eblaih aɗit ele. Da men amuppa da deɗ laippuppa wan imunu hipunin oh uhuqen madakkulnu nai yen otaɗkkul. Da Yawe Dakka Ɠagattag Oh Ele, da anam awe attem.” Yawenu engel nug Sekaraia amegppa anam aum.


Aria, dimppa king nug danab ah qagmeppig amu anadkkunu noum. Noa amu danab laippu laa nug ewau matulaknu hobulppa dayaknu lamen beɗuppa ii meum anttom.


A amu engel nug oɗeppa awa aum. “Da am Gabriel. Da Kayak noobppa daattem, amu Nug he, da amenppa nai ena imu appi dookkutnu uɗimi.


Nug digma anam aum, amge nug mameg nug maɗi nid nuhikkud onilagppa e doeg amelagppa aum. ‘Lamen elab enanag paha aon dona tagittona, ring laa aon dona, eppeg doɗoppa aɗappeg nob, baeg gaɗa ele aona, baegppa aɗappeg taɗ!


Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.


Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.


Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.


Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.


Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.


ag danab bau beppig daatteb. Amu Kayak Nug danab bau amu heum. Amu Nug ag hanhan doyak madatta he, ag bau bena, Nug biaib daatteb.


Aɗinu? Da ahilag nau hak uhuqen madakkul. Yo, da ahilag hipunin daul atikku.” Naɗi Nug nai amu mattiom.


Aria, da baula neekke, daul hume, engel tausen kuɗumnab amu milion kuɗumnab ele ag sia king ⌊anuqak⌋, hab daup waɗele Kayaknu bauklel aotteb ele, ikki danab ag ele oo mattan taliliadna daaegeg, baalag doyen anadmi.


Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ