Sekaraia 3:2 - Nobonob Baibel

² Nug anam he, Yawe ⌊nuhig engel⌋ nug Satan amegppa aum. “Satan, ⌊na eheɗ hettem.⌋ Yawe Nug na daut bataɗ! Ao, Yawe, Nug Jerusalem tituanom amu, Nug na daut bataɗ! Danab imu, Josua, nug am ad maha laa aab aɗuppa dayeye, ii eomanu danab laa nug paha eppeg bahia aotte, nug amubia daatte.

Sekaraia 3:2 ပူးပေါင်းရင်းမြစ်များ

2 Stori 6:5

Nug da mamel Dawit amegppa inam aum. ‘Haen da dahilad danab ah Israel, ag Isipnu diie uɗimi, haen amuppanu uɗie, gemu batak, da Israel dilag huu okkai oh oolagppa aab okkai laa, amuppa ag mettid lag laa, da onil amuppa daakkunu hekkulagnu amu laa ii tituanmi. Ele amu, da danab laa nug dahilad danab ah Israel dilag okkai daakkunu ii tituanmi.

2 Stori 6:6

Amge gemu da Jerusalem, da onil aguppa daakkunu tituanen, da na Dawit, da na dahilad danab ah, am Israel danab ah, da na ag gumadkkutnu da na tituanidmi,’ awa aum.

Sam 109:31

Da anam hekkulnu diig am, laa ag daɗek danab mauhkkunu aegeg, Yawe Nug daɗek danab laa heqoppa hibaitta dayaya, padal memananu ehanadtte.

Aisaia 7:4

Aria aa goya teya, na King Ahas amegppa inam appe doyaɗ! ‘Aram dilag king Resen, amu Israel dilag king Peka ele aa am aab ewa ukka, qauhkkunu ha, kahugib ahatte, aa amubia daattep amunu, na doye! Na ahilahnu aib ottaime! Ahilahnu aib baɗame! Ahilahnu na ebehin aib bodoettom! Laa amu, Aram danab, ahilag King Resin, amu Remalia bekka Peka ele, ag Juda, ahilagnu oo nauhak huanaknab doon oitteb, amge na doye! Na oo nauhak huanaknab ahilagnu aib ottaime! Oo nauhak huanaknab ahilagnu na aib baɗame! Oo nauhak huanaknab ahilagnu na ebehin aib bodoettom!

Daniel 12:1

Amu haen amuppa Maikel, nug engel naɗi, nug na, Daniel, nug nahipad danab ah ehanadtte amu, nug aha uɗikku. Haen nug aha uɗikku, haen amuppa uug naunab daakku. Uug amubia deɗ laa wanppa ii neum. Uug amu bekku, amge nahipad danab ah oh, onilag bukppa yaak daatte ele, ag oh ehanittak aon, ena daaglag.

Amos 4:11

Yawe Nug anam ana amu, Nug ele atte. “Da hei, ag oolagppan laa ag Sodom, Gomora danab padal meppig, amubia padal meppig. Ge, ag am aab bau maha laa, danab nug aab maha amu ewebeb, eɗua aotte, tuɗitta ii eotte, ag amubia daappig, amge ag eɗun, da dim lamiɗkkulagnu da gumiɗna ii uɗippig,” awa atte.

Sekaraia 1:17

Engel nug da amelppa anam ana, nug tuɗitta aum. “Na imu ele madippe doyeg! Yawe Nukka Ɠagattag Oh Ele, Nug inam atte. Israel danab ah oh ag baula bau dayaknu keeke oh elele aɗan oinna, amu tuɗittak keeke laa ele aɗan oiglag, awa atte. Amu ag anam oippeg, am Yawe Nug baula danab ah oo mak madakku. Nug Jerusalem am nuhignabnu tituankku. Yawe Nug anam atte,” awa aum.

Sekaraia 2:12

Wan laa Yawenu tituanak daatte, wan amuppa laih Juda am nuhig aug bia dayebeb, Yawe Nug baula Jerusalem tituaneb, nuhig aabnab daakku.

Mak 1:25

Nug anam a amu, Jesus Nug ouɗi nau amegppa baag ɠagattagppa aum. “Na oɗen qamutna, danab amu uuidna ukke!” awa aum.

Mak 9:25

Nug anam a amu Jesus Nug danab ah kuɗum ag qaiettan uɗin qagmeeg antta, Nug ouɗi nau amegppa haknunab ana, “Oɗe ituak, daug ituaknu ouɗi nau, na nid imu paɗaidna gona, bau eɗun nug beɗuppa aib uɗime!” awa aum.

Luk 22:32

amge Saimon, da na ehanitten, ooppa genab doyak nahip amu iitta ii memanu Kayak unuqidmi. Amu geha na eɗun ɠagattag daanna, na laipad ɠagattag daaglagnu ehanatte!” awa aum.

Luk 4:35

Nug anam aum, amge Jesus Nug ouɗi nau amegppa baag ɠagattagppa aum. “Na oɗen qamutna, danab amu uuidna ukke!” awa aum. Jesus Nug anam a amu ouɗi nau nug ag oolagppanu he, danab amu wanppa na qe, nug uuitta ugakka, danab amu nug beɗuppa eheɗ laa ii heum.

Luk 9:42

Nug anam a amu nug nid amu awa, Jesus toppa doodo, ouɗi nau am nid buɗie, na qa, wanppa hahaɗom. Nug anam heum, amge Jesus Nug ouɗi nau nid amu uua gokkunu haknunab ana he, nid ena daye, awa eɗua, mameg mettom.

Jon 13:18

Da madittem imu amu da ag oh ahilagnu ii attem. Da danab dahilad, da tituanadmi ele amu, da ag diilag doottem. Amge Kayak nai niitte amu genab meu bekku. Nai amu inam atte. ‘Am da layalnab, i oh ee lamuɗ ele, nug da kekeɗ meɗom.’

Rom 16:20

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

Rom 8:33

Kayak nug danab ah tituanattom amu, aun laa nug ag hettoɗiakppa maadkku? Auntai, laa iitta. Aɗinu? Ag Jesusnu oolagppa genab dootteb amunu Kayak ahilagnu, “Genab tutukku hak danab,” aum.

1 Jon 3:8

Satan nug digmakppanu uɗie, gemu ele hipunin hette amunu, aun nug hipuninppa oitte amu, nug Satannu danab daatte. Kayak Bekka Nug Satannu hak nau amu heeb nauhkkunu miag atia beum.

Jut 1:23

Laa ag aab aɗuppa daatteb bia daatteb amunu, ag ehanadna, qen oqaina diieg! Am laa ag eheɗ hetteb anadna, ag ahilagnu oolag gai-iitta doona oolag mattan ehanatteg! Amge amu henana, ag dabmena autna aonna, kobol alag ag hetteb ele, ag amunu lamen dubuttid ele bianab doonna, ag akka kobol nau amunu nau ninig ele doon, awaidna dayeg!

Jut 1:9

Ag anam hetteb, amge engel dilag ikki laa Maikel, nug am okkainab, laa nug kobol ag hetteb bia hekkunu elele daalo am nugbia, amge nug amu ii heum. Iitta. Nug kobol ena laa heum. Haen nug Satan ele, aa aun nug Moses gaɗa aokkunu panioɗya, nai aeh ona aeh do heya heya amu nug Satannu baeg qak nai laa mattiaya beɗuppa ii yom. Iitta. Nug inam aum. “Naɗi Nug na daut batakkunu ool daatte!” awa aum.

Revelesen 17:14

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.