Sekaraia 3:1 - Nobonob Baibel

¹ Amu dimppa amu, engel nug mana mettak ikki danab Josua, nug Yawenu engel noobppa hibaitta daye ippuniɗom. Satan nug ele appa engel eppeg naɗiap-ppa dayaya, nai digdig kuɗum mattiaya, Josua yaaya mattiom.

Sekaraia 3:1 ပူးပေါင်းရင်းမြစ်များ

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Genesis 48:16

Kayak, Nug uug ohnu qagaiettakppanu uhuqiɗom amu; Kayak amunu amu, da Nug nid aɗit imu itittak ena matakkunu ool daatte. Ahilahnu amu, aa da alal Abraham, da mamel Aisak amu da ele, aa ig buɗunig ooppa daaglahnu ool daatte, amu aa appatpeɗ, buɗultippa danab kuɗum bekkulagnu ele ool daatte,” awa aum.

1 Stori 21:1

Amu Satan nug Israel danab ah uug madakkunu dabma, aha he, Dawit nug Israel danab ah ebaqakkunu dabmeum.

2 Stori 29:11

O Lewi buɗub, da bekkalad, Yawe Nug ag Nug noobppa daanna, ag Nug waappa daan, Nug oɗe dim lamidkkulagnu, ag nuhig ehanittak danab ah mattaglagnu, ag kalu danab ile muttuɗig enanag bette ele main, Nug mettaglagnu tituanattom amunu, gemu ag hamu aib daappig,” awa aum.

Esra 10:18

Amu mana mettak danab ag laihnu ah diippig ele, ag appeg, ah amu gokkulagnu, “Yo,” ana, ag eheɗ heppig, ag beɗulagppa aab ele amunu, ag eheɗ haknu ofa hekkulagnu ag anen anen sipsip dawai ele aon uɗin main, Kayak medappig ele, ag onilag am iikku. Josadak bekka Jesua, nug awakkud, amakkud ele buɗulkadppanu am Masea, Elieser, Jarib, Gedalaia ele.

Esra 2:2

Danab ah ag ahan, Juda wanppa goppig amu, ahilkad danab okkai am Serubabel, Jesua, Nehemaia, Seraia, Relaia, Mordekai, Bilsan, Mispar, Bigwai, Rehum amu Bana ele. Aria, Israel danab ag Babilonnu eɗun uɗippignu ebqaknu lista, ⌊ag mamelkad aɗi⌋ onilkad ele am iikku.

Esra 5:2

Aa danab ah amelagppa anam aeh, Sealtiel bekka Serubabel, Josadak bekka Jesua ele aa Kayak laug, Jerusalem appa eɗua daakkunu uɗat am ⌊baula⌋ digmepiɗ. Aa uɗat amu heeheh, Kayaknu propet aa ehanatkulahnu daapiɗ.

Sam 106:23

Ag Kayak, nuhig hak amu ele daulag atiom amunu, Nug ag hatteb nauhkkulagnu aum. Nug anam aum, amge Yawenu oppoɗi bak aha heeb, danab ag nauhmananu, Moses, Yawe tituanom amu, nug Yawe, danab ah ele gamalagppa hibaitta dayom. Nug anam dayeye, Yawe Nug ag ii hatte nauhppig.

Sam 109:6

⌊Da nai imu kekeɗ dahil tonadkkunu Yawe amegppa ami.⌋ “Na nau hak danab otippe, nug kekeɗ dahil epeɗidkkunu oɗ medattem. Ao, na uuidppe, naippa yaaittak danab laa nug hettoɗiakppa mekkunu unuqidttem.

Jeremaia 15:19

Amu Yawe Nug da, Jeremaia, Nug da amelppa aum. “Na oot eɗueb amu, da heppi, na tuɗidna dahil propet, dagattolppa daakkut. Ao, na nai genab mattinna, nai hambuppuak, meu iitta ele ii madippe amu, da heppi, na da oɗel awa mattiak danab daakkut. Na ag ib ippuanatte! Na ahilag ib aib aon gome.

Esekiel 44:11

Lewi buɗub amu ag mettid lag dahilppa dahil ɗo maɗoɗnu uɗat laala hekkulag; am ag lagnu odppa daanna, appa uɗat hekkulag, ag doɗ laala danab ah ag manaknu ofa aon uɗiglag, o doɗ adekku laa danab ah ag main meɗaglagnu aon uɗiglag amu, Lewi buɗub ag doɗ amu baalag otaɗadkkulag, ag danab ah noolagppa daanna, ehanittak aɗi aɗi hekkulagnu daakku am hekkulag,

Esekiel 44:15

Lewi buɗub amu, ag amu hekkulag, amge Lewi buɗub laa, ag Sadok buɗub amu, ag am mana mettak danab daaglag. Haen Israel laa ag da uuiɗna, uma ukkaeg amu, Sadok buɗub ag ahilag uɗat da noolppa mettid lag dahilppa hekkulagnu dayom amu aakku heppig. Ag amu heppig amunu, ag da gumiɗna uɗin, da noolppa dahil ɗo maɗoɗnu uɗat hekkulag; ag doɗ ittag manan meɗan, ag tiig ele gokkaɗkkulagnu aakku daatteb.” Naɗi Yawe Nug anam atte.

Hagai 1:1

Darius nug Persia dilag king dayaya, nuhig king dayaknu maɗ aɗitppa, kalam ebqak eblaih laippu ele, kalam amunu deɗ digmakppa Yawe Nug nuhig nai propet Hagai mettom. Nai nug mettom amu, nai amuam Juda dilag gawana Serubabel, nug Sealtiel bekka, amu Jehosadak bekka Josua ele dilah. Josua nug am mana mettak ikki danab dayom.

Hagai 1:12

Yawe Nug anam aum amunu, Sealtiel Bekka Serubabel, Jehosadak bekka Josua, nug mana mettak ikki danab, aa, amu Juda danab ah oh ag oɗo yaak danab ah daatteb amu, ag oh, ag Yawe, ahilag Kayak, ag Nug aum, propet Hagai oɗeppa aoppig am dim lamidppig. Yawe, ahilag Kayak, Nug he, Hagai nug nai mattiom amunu, ag doon, ag heppig. Danab ah ag Yawenu ebehilag oh bodoetta le meum.

Hagai 2:4

Amge, O Serubabel, na ɠagattag daye! O Jehosadak bekka Josua, na mana mettak ikki danab daattem, na ɠagattag daye! Ag Israel wanppan danab ah, ag oh ɠagattag daan, uɗat heig! Aɗinu? Da ag ele daattem!” Yawe Nukka Ɠagattag Oh Ele, Nug anam atte.

Sekaraia 1:13

Yawenu engel nug anam unuqitte, Yawe Nug engel laa da ele nai mattimuɗ amegppa baag gai-iittappa oo mak nai mattiom.

Sekaraia 1:19

Da amu antten, da engel da ele nai mattimuɗ oɗ mettami. “Amu aɗi?” awe oɗ mettami. Da oɗ mettai, nug da amelppa aum. “Qeqeɗi amuam wan laala ɠagattag ele ag heeg, Juda danab ah, Israel danab ah, Jerusalem danab ah ele ag matatun gona, wan atu laih laih daappig ippunigtte,” awa aum.

Sekaraia 1:9

Da anam anttena amu, engel laa nug da ele nai mattimuɗ amu, da nug oɗ mettami. “O naɗi dahil, umuam aɗinu anam daatteb?” awe oɗ mettami. Da anam oɗ mettai, engel nug da ele nai mattimuɗ amu, nug eɗua, da amelppa aum. “Ag attemun amu, da na ippunidkkul,” awa aum.

Sekaraia 2:3

Aria, engel da amelppa nai mattiom amu, nug uuiɗa ugekke, engel laa uɗia, nug uɗa te,

Sekaraia 3:8

O mana mettak ikki danab Josua, ag mana mettak danab laa oh ele, ag daulag human, dahil nai doyeg! Aɗinu? Ag mana mettak danab, ag am butti aɗi kobol ena bekkunu at daatteb. Laa am, da heppi, dahil maɗi nid, Nug am ad diigppa ita bau bette, amubia bekku, amu Nug uɗikku.

Sekaraia 4:14

Da anam ai, nug aum. “Naɗi, Nug wan atu oh gumadtte ele, Nug danab aɗit aa Nug ehanidkkulahnu goɗen gokkaɗakppa tituanatom amu, ad aɗit amu, ad eppeg aɗit ele am danab aɗit amu ippunadtte,” awa aum.

Sekaraia 6:11

Ag silwa, gol ele amu na medappeg, na ag eppelagppanu aon, na mana mettak danab haɗ laa amuppa he! Na haɗ amu hena malon, na aon, Jehosadak bekka Josua, nug mana mettak ikki danab daatte, na nug igippa me!

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

Luk 22:31

Jesus Nug nai amu mattiowa Nug Saimon onig diia, baula aum. “Saimon, Saimon, na doye! Satan nug matu ag ahilag ooppa genab doyak am ɠagattag o ɠagattag iitta anttaknu, uug madakkunu Kayak oɗ mettom,

Duteronomi 10:8

Haen amuppa Yawe Nug Israel dilag huu okkai Lewi, ag Yawenu Tituanak Nainu Kunup kontrak inak ele maoglagnu otiattom. Nug ag nuhig ɗo maɗoɗnu uɗat Nug noobppa hekkulagnu, amu Nug onigppa danab ah itadkkulagnu ele otiattom. Uɗat amuam ahilag, ina hetteb.

Duteronomi 18:15

Yawe, ahilag Kayak, Nug ag ehanadkkunu geha ahilagppanu propet danab laa da bia nug epeɗikku amunu, ag propet amu nug aɗi nai ag amelagppa mattieb amu, ag nug oɗe doyeg!

1 Pita 5:8

Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.

1 Samuel 6:20

Kobol amu beum amunu, Betsemesnu danab ag appig. “Aunnab nug Yawe noobppa daakkunu elele? Laa iitta! Nug am Kayak Oppiaawak Ele. Nug anam daatte amunu, nuhig Tituanak Nainu Kunup imu iguppa daakkunu am elele iitta, amge ig hepput, adebtai gokku?” aon appig.