Sekaraia 2:8 - Nobonob Baibel

⁸ Ag amu hekkulagnu diig am, Yawe Nukka Ɠagattag Oh Ele, Nug da, ⌊Sekaraia, Nug da⌋ Nug binag medakkulnu meiɗe uɗiminu atte. Nug wanppan wan laala, ag ag Israel eɗadna, ahilkad keeke aon goppig ele, Nug amu dilagnu inam atte. “Aun nug ag Israel eheɗ hadatte ele, nug da, Yawe, nug da eheɗ heiɗtte.

Sekaraia 2:8 ပူးပေါင်းရင်းမြစ်များ

Genesis 20:6

Abimelek anam a amu, Kayak Nug tulppa eɗua, nug amegppa aum. “Da doottem, na keeke imu heme, amge na doonna ii hee, na beɗunppa aab iitta amunu, da hei, na dahilppa hipunin ii heme. Da hei, na nug ele ii oipiɗ.

2 King 24:2

Haen amuppa Yawe Nug danab ag ban hena, danab aqadna, ahilkad keeke aotteb amu, Nug danab amu Babilonnu, Aramnu, Moapnu, amu Amonnu ele, ag Jehoiakim ele ban hena, Juda wan heppeg nauhkkunu maatte goppig. Yawe Nug nuhikkud maɗi nid propet oɗelagppa mehuqom amu, am anamnab beum.

Sam 17:8

Na keeke laanu na oot huana hette ele dabmedattem, amubianab na kekeɗ, ag da taliliɗna iuglagnu hetteb amu, na ag amu ii hemananu na dabmeɗakkutnu unuqidttem. Yo, matuk anig nug nag haug waappa lokkumadtte bia, na nau hak danab ag da banel uɗin, heiɗppeg nauhkkulnu hetteb amu, na ag amu hemananu da atognoiɗkkutnu oɗ medattem.

Prowerb 7:2

Na dahil haknunab anak dabmedakkut dayeb amu, na bau daakkut; da na aɗi keeke ippunidttem amu, na amunu, “Am keeke enanag, meu ele,” doon, na amu dabmena, atogno!

Aisaia 49:19

Amu ag Israel, ag ahilkad kekeɗ ag uɗin heeg, ahilag wan am nauhak, hele-ettak daatte. Ge, ag heeg, ahilag wan am nauhakib daatte. Amu da heppi, ahilag wan eɗua, ena dayebeb, ag Israel ag appa ambak daaglag. Wan amuam nakok dayebeb, ag huanak daaglag. Amu laa ag heeg nauhppig ele amu, ag uma daaglag.

Jeremaia 12:14

Yawe Nug atte. “Da wan laa dahilad danab ah, Israel, ag aulag daakkunu da ag mattami, amge danab laa ag kekeɗ meɗappig, wan amu talilidna daatteb ele amu, ag uɗin, Israel ele ban henana, Israel dilag keeke aon goppig. Ag anam heppig amunu, danab uud hiɗa buɗie gotte, amubia da heppi, laa da kekeɗ meɗappig amu, ahilag kekeɗ ag uɗin, ag diin goppeg, laa da kekeɗ meɗappig ele ag wan laappa diia ukka laih me dayak danab ah daaglag. Amu da Juda danab ah ehanadppi, ag ag eppelagppa baula ii daamna.

Jeremaia 27:7

Wanppan wan oh ag nug waappa maɗi nid daan, nuhig uɗat hekkulag; nug bekka, nuhignu ele anamib daanna; nug alag, nuhignu ele anamib daaglag. Aria, anam dayebeb ukkeb, Nebukatnesar alagnu haenppa Babilon bu awak haen beeb, wanppan wan anen anen kuɗum, ahilkad king ɠagattag ele ag ahan heppeg, Babilon ag waalagppa daaglag.

Esekiel 25:12

Amu Naɗi Yawe Nug inam atte. “Edom danab ag Juda danab ah uug naunab dooppig haenppa gona, nob mena, eheɗ hadappig, amu amuppa ag beɗulagppa aab okkai aakku teum daatte,” awa atte.

Esekiel 25:15

Amu Naɗi Yawe Nug atte. “Pilistia danab ah ag anukkanu uɗie, gemu ele Israel dilagnu oolag aeg bak doon, ag nob nau mattaglagnu dabmenana, Juda ele ban henan, heppeg iitta mekkulagnu heppig,” awa atte.

Esekiel 26:2

“Danab bekka, Tair danab ah ag Jerusalem na qeumnu oolag gamag ahak eheɗ doon, ag inam appig. ‘Am enanag! Kekeɗ ag gona, aab okkai Jerusalem heeg nauha autanab awom. Gemu aab amuam loppaɗakib daatte. Jerusalem danab ah baula keeke meppeg, laa daden meppeg, men doɗo ii aomna. Ag ig ib amuppa men doɗo okkai aognignu ib baula oo ii nemata; ig anam aognig,’ aon appig.

Esekiel 26:20

haen amuppa da heppi, ag Tair danab ah ag danab ah mauhak abenppa goppig daatteb ele daaglag. Danab ah amu laala ag anukkanab mauhna, goppig appa daatteb. Da heppi, ag Hadesppa, danab ag aab he nauhakppa daatteb bia, ag appa laa appa goppig daatteb ele daaglag. Ag Tairnu danab ah ag baula wanppa danab ah bau daanna oitteb oolagppa ii daamna.

Esekiel 35:5

Edom danab ah, ag haen elabnab uɗie, gemu ele ag Israel dilag kekeɗ daatteb. Ag anam daanna, haen Israel ag ahilag bu awak haen gogppa teum, haen amuppa kekeɗ ag uɗin, Israel ban hekkulagnu uɗippig amu, ag kekeɗ ehanattegeg, ag Israel huanak qep elabppa aqappig,’ ” awa atte.

Esekiel 36:11

Da heppi, Israel danab ah ag nid menuadppeg, appatna kuɗum daappeg, ahilkad doɗ ele anam hena daaglag. Da heppi, Israel danab ah ag daadppig bia daaglag. Daanna, da heppi, en okkai ele tatam daadppig amu, gemu ag amu eɗittak, okkainab ele daaglag. Da anam heppi amu, ag dooglag, da am Yawe.

Esekiel 38:11

Na amu dabmenana, na akkut. ‘Da heppi, da dahilad daup ele ig wan laa, ag ban hekkulagnu babaittak ii daatteb, ag uug laa bekkunu ii dabmena daatteb ele, ig appa banelag gokkunig. Ahilkad aab am aɗ iitta, hamu daatteb. Danab ah appa daatteb ele amu, ag maɗoɗib daatteb. Ag, “Kekeɗ uɗippeg, ig ele ban hekkunig,” ii dabmetteb. Ahilag aab oh aɗ iitta, aɗnu od iitta, od manak qaknu keeke ele iitta. Ag hamu anamib daatteb.

Esekiel 38:14

Yawe Nug anam ana, Nug tuɗitta aum. “Anam amunu, danab bekka, na dimppa aɗi bekkunu nai Gog amegppa inam appe doyaɗ! ‘Naɗi Yawe Nug inam atte. Deɗ amuppa, dahilad danab ah, Israel, ag baɗak iittappa anam daappeg, na amu iite dabmekkut?

Amos 1:11

Yawe Nug inam atte. “Edom danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag lailkadnab, am Israel danab ah amu, ag ag aqaglagnu qep elab aɗan, lamadna, ag oo bodoetta le mak nakok laa dooglagnu ii doonna uuppig. Ag uueg, ahilag oo nauhak am aab ewawaib daatte bia dayeye; ag lailkadnab dilagnu oppoɗilag be amelag kokoɗ eppa dayom.

Amos 1:13

Yawe Nug inam atte. “Amon danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag wan tuɗidna aoglagnu ag Gileatnu ah oolkad ele qep elabppa oolkad oppatattegeg nauhppig.

Amos 1:9

Yawe Nug inam atte. “Tair danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah ele layam batan, nug tituanna nai qagappig, amge ag nai amu lopaɗna, ag dahilad danab ah dilag aab kuɗum eɗadna, aab amunu danab, ah, nid ele oh aɗualadna, diin gona, Edom danab ah dilag maɗi nid daaglagnu maatteg, Edom danab ag daden maadppig.

Maika 4:11

Yawe Nug appanu eɗua diiadkku, amge gemu wanppan wan kuɗum dilag daup ag, ag Israel ele ban hekkulagnu qagmeppig daatteb. Ag atteb. “Ig ag eɗadta, ig ahilag na qaknu amu, ig oonig gamag ahak okkainab doognig,” aon atteb.

Maika 5:6

Ig otiadpput, danab okkai amu ag Asiria wan qep elabppa heppeg nauha auta aokku. Ao, ag Nimrot appag diig, am Asiria, ag ahilag qep elab ag eppelagppa daappeg, wan amu heppeg nauha auta aokku. Laa Nug ig Israel gumigkku, Nug danab okkai eblaih ewam ele amu eppelagppa heeb, ig Asiria eppelagppa ii daamta. Aɗinu? Asiria ag ig Israel eɗigkkulagnu uɗiglag. Ao, ag ihinig wan tom ooppa laippu tappa ukkakppa uɗiglag.

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Habakuk 2:17

Lebanon appa na laa guittak nau mauhnoak mettak kobol heme, amu diig amunu na nauhkkut. Ao, appa na doɗ ge iitta hamu hamu aqadme, amu diig amunu na baɗak eheɗ nau dookkut. Aɗinu? Na danab aqatte, ag tiilag ne, na wan, aab ele hatte nauheg, danab ah appa daappig ele padal meppig.

Habakuk 2:8

Ag amu hekkulagnu diig am, na ban hena, wanppan wan kuɗumnu danab ah dilag keeke aome amunu, wan amuppanu danab ah laa ii mauhppig amu, ag ban hena, nahip keeke eɗun aoglag. Na danab ah kuɗumnab aqe mauhatteg, na hee, ahilag wan, aab keeke ele nauhak daappig amunu, ⌊ag nahip-ppa anam hekkulag⌋.

Sepanaia 2:8

Yawe Nug inam atte. “Da Moap ag dahilad danab ah dilagnu awa awa qettak nai naunab madippig amu, da ahilag nai amu da doomi. Ge, Amon danab ag dahilad danab ah dilagnu hippeg qakkak nai madippig amu, da ahilag nai amu da doomi. Amu oh ag dahilad danab ah dilagnu awa awa qettak nai naunab madippig, amu da nai amu doomi. Ele amu, da ag oh ag dahilad danab ah eɗadna, ag ahilag wan aoglagnu madippig amu, da amu ele doomi,” awa atte.

Sekaraia 2:11

Haen amuppa amu, wanppan wan kuɗumnu danab ah ag Yawe gukkuidna daan, Nug dim lamiɗkkulagnu hekkulag. Ag nuhikkud danab ah bena daaglag. Nug ag oh, ag oolagppa daakku. Anam beeb amu, ag Yawe Nukka Ɠagattag Oh Ele Nug da meiɗe, da ahilagppa uɗimi dooglag.

Sekaraia 2:9

Anam amunu, da eppel humen heppi, wan amuppan begbeg maɗi nid, ⌊amuam Israel aɗi amu,⌋ ag ahan eɗadna, ahilkad keeke aon gokkulag,” awa atte. Amu beeb amu, ag ⌊Israel, ag⌋ Yawe Nukka Ɠagattag Oh ele, Nug da meiɗe uɗimi dooglag.

Sekaraia 8:5

Kaino ag anam daappeg, nid, nid ahin ele kuɗumnab ag Jerusalemnu ibppa qiɗ henan daaglag,” awa atte.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Matyu 25:45

Appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa ii heppig amu, ag dahilppa ele ii heppig,’ awe akkul.

Jon 14:26

Amge ahilag Ehanittak, Kayak Ouɗi, da Mamel Nug da onilppa meeb uɗikku amu, Nug uɗia, keeke oh ippuanatta, da ag amelagppa aɗi ami amu Nug heeb, ag daulagppa dokku.

Jon 17:18

Na wan imuppa meiɗe uɗie, wanppan danab ah oolagppa dayeye oimi, amubia da ag maatti, ag ele wanppan danab ah oolagppa daan oiglagnu gotteb.

Aposel 9:4

Anam amu, Saul nug wanppa na qa, wanppa niieye, nai baag laa na, inam nug amegppa a doyom. “Saul, Saul, na aɗinu da eheɗ heiɗttem?” awa aum.

Duteronomi 32:10

Nug ag atu taɗakppa mattialatta anattom. Yo, wan haɗaettak, amuppa ulah ɠagattag iwaltte amu, Nug appa mattialatta, anattom. Nug ag diia, ahilag guppiɗ dayaya atognoattom. Yo, Nug ag am nuhikkudnab amunu, Nug ha, ag dabmattom.

2 Tesalonaika 1:6

Kayak Nug kobol tutukkuib hette, amu Nug inam hekku. Aun ag uug madatteb amu, Kayak Nug ag amunu nob nau matta,

1 Jon 4:14

Mame Nug Bekka, wan imuppan danab oh eɗua diiadkkunu me uɗiom, amu ig Nug Bekka anidta, ig amunu iikku madittem.