Sekaraia 13:9 - Nobonob Baibel

⁹ Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Sekaraia 13:9 ပူးပေါင်းရင်းမြစ်များ

2 Samuel 7:24

Na Israel danab ah tituanatte, ag nahipadnab danab ah aakku daatteb; hanhan anam daaglag. Na, O Yawe, na ahilag Kayak bena daattem.

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

Job 28:1

⌊Amu Job nug anam mattia mala, nug tuɗitta aum.⌋ “Danab ag silwa wan ooppanu buutteb; ag gol aon, gol amu babaitta epeɗia awak daakkunu uɗat hettebnu aben ele daatte.

Sam 144:15

Huu laa ag anam daatteb amu, ag itittak ena aoppig daatteb. Ao, huu laa ag ahilag Kayak am Yawe, huu amu ag ag itittak ena aoppig daatteb.

Sam 43:4

Na anam heppe amu, O Kayak, da nahip qaɗabppa wakkul. O Kayak, na maɗoɗppan gamag ahak da meɗan, oo enanagnab doyak ele da meɗattem. Nahip qaɗabppa amu, da harp qeinne, na binan medakkul. O Kayak, na dahil Kayak.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Prowerb 17:3

Danab nug gol, silwa ele aab aɗuppa me, huananab gakkaɗe, le me, dubuttid laa daatte dayeb amu, danab nug ehale ukke, golppa o silwappa ii daatte; amge Yawe Nug ma anttak danab metta ha, Nug ib amuppa danab ooppa nau daatte dayeb he, miag atitte.

Solomonnu Ahi 2:16

Laa nug dahilnu oo mauhtte ele, nug am dahil daatte; da amu, da nuhig daattem. Doɗ gasel ag gikkiɗah, bala onig lili gamagppa daatte, gasel ag appa gikkiɗah aon latteb. Laa nug dahilnu oo mauhtte ele amu, nug doɗ gasel bia, da am bala lili bia daattem.

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Aisaia 48:10

Antteg! Danab nug silwa babaitta epeɗia awak daakkunu uɗat hette. Ao, nug he, silwa aab aɗuppa oppiaawak ba daatte, da amubia ahilagppa hemi. Amge da aab aɗuppa ii hemi. Iitta. Ag ena, oppiaawak ele bekkulagnu da uug digdig laa mattami.

Aisaia 58:9

Ag anam hena, ag geha Yawe onigppa eppeg amu, Nug ag oɗelagppa aokku. Yo, ag geha Nug onigppa ehanadkkunu eppeg amu, Nug ag oɗelagppa awa, “Da iikku daattem”, akku. Ag laa ɠagattag iitta ele eheɗ ii hattaglag dayeb, ag laa dilagnu, “Ag am nau, keeke hamu,” ii dooglag dayeb, ag naippa laa guittak ii mattaglag dayeb,

Jeremaia 24:5

“Da Yawe, da Israel dilag Kayak, da inam attem. ‘Juda danab ah da hei, ag gemu wan imuppa ii daatteb, ag Babilon wanppa diia ukka laih me dayak danab ah daatteb amu, da amu dilagnu ag ad fig meu ena imubia daatteb doottem.

Jeremaia 30:22

Da anam hekkul amunu, ag am dahilad danab ah daaglag; da am ahilag Kayak daakkul.” Yawe Nug anam awa atte.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Jeremaia 32:38

Ag dahilad danab ah daaglag, da ahilag Kayak daakkul.

Jeremaia 9:6

Jeremaia, na danab ah ag hambuppuak kobol huanak hetteb, na ag oolagppa daattem. Ao, ag hambuppuak amu oh dim lamidnana, ag da am Yawe, ag amu dabmekkulagnu uun autna aotteb.” Yawe Nug anam awa atte.

Esekiel 11:20

Ag dahil ɗo iɗu iɗu pehettak dabmettan dim lamidkkulag. Ag dahil danab ah daappeg, da ahilag Kayak daakkul.

Esekiel 14:11

Da anam heppi, Israel danab ah ag baula da dimeɗan, kayak hambuppuak ii dim lamadmana. Da anam heppi, Israel danab ah baula hipunin digdig hena, da noolppa oolagppa dubuttid tak ele ii daamna. Ag dahilad danab ah daappeg, da ahilag Kayak daakkul.’ ” Naɗi Yawe Nug anam atte.

Esekiel 20:38

Da amu heinne, da ag oolagppa aun aɗi ag dahil nai tappaeg nette amu, da ag anatten heppi, laa amu ag eɗun, ahilag wan, am Israel wan, ag appa ii gomana. Da wan laalappanu omaladppi, wan oh dilag atu taɗakppa daaglag, amge ag gona, ahilag wanppa ii daamna. Da amu heppi, ag oh dooglag, da am Yawe,” awa atte.

Esekiel 36:28

Da anam ehanadppi, ag ag mamelkad aɗi da ag wan mattami amu, ag wan amuppa daaglag. Ag dahilad danab ah daappeg, da ahilag Kayak daakkul.

Esekiel 37:27

Anam dayeb, dahil dayaknu aben ag oolagppa daakku. Dayebeb, da ahilag Kayak daakkul, ag dahilad danab ah daaglag.

Daniel 11:35

Haen amuppa danab doyak dabmak ena ele laala, ag oppiaawak, dubuttid iitta, ag eheɗ hak laa iitta ele daaglagnu, uug anam ahilagppa bekku. Uug amu beeb ukkeb, haen gogppa tekku. Aɗinu? Kayak Nug haen gog tekkunu tituanom amu, haen amuppa am gogppa tekku. Ii baolima.

Daniel 12:10

Laa kuɗum Kayak Nug uug bekkulagppa heeb, ag oppiaawak, dubuttid iitta, ahilagppa eheɗ nakok laa ii daama, ag anam daaglag. Ag enanag anam daaglag, amge nau hak danab ag tuɗidna, nau hekkulag. Nau hak danab ag ⌊nai amunu meu, Kayaknu hak ele⌋ diignu doyak tutukku ii aomna, amge danab ah doyak dabmak ena ele, ag diignu doyak tutukku aoglag.

Joel 2:32

Anam amge aun laa nug Yawe onigppa eeb amu, Yawe Nug ehanitteb, nug padal ii mema. Am aɗinu anam bekku? Yawe aumbia, qauko Sion, am Jerusalem appa ele, oɗo yaak danab daaglag. Ao, oɗo yaak danab oolagppa laa, Yawe onilagppa eum ele, ag daaglag.

Lewitikas 26:12

Da geha ag oolagppa oikkul; da ahilag Kayak daakkul, ag dahil danab ah daaglag.

Sekaraia 10:6

Yawe Nug atte. “Da Juda danab ɠagattag madakkul. Ao, da Israel danab ele ehanadppi, ag padal ii memana. Da ahilagnu oo bodoetta le mak doottem amunu, da heppi, ag eɗun, ahilag wanppa uɗin daaglag. Da matu geɗadmi, amge da am Yawe, ahilag Kayak amunu, haen amuppa ag da deɗ laa ii geɗadlom bia daaglag. Da ahilag unuqittak doyen ehanadkkul.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Sekaraia 8:8

Ag eɗun, Jerusalem daaglagnu da omaladppi, ag eɗun uɗin daaglag. Ag uɗin dahilad danab ah daappeg, da ahilag Kayak daakkul. Da ahilagnu oo metta ii uuak kobol, nai doya mala hettoɗia epeɗia elele mettak kobol ele dim lamidkkul,” awa atte.

Aposel 2:21

‘Anam amge aun laa nug Naɗi onigppa eeb amu, Naɗi Nug ehanitteb, nug padal ii mema.’ Joel anam yom.

Hibru 8:10

Amu Naɗi Nug tuɗitta inam ele aum. “Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Geha da Kayak ahilag daakkul; ag am dahil danab daaglag.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

1 Pita 4:12

O lailad, uug doyak kobol aab ewak bia ahilagppa betteb amu, amuppa ag aib ottaina, “Kobol laanab iikku betteb,” aon appig.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.

Revelesen 8:10

Aria, engel ebqak 3 nug trampet nuhig iwale amu hoɗoppai okkai laa, hul diditte bia ewawa, habppanu auta na qeum. Hoɗoppai amuam le okkai gotteppa, amu le qeppuɗia bak ele, le amunu wanppan ameg laippuppa na qe; aɗit laappa am iitta.

Revelesen 8:11

Hoɗoppai amu onig Mua. Le wanppanu ameg laippuppa oh amu mua ele beppig. Beeg amu danab kuɗum ag le amu laeg, oolag ewe, mauhadppig. Le wanppan ameg aɗit laappa am mua ele ii beppig.

Revelesen 8:12

Aria, engel ebqak 4 nug nuhig trampet iwale amu laa he, aamnu laih laippu, kalamnu laih laippu, amu hoɗoppai ameg laippu ele, amu oh ii amahalppig; aamnu laih aɗit laa, kalamnu laih aɗit laa, amu hoɗoppai ameg aɗit laa ele, amu oh amahalppig. Anam amunu, amunppa aua waɗele am amahlak iitta, tuqanppa ele aua waɗele am amahlak iitta.

Revelesen 8:7

Engel ebqak 1 amu nuhig trampet iwale, laa nug ais doɗo, amu aab aɗu tiig ele kaboliak ele buɗie, wanppa nena qeppig. Anam amu, aab wan maha laippu oh ewa, wan maha amu ooppa ad oh ewatta, gikkiɗah bau daatte ele maha amuppa oh ewom, amge wan maha aɗit laa amu ena daapiɗ.

Revelesen 8:8

Ena daaeheh amu engel ebqak 2 nug trampet nuhig iwale, amu laa qauko naɗinab aab ewa dittiak ele bia buɗie ukka, yuppa noum. No amu yu laih laippu amu tiilag eɗuom; laih aɗit amu ena daapiɗ.

Revelesen 8:9

Keeke oh yuppa bau daatteb ele amu, ameg laippuppa amu mauhppig; ameg aɗitppa amu bau daappig. Yuppan uub oh ameg laippuppa nauhppig; ameg aɗitppa am ena daappig.