Sekaraia 13:2 - Nobonob Baibel

² Yawe Nukka Ɠagattag Oh Ele Nug atte. “Deɗ amuppa da heppi, Juda wanppa danab o ah laippu laa nug kayak hambuppuak noobppa dup noa binag ii mema. Diig amunu amu, danab ah ag kayak hambuppuak laippu laa onignu ii dabmemana; oh am daulag atikku. Da heppi, propet ouɗi nau dilag ehanittakppa uɗat hetteb, amunu laippu laa, amu ouɗi nau amu oolagppanu laippu laa ele Juda wanppa iinab daama.

Sekaraia 13:2 ပူးပေါင်းရင်းမြစ်များ

1 King 22:22

Nug anam a amu, Yawe nug oɗ mettom. ‘Na geha gona, Ahap oo attem eeɗkkut?’ awa oɗ mettom. Oɗ mette amu, ouɗi nug Yawe amegppa aum. ‘Da ukken, hambuppuak nai Ahapnu propet oh oɗelagppa mekkul,’ awa aum. Ouɗi amu nug anam a, Yawe Nug aum. ‘Nahip ib amuppa Ahap nug aab Ramot, Gileat wanppanu banelag aha gokku amunu, na ame bia gona he!’ awa aum.” Mikaia nug anam aum.

Sam 16:4

Danab ah ag kayak laa noolagppa dup nona binalag metteb, amuam kayak hambuppuak, danab ah amu ag akka ahilagppa uug qagmetteb. Ao, haen ag doɗ laa main, kayak ahilag madatteb amu, da ag oolagppa ii daapa. Da ahilag kayak noolagppa dup noin binalag ii mepa.

Eksodas 22:13

Amu doɗ dakkuɗ laa doɗ amu qa lab, laa doɗ amu gumom ele nug makau, o sipsip, o doɗ atten amu, nug doɗ amunu huppu laala awa ukka, mudippan layag ippunidkku. Nug anam hekku, am nug makau keeke, doɗ dakkuɗ qeum amu, nug nob layag aib mettom.

Eksodas 23:13

Nai oh da ag matten, amelagppa ami amu, ag tutukku doon, dim lamitteg! Ag kayak hambuppuak aib unuqidnana, onilkad ele aib diippig. Amuam gunnab.

Aisaia 2:20

Haen amuppa danab ah ag geha ahilkad kayak hambuppuak dottolkad golppa, silwappa ele hak, ag amu noolagppa dup nona binalag mekkulagnu eppelagppa heppig, ag dottolkad amu oh geha agappeg, tog, meɗeb ele daattebppa gokkulag.

Esekiel 12:24

Aɗinu? Da heppi, nai oh meu ob amu, Israel danab laa nug keeke hambuppuak, da tuleglegppa keeke amu ii ippunidmi amu, nug, ‘Da tuleglegppa amu anidmi,’ ii ama. O danab laa nug laa ag nuhignu oo eeɗaknu ittag nai madippig amunu, nug ‘Uuppe, da dahil eman kobolppa keeke oh enaib daakkunu doomi,’ Israel danab ah amelagppa ii ama.

Esekiel 13:23

Ag amu hetteb amunu, da heppi, ag baula tulegleg genab iitta ii anidmana. Da heppi, ag eman hak kobol ii hemana. Da danab ah dahilad ag eppelagppanu diippi, ag ena daaglag. Da amu heppi, ag dooglag, da am Yawe,” awa atte.

Esekiel 14:9

Amu danab o ah laa nug anam propet laa gumitta ukka, ittag nai, oo eeɗaknu mattiebeb, propet amu nug dimppa aɗi bekkunu nai laa madikku dayeb amu, da Yawe, da nug amu hekkunu ib oo ii nepa. Da nuhig ib ii oo nepa amunu, nug anam eheɗ heeb, da heppi, nug nauha, nug dahil danab ah oolagppa baula ii daama.

Esekiel 30:13

Amu Naɗi Yawe Nug inam atte. “Da heppi, kekeɗ ag heppeg, Isip appa kayak hambuppuak dottolkad nauhkkulag. Ao, Mempis appa da heppi, kayak hambuppuak dottolkad ii daamna. Isip appa, ahilag okkai laa nug ag gumadkkunu ii daama. Amu da heppi, Isip danab ah oh ag baɗaglag.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Esekiel 36:29

Anam amu, da ehanadppi, ag baula kobol dubuttid ele, ag kobol amu baula ii hemana. Da heppi, ahilag ee am meu huan okku. Ag anam daaglag amu, da enug haen ahilagppa bekkunu ii apa.

Esekiel 37:23

Ag anam daappeg, da ehanadppi, ag tatam kayak hambuppuak dottolkad, amu oh am uɗig wak ele, ag ag noolagppa dup nona binalag meppig, kobol nau digdig laa ele heppig amu, ag baula anam ii hemana. Da ehanadppi, ag baula hipunin ii henana, da ii dimeɗamna. Da heppi, ag oppiaawak daaglag. Ag dahilad danab ah daappeg, da ahilag Kayak daakkul.

Esekiel 43:7

Nug aum. “Danab bekka, aben imuam dahil sia kingnu aben, da daakkulnu aben iikku. Aben imuppa da Israel oolagppa hanhan daakkul. Israel ag, ahilag king ele ag baula kayak hambuppuak noolagppa dup nona binalag ii memana; ag ele ahilag king dottog aon qappan, amuppa ag da onil oppiaawak ele heeg, danab ah laa dilag neekkakppa nau dayom amu, ag amu baula ii hemana.

Esekiel 6:6

Israel wan ooppa danab ah ag adeppa adeppa daatteb amu, kekeɗ ag heppeg, ahilag aab nauhakib daappeg, kayak hambuppuak dilag mettid lag nakok ele kekeɗ ag heppeg, lag amu nauhna autna aoglag. Nauhppeg, kekeɗ ag heppeg, ag Israel, ahilag qaɗab am nauhna autna aoppeg, kayak hambuppuak dottolkad amu aoɗak daan, nauhak daappeg, kekeɗ ag qaɗab, amuppa danab nug muttuɗig enanu ofa hette amu, kekeɗ ag qaɗab amu loppaɗppeg, nena qena nauhak daaglag. Kekeɗ ag anam henana, ag keeke laa oh ag Israel ag eppelagppa heppig amu, ag amu ele heppeg nauhna autna aoglag.

Hosea 14:8

O Israel, ag dottolkad eppelagppa hak, ag amu dilagnu awaidna dayeg! Da aakkuib, ag dabmadette atognoadttem. Da am ad pain ena laa bia, ⌊ag da waalppa ena daaglagnu elele⌋. Ahilag meu wak am dahilppanu ahilagppa uɗitte.” Yawe Nug anam atte.

Hosea 2:17

Da heppi, geha nug kayak hambuppuak Bal iɗu iɗunu daug atikku. Ao, geha nug ag onilag diiak baula ii hema.” Yawe anam awa aum.

Hosea 2:19

Da geha heppi, ag Israel, ag dahilad danab ah, da waal ⌊bia⌋, hanhan daaglag. Ge, da anam hein, da genab tutukku hak kobol, nai doya mala hettoɗia epeɗia elele mettak kobol, oo mauhaknab kobol, oo bodoetta le mak kobol,

Maika 2:11

Propet danab nau laa, nug hambuppuak danab nug uɗia, ‘Da dimppa aɗi bekkunu nai ainne, ag le ɠagattag aon lanan, oo gamag ahakib dooglagnu ippu ippunadppi doon dim lamidkkulagnu uɗie hettem,’ akku dayeb amu, nug am propet danab ahilagnu elelenab.” Yawe Nug anam atte.

Sepanaia 2:11

Yawe Nug heeb, Moap, Amon ele dilag kayak hambuppuak oh ag padal mekkulag amunu, Moap danab ah, Amon danab ah ele ag Yawenu ebehilag oh bodoetta le mekku. Yawe Nug anam ha maleb, wanppan wan ohppan danab ah ag ahilag wanppa Yawe noobppa dup nona Nug binag mekkulag.

Matyu 12:43

Nug anam mattiowa amu Nug aum. “Haen ouɗi nau laa nug danab laa uuidtte, nug ukka atu taɗakppa, nug aben laa antta, hik awa daakkunu oitte. Oiya oiya, nuhig dayaknu aben ena laa ii anidtte, aakku nug atte.

Matyu 7:15

Ag propet hambuppuak dilag dabmeig! Propet hambuppuak ag, ‘Da Kayak ippu ippunadttem,’ aon atteb, amge amuam nai hambuppuak. Propet hambuppuak ag wulp sipsip emala lakkunu, sipsip gaɗa awa ma, sipsip oolagppa oitte, ag amubia oitteb.

Luk 11:20

Amge Kayak Nug da ehaniɗe, da ouɗi nau lamadttem dayeb amu ag doyeg; Kayaknu ɗo maɗoɗ aakku ahilagppa uɗiom,” awa aum.

Duteronomi 12:3

Ag ahilkad qaɗab loppaɗadppeg neppeg, men gappi oh aoɗadppeg nauheg! Ag kayak hambuppuak Aserah dabmekkulagnu biidod amu maippeg ewebeb, kayak hambuppuak dottolkad amu otaɗadppeg neig! Ag keeke amu oh heppeg iitta meig! Laa nug kayak hambuppuak amu onilkad dabmemanu, ag keeke amu ohnab heppeg iitta meig!

Duteronomi 18:20

Amge propet laa nug aɗi nai laa da nug madikkunu ii ami, amge nug dahilppanu nai awom bia ha, da onilppa mattieb amu, ag nug qeppeg mauhaɗ! Amu ag propet laala ele, ag kayak hambuppuak onilagppa nai madippeg amu, ag ele aqappeg mauheg!” awa aum.

Josua 23:7

Ag aib Kanan danab, wan imuppa daatteb ele layam daappig. Ahilkad kayak aib onilag diippig. Ag aib kayak amu onilagppa ahilag nai ɠagattag qedappig; ag aib ahilagnu dup nona binalag meppig, o ag waalagppa daan, ag oɗelag dim lamidppig.

Revelesen 18:2

Nug na, baag okkaippanab ewa aum. “Aab okkai Babilon onig, ɠagattag ele aakku na qeum! Aakku na qeum! Nug aakku ouɗi nau daaglagnu abenlag daatte. Ao, nug am ouɗi nau oh dayaknu aben. Ge, nug am ai ii lanaknu epeɗiak daatteb, amuam ai danab nug ahilagnu ooppa uuaknab dootte, am amu dilag aben daatte.

Revelesen 19:20

Anam amge, laa ⌊hos hakkab attan dayom⌋ nug doɗ dakkuɗ aɗa, propet hambuppuak ele aɗom. Propet amu nug doɗ dakkuɗ ehanidkkunu epponak keeke kuɗum danab haknu elele iitta heum. Kobol amuppa nug danab oh, ag doɗ dakkuɗnu epponak keeke aoppig, ag ele doɗ dakkuɗ dottog noobppa dup nona binag meppig amu, nug ag hambuppualattom. Amunu doɗ dakkuɗ nug propet hambuppuak ele aa bau daaeheh, laa ⌊hos hakkab attan dayom ele,⌋ nug aa aɗalata, aab ameg kalu laa huana eotte onig salpa eotteppa buɗiate nopiɗ.