Sekaraia 13:1 - Nobonob Baibel

¹ Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Sekaraia 13:1 ပူးပေါင်းရင်းမြစ်များ

Sam 51:2

Na heppe, da oolppa aab iitta daakkunu oɗ medattem. Yo, na dahil hipunin uhuqna meɗan heppe, da oppiaawak bekkulnu unuqidttem.

Sam 51:7

Na dahil hipunin oh uhuqna meɗan heppe, da oppiaawak daakkulnu oɗ medattem. Ao, na heppe, da oppiaawak bein, lamen hakkab bia daakkulnu unuqidttem.

Aisaia 12:3

Haen laa geha uɗikku, haen amu uɗieb, geha ag Yawe ehanatte, ag padal ii meppig dabmena, gamag ahak aoglag; danab nug le baag diie, baag qaɗaiette, le ena mattia antta laawo gamag ahatte bia, ag gamalag ahakku.

Aisaia 4:4

⌊Danab laa ag Israel danab dilagnu, “Ag am Yawenu, oppiaawak ele,” akkulagnu diig am,⌋ Naɗi Nug nuhig ɠagattagppa Nug danab ah amu epeɗiatta, bappalatteb, ag Naɗinu, oppiaawak ele bena daan oiglag. Ib amuppa Naɗi Nug Sion ah oolagnu dubuttid, oolagppa aɗak daatte amu, Nug amu oh iha, oppieb ukkeb, Nug Jerusalem danab ag laa aqaeg mauhppig, ag beɗulagppa aab ele, Nug aab amu oh iha, oppieb gokku.

Jeremaia 17:13

O Yawe, naib ig Israel buɗub ehanigppe, ig ena daagnig. Danab ah oh ag ib apiɗidna, na uuidna oitteb ele, ag uɗa nak aoglag. Laa ag na, Yawe, ag ib apiɗidna, na uuidna, oitteb, ag yaak gappudppa dayaya, paha nauhtte, ag amubia nauhkkulag. Aɗinu ag anam nauhkkulag? Ag na Yawe, na keeke ena ohnu diig daattem amu, ag ib apiɗidna, na uuidna oitteb.

Jeremaia 2:13

Aɗinu? Danab ah dahilad, ag hipunin ib aɗit iikku heppig. Laa ag da, da am le bauklel diig amu, ag da uuiɗna, piɗe wana oitteb. Aria, laa amu, ag akka ag le aoglagnu wan moɗ buuppig. Ag amuppa le aoglagnu simen aɗappig, amge simen am aoɗom, le moɗ amuppa le daakkunu elele iitta.

Jeremaia 29:26

“Yawe Nug na mana mettak danab Jehoiada abenab aona, na Yawe laug gumakkutnu tituanittom amunu, danab auntai nug kaaka danab dayaya, nug ippu haaha, propet danab bia bette amu, na danab amu aon, maniguittak naunab nau, baeg, eppeg ele adppa qakkak, duug am aenppa qakkak amu, na amuppa mekkutoitte.

Jeremaia 33:8

Da Israel danab ah, Juda danab ah ele ag dahilppa hipunin heppig amu, da hipunin amu oppien madakkul. Ge, Israel danab ah, Juda danab ah ele ag dahil nai tappaeg neene, dahilppa hipunin heppig amu, da hipunin amu oh uhuqen madakkul.

Esekiel 36:17

“Danab bekka, deɗ laa Israel ag ahilag wanppa daappig, haen amuppa ag kobol nau digdig, hak nau digdig ele heeg, ahilag wan am dahil neekkakppa dubuttid tak dayom. Kalam aqak tiig am dubuttid ele, amubia da Israel dilag hak haen amuppanu dahil neekkakppa dubuttid ele daye doomi.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Esekiel 36:29

Anam amu, da ehanadppi, ag baula kobol dubuttid ele, ag kobol amu baula ii hemana. Da heppi, ahilag ee am meu huan okku. Ag anam daaglag amu, da enug haen ahilagppa bekkunu ii apa.

Esekiel 47:1

Aria, danab amu nug anam da amelppa ana, nug eɗua, da omaiɗa, Kayaknu mettid lag odppa ukke, da neekki, le laa Kayaknu mettid lag od ukku, laih kaɗag uɗitteppanu, amu waappanu noa ugekke anidmi. Amu le amu Kayaknu mettid lag, amuppanu aam bedeppa, appa ugakka, qaɗab laih yau uɗitteppanu qe-eɗitta, aam bedeppa, appa wana ukkom. Le amu Kayaknu mettid lag, amuppanu kaɗag uɗitteppanu, appa ukkomnu diig am, Kayaknu mettid lag noob am kaɗag uɗitteppanu daatte.

Lewitikas 11:36

Keeke amu oh Kayaknu neekkakppa dubuttid ele daatteb, amge doɗ amunu laa mauhom, gaɗa le moɗppa noa qeum dayeb, o le qeppuɗia bakppa noa qeum dayeb amu, le amu Kayaknu neekkakppa dubuttid ii daama. Amge, aun laa nug doɗ gaɗa amu awa, laih mette amu, nug am Kayak ele ouqa dayaknu elele iitta daakku.

Maika 5:12

Da heppi, emaɗ hak maɗi ahilagppa iinab daama. Ao, da heppi, ag baula danab laa emaɗ hak kobolppa heppeg ii nauhma.

Sekaraia 12:14

Israel buɗub laa oh ag aab ikki anen anen daanna, gaaglag. Danab ag danabib daanna gaappeg, ah ag piɗe akka daanna gaaglag.” Yawe Nug anam atte.

Sekaraia 12:3

Haen wanppan wan ohnu danab ag ahan, Jerusalem banelag uɗippeg, deɗ amuppa da heppi, Jerusalem amu men uug naunab, humaknu elele iittanab bia daakku. Aun nug men amu humakkunu hekku, nug guittak aokku, ⌊amubia aun nug Jerusalem heeb nauhkkunu hekku, nug guittak aokku⌋.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Jon 5:4

((Ag le amemɗul mettak ameg mena daadttappig. Haen laala engel nug le amuppa na, le amu amemɗul medattom. Le amemɗul mettak male amu, aria danab aun nug tatam anuqa leppa nottom, nug oɗe nuhig attemutai ele amu, haen aguppa nug ena daattom.))

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

1 Pita 1:19

Ag Kristus, Kayaknu Sipsip Nag, Nug am hipunin iitta, dubuttid ele iitta, ag Nug tiig enanag, amuppa ag uhuqak amu aoppig.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

1 Jon 5:6

Jesus Kristus Nug uɗia, leppa layattak awa ukka, ad emaitakppa mauha Nug tiigppa ig uhuqikkom. Amu le, tiig amu ele, keeke aɗit amu Nug Kayak Bekka ippunigtte. Le nug nukka ii ippunigtte. Iitta. Le tiig ele oh amu ippunigtte. Kayak Ouɗi Nug am doyak diig genabib diig amunu, Nug amunu mehuqtte.