Sekaraia 12:4 - Nobonob Baibel

⁴ Deɗ amuppa da heppi, bannu hos oh ag eheɗnab baɗappeg, daup hos attan oinna ban hetteb amu, ag oh dabmak ahilag eɗatteb, ag kaaka daaglag. Ge, da Juda danab ah neekkatten atognoadkkul, amge da heppi, Juda dilag kekeɗ, ahilkad hos oh ag amelag gaɗuak daakku.” Yawe Nug anam awa atte.

Sekaraia 12:4 ပူးပေါင်းရင်းမြစ်များ

1 King 8:29

Amu na mettid lag imu, na, ‘Da heppi, da onil am lag amuppa daakku,’ ame amu, na deɗ oh na amen am tuqan, amun ele uɗiebeb, lag imu anidkkutnu da ool daatte. Da ool anam daattenu diig am, haen da, nahip maɗi nid, da na unuqidkkulnu hein, da neegppi, lag imuppa uɗieb unuqidppi, geha na dahil unuqittak dookkut.

2 King 6:14

Aria, king nug Elisa Dotan aabppa daatte doya, nug ban danab ameg naɗi otia, hos, bannu karis ele matte, aoglagnu goppig. Ag tuqan gona, aab okkai amu talilidppig.

2 King 6:18

Anam amu, Aram ag Elisa aoglagnu uɗieg, Elisa nug ahilagnu Yawe unuqitta, inam aum. “O Yawe, na heppe, danab uɗippig umu ag amelag gatatu maneb, geha ag neegkkulagnu elele iitta daaglagnu oɗ medattem,” awa unuqittom. Awa anam oɗ me, aria Elisa oɗ meum bia, Yawe he, Aram amelag gatatu manom.

2 Stori 6:20

Amu na mettid lag imu, na, ‘Da heppi, da onil am lag amuppa daakku,’ ame amu, na deɗ oh na amen am tuqan, amun ele uɗiebeb, lag imu anidkkutnu da ool daatte. Amu haen da, nahip maɗi nid, da na unuqidkkulnu hein, da neegppi, lag imuppa uɗieb unuqidppi, geha na dahil unuqittak dookkutnu ele ool daatte.

2 Stori 6:40

Amu O Kayak dahil, na unuqittak ig lag imuppa hettem imu dookkutnu amu, na daut humakib daakkunu oɗ medattem.

2 Stori 7:15

Amu haen amuppa, haen danab ah dahilad ag uɗin, lag imuppa da unuqiɗkkulag amu, da ag dabmatten, da ahilag unuqittak dookkul.

Nehemaia 1:6

O Yawe da, nahip maɗi nid, da na dahil unuqittak da deɗ oh amun tuqan ele unuqittitti doon, nob ena meɗakkutnu oɗ medattem. Da Israel danab ah, ag nahipad maɗi nid maɗi ah ele amu, da amu dilagnu na unuqidttem. Amu da ii lokkumttem. Iitta. Da ig Israel danab ah, da ele, amu da mamel baekkudppan ele, ig oh nahip-ppa hipunin hemut amu, da miagib na amenppa madittem.

Aisaia 24:21

Yawe Nug haen amuppa hab daup, ⌊ameg laa Kayak ii dim lamidtteb⌋, am wanppan king, ⌊dada hak danab daatteb ele amu,⌋ Nug ag oh bu madakku.

Aisaia 37:17

O Yawe, da na Asiria dilag king Senekaripnu nai doon, dabmekkutnu ool daatte. O Yawe, na neegna, Asiria ag aɗi hetteb anidna dabmekkutnu oɗ medattem. Asiria dilag king Senakerip nug na, na Kayak bauklel ele, nug na awa awa nittak naunab nidakkunu nai me uɗiom amu oh, na amu neegna anidna doon, dabmekkutnu oɗ medattem.

Jeremaia 24:6

Da ag atognoatten ehanadppi, ag wan imuppa eɗun uɗiglag. Da ag atognoadppi, elele daaglag. Da eheɗ hadappi ii nauhmana. Da danab keeke eppe, ena bette, da amubia ahilagppa hekkul. Danab nug keeke hiɗe nauhtte, da amubia ahilagnu ii hepa.

Esekiel 38:4

Danab ag huk doɗ okkai oɗeppa mena eeɗtteb, amubia da na eɗuidppi daappe, da na eeɗitten heppi, na padal mekkut; na, nahipad daup oh ele. Da heppi, nahipad hos, nahipad daup, ag qep keeke elelenab aɗan, hos attan daan ban hetteb, amu nahipad daup huanaknab, laala ag guppiɗ okkai aɗatteb, laa ag guppiɗ nakok aɗatteb, ag oh qep elab human oitteb amu, da heppi, ag oh nauhkkulag.

Esekiel 39:20

Balal dahilppa ag hos teppu, laa nug qaɗeppa dayom teppu ele lakkulag. Ag ban danab ɠagattag, ban danab digdig teppulag ele lakkulag. Ag labeppeg, oolag aɗa autanab aokku.’ ” Naɗi Yawe Nug anam atte.

Daniel 9:18

O Kayak dahil, na daut human, dahil unuqittak dookkutnu oɗ medattem. O Kayak, na neegppe ukkeb, aab okkai na onin amuppa daatte amu, na aab amu nauhakib daatte anidkkutnu oɗ medattem. Ig genab tutukku hak danab ah amunu, ig oɗmak imu ii hettem. Iitta. Ig danab ah tutukku iitta, amge na danab ah dilagnu oot gai-iitta doon, oot mattan ehanadttem amunu, ig oɗmak hettem.

Sekaraia 10:5

⌊Juda⌋ ag ban danab ɠagattag, banppa ban ɠagattag hetteb bia daaglag. Ao, ag danab, ag ahilkad kekeɗ eheɗ eɗadtteb bia hekkulag. Aɗinu? Yawe Nug ag ele daatteb. Ge, ⌊Yawe ag ele daatteb, amunu⌋ ag ban ɠagattag hena, ag kekeɗ hosppa ban hetteb ele eɗadkkulag.

Sekaraia 12:11

Anukka Megido uɗemppa, Hadatrimon appa Juda danab ah gayak naɗi, okkai heppig; amu deɗ amuppa danab ah Jerusalem appa ag amubia gaaglag.

Sekaraia 12:3

Haen wanppan wan ohnu danab ag ahan, Jerusalem banelag uɗippeg, deɗ amuppa da heppi, Jerusalem amu men uug naunab, humaknu elele iittanab bia daakku. Aun nug men amu humakkunu hekku, nug guittak aokku, ⌊amubia aun nug Jerusalem heeb nauhkkunu hekku, nug guittak aokku⌋.

Sekaraia 12:5

Am haen amuppa Judanu aab ikki anen anen ag akka akka inam akkulag. “Jerusalem danab ah ag Yawe Nukka Ɠagattag Oh Ele, ahilag Kayak, ag nuhigppa ɠagattag aon ɠagattag daatteb,” aon akkulag.

Sekaraia 12:6

Amu Yawe Nug atte. “Deɗ amuppa da heppi, Judanu aab ikki ag waa ooppa aab nakok ewa ukka ukka, aab ameg qagmak eotte, o hul laa ewawa ukka, ee aeg gumu kuɗum ehagna qagmeppig eotte, ag amubia daaglag. Judanu aab ikkinu danab ag wan laala Juda wan talilittak daatteb eɗadna autna aoglag, amu Jerusalem am nuhig abenppa, appa ena, ɠagattag daakku,” awa atte.

Sekaraia 14:15

Oɗe nau danab kuɗum aqe mauhtteb ele amu, oɗe amuam hos, miul, kamel, donki, doɗ laala ele, kekeɗ diin uɗin, haen tutu dayak aab kaladna daaeg, doɗ amu ele oh appa daatteb ele amu, oɗe amuam doɗ amu oh ele aqadkku.

Sekaraia 9:8

Amu Yawe Nug atte. “Da dahil lag, da amuppa dayeye, Juda danab ah atognoatten heppi, kekeɗ ag uɗin, wanppa ii oimna. Da pehetten neekkitte daattem amunu, kekeɗ laihnu ag baula uɗin, danab ah dahilad dilag wan ii aomna. Ag baula dahilad danab ah eheɗ ii hattamna,” awa atte.

Aposel 17:30

Anukka danab ag elele ii doonna, ag keeke eppelagppa hena, binag meppig amunu, ahilagnu Kayak Nug dabmak okkai ii awom. Amge gemu amu, keeke amunu Kayak Nug danab oh wan ohppa daatteb amelagppa haknunab nai inam atte. ‘Ag oolag eɗueg!’ awa atte.

Duteronomi 28:28

Yawe Nug heeb, ag kaaka aqeb, amelag gaɗueb, dabmak kaboliak ele daaglag.